¹ Ẹ̀yin olùfẹ́, ní ìwọ̀n ìgbà tí a ní àwọn ìlèrí wọ̀n yìí ẹ jẹ́ kí á wẹ ara wa mọ́ kúrò nínú ohun gbogbo tì ó sọ wá di àìmọ́ ní ẹ̀mí àti ní ara. Ẹ jẹ́ kí á lépa ìwà mímọ́ nínú ìbẹ̀rù Ọlọ́run. ² Ẹ fi àyè gbà wa! Àwa kò se ohun búburú sí ẹni kankan. Àwa ko ṣe ìpalára fún ẹnikẹ́ni tàbí yan ẹnikẹ́ni jẹ. ³ Èmi kò sọ ọ̀rọ̀ wọ̀ǹyí láti dá yín lẹ́bi. Nítori mo sọ ní ìsàjú pé àwa níi yín ní ọkán wa, kí à le jùmọ̀ kú papọ̀ kí á sì jùmọ wà ní àyè papọ̀. ⁴ Mo ní ìgbẹ́kẹ̀lé tí ó tóbi nínú yíń, mo sì ń fi yín yangàn. Ọkàn mí kún fún ìtùnú. Ọkàn mí kún rékọjá fún ayọ̀ nínú gbogbo làásígbò wa. ⁵ Nígbà tí awá sí Masidóníà, a kò ní ìsinmin. kàkà bẹ̀ a yọ wá lẹ́nu ní gbogbo ọ̀nà nípa ìjàgùdù lóde àti ẹ̀ẹ̀rù nínú. ⁶ Ṣùgbọ̀n Ọlọ́run, ẹni tí ó ń tu olùrẹ̀wẹ̀sì nínú, tùwa nínu nípa dídé Títù. ⁷ Kìí ṣe nípa díde rẹ̀ nìkan ni Ọlọ́run fi tùwánínú. Ó tún jẹ́ nípa ìtùnú tí Títù ti gbà láti ọ̀dọ̀ yín pẹ̀lú. Ó sọ fún wa nípa ìfẹ́ ńlá yín, ìbànújẹ́ yín, àti ìsakitiyan nítorí ì mi. Nítorínà mo tún bọ́ yọ̀ púpọ̀. ⁸ Bí ó tilẹ̀ jẹ́ wípé ìwé tí mo kọ sí i yín mú yín banújẹ́, mi kò kábàmọ̀ rẹ̀. Ṣùgbọ́n mo kábàmọ̀ rẹ̀ nígbàtí mo rí wípé ó mú inú yín bàjẹ́. Ṣùgbọ̀n inú yín bàjẹ́ fún ìgbà díẹ̀ ni. ⁹ Inú mì dùn ní ìsinsìnyìí, kì í ṣe nítorí tí ẹwà nínú ìdàmú, ṣùgbọ́n nítorí tí ìbànújẹ́ yín mú yín ronúpìwàdà. Ẹ ní ìrírí ìbànújẹ́ ẹni bíi ọlọ́run, nítorínà Ẹ kò pàdánù ohunkóhun nítorí wa. ¹⁰ Nítorí ìbànújẹ́ ẹni bíi Ọlọ́run so èso ìrònúpíwàdà tí ó mú ìgbàlà lọ́wọ́ ní aláìkábàmọ̀. Ìbànújẹ́ ti ayé mú ikú dání. ¹¹ Ẹ wo irú ìpinnu ńlá ti ìbànújẹ́ ti Ọlọ́run so nínú yín.Irú ìpinnu ńla yìí ni ó fi hàn wípé ẹ jẹ́ aláìlẹ́ṣẹ̀. Irú ìbi ńlá yìí, ẹ̀rù yín, ìsakitiyan yín, ìtara yín, àti èròńgbà yín láti rí wípe a ṣe ìdájọ́ òdodo! Ẹ ti fi ara yín hàn gẹ́gẹ́ bíi aláìlẹ́ṣẹ̀ nínú ọ̀ràn gbogbo yìí. ¹² Bí ó tilẹ̀ jẹ̀ wípé mo kọ ìwé síi yín, èmi kò kọ ọ́ nítorí àwọn olùṣebúburú, tàbí nítorí àwọn tí ó ń jìyà nítorí ẹ̀ṣẹ̀ wọn. Mo kọ ọ́ kí ọ̀yin kí ó lemọ bí Ẹ ti jẹ́ olótìtọ́ sí wa ní iwájú Ọlọ́run. ¹³ Nípa èyí ni a gbà wá ní ìyànjú. Ní àfikún sí ìtùnú wa, a túnbọ̀ yọ̀ nítorí ayọ̀ Títù, nítorí wípe gbogbo yín mú ìtura bá ẹ̀mí rẹ̀. ¹⁴ Nítorí bí èmi bá sọ ọ̀rọ̀ rere yín fún Títù, ojú kò tìmí. Ní ìdà míràn, bí ó bá jẹ́ wípé ohun gbogbo tí a sọ fún yín bájẹ́ òtítọ́, bẹ̀ nà ni ohun rere gbogbo tí a sọ nípa yín fún Títù jẹ́ òtítọ́. ¹⁵ Ìfẹ́ tí ó ní sí i yín tóbi gidigan, gẹ́gẹ́ bí ó ti rántí igbọràn gbogbo yín, bí ẹ ti gbà á pẹ̀lú ìbẹ̀rù àti ìwàrírì. ¹⁶ Èmi yọ̀ nítorí wípé mo ní ìfọ̀kànbalẹ̀ tí ó kún nínú yín.