¹ Olùfẹ́, ẹ máse gba gbogbo ẹ̀mí gbọ́. Dípò bẹ́ẹ̀, ẹ dán àwọn ẹ̀mì wò lati ri wípé lati ọ̀dọ̀ Ọlọ́run ni wọ́n ti wá, nítorípé ọ̀pọ̀lọpọ̀ àwọn wòlíì èké ni wọ́n ti wọ inú ayé. ² Nípa èyí ni ẹ ó fi dá Ẹ̀mí Ọlọ́run mọ̀- gbogbo ẹ̀mí tí ó bá jẹ̀wọ́ pé Jésù Krístì wá nínú ẹran ara ti ọ̀dọ̀ Ọlọ́run wá. ³ àti gbogbo ẹ̀mí tí kò bá jẹ́wọ́ Jésù kò ti ọ̀dọ̀ Ọlọ́run wá. Èyí jẹ́ ẹ̀mí asòdì sí Krístì, tí ẹ ti gbọ́ pé ó ńbọ̀, ó sì ti wà nínú ayé báàyí. ⁴ Ẹ̀yín wá láti ọ̀dọ̀ Ọlọ́run, ọmọ ọ̀wọ́n, ẹ̀yín sì ti sẹ́gun wọn, nítorípé ẹnití ó wà nínú yín ju ẹnití ó wà nínù ayé lọ. ⁵ Láti inú ayé ni wọ́n ti wá: nítorínáà, ohun tí wọ́n nsọ ti inú ayé wá, ayé sì ntẹti sí wọn. ⁶ Láti ọ̀dọ̀ Ọlọ́run ni àwa ti wá. Ẹnikẹ́ni tí ó mọ Ọlọ́run ńtẹ́tí sí wa. Ẹnití kò wá láti ọ̀dọ̀ Ọlọ́run kò tẹ́tí sí wa. Nípa èyí ni a fí ńmọ ẹ̀mí òtítọ̀ àti ẹ̀mí àsìse. ⁷ Olùfẹ́, ẹ jẹ́ kí á ní ìfẹ́ ara wa, nítorí ìfẹ́ wá láti ọ̀dọ̀ Ọlọ́run, àti gbogbo àwọn tí ó ní ìfẹ́ ni a bí làti ọ̀dọ̀ Ọlọ́run, wọ́n sì mọ Ọlọ́run. ⁸ Ẹnikẹ́ni tí kò bá ní ìfẹ́, kò mọ Ọlọ̀run, nítorípé Ọlọ́run ni ìfẹ́. ⁹ Nítorí ìdí èyí ni a se fi ìfẹ́ Ọlọ́run hàn láàrin wa, pé Ọlọ́run ti rán Ọmọkùnrin rẹ̀ kansoso sínú ayé kí á ni le ni ìyè nítorí rẹ̀. ¹⁰ Nínú èyí ni ìfẹ́ wà, kìí se pé àwa ní ìfẹ́ Ọlọ́run, ṣùgbọ́n Oun ní ìfẹ́ wa, àti pé Oun rán ọmọ rẹ̀ láti di ètùtù fún àwọn ẹ̀sẹ̀ wa. ¹¹ Olùfẹ́, bí Ọlọ́run bá ní ìfẹ́ wa tó báàyí, àwa pẹ̀lú gbọdọ̀ ní ìfẹ́ ara wa. ¹² Kòsí ẹnití ó ti rí Ọlọ̀run ri, bí àwa bá nì ìfẹ́ ara wa, Ọlọ́run wà nínú wa síbẹ̀, a sì sọ ìfẹ́ rẹ di pípé nínú wa. ¹³ Nípa báàyí ni a ó fi mọ̀ pé àwa wà nínú rẹ ati Oun nínú wa, nítorí tí Ó ti fún wa nínú Ẹ̀mí Rẹ̀ ¹⁴ Bákanáà, àwa ti rí a sì ti jẹri pé Bàbá ti rán Ọmọ náà lati jẹ́ Olùgbàlà fún aráyé. ¹⁵ Ẹnikẹ́ni tí ó bá jẹ́wọ́ pé Jésù ni Ọmọ Ọlọ́run náà, Ọlọ́run ńgbé nínú rẹ̀ àti oun nínú Ọlọ́run. ¹⁶ Bákanáà, àwa ti mọ̀, a sì ti gba ìfẹ́ tí Ọlọrun ní fún wa gbọ́. Ọlọ̀run ni ìfẹ́, àti ẹnití ó bá wà nínú ìfẹ́ yi wa nínú Ọlọ́run, Ọlọ́run sì wà nínú rẹ̀. ¹⁷ Nítorí èyí, ìfẹ́ yi ti di pípé larin wa, kí àwa leè ní ìgboyà ní ọjọ́ ìdájọ́, nítorí bí Oun ti rí bẹ́ẹ̀ náà ni àwá rí ní aiyé yi. ¹⁸ Kòsí ẹ̀rù nínú ìfẹ́. Dípò bẹ́ẹ̀, ìfẹ́ pípé ńti ẹ̀rù síta, nítorípé ẹ̀rù ní se pẹ̀lú ìjìyà. Sùgbọ́n ẹnití ẹ̀rù ńbà kò ti di pípé nípa ìfẹ́. ¹⁹ A ní ìfẹ́ nítorítí Ọlọ́run ni Ó kọ́kọ́ ní ìfẹ́ wa. ²⁰ Bí ẹnikẹ́ni bá wípé " Mo ní ìfẹ́ Ọlọ́run" tí ó sì kóìríra arákùnrin rẹ̀, òpùró ni. Nítorípé, ẹnití kò ní ìfẹ́ arákùnrin rẹ̀, tí ó rí, kò leè ní ifẹ́ Ọlọ́run tí kò rí. ²¹ Bákanáà, èyí ni òfin ti a gbà lati ọ̀dọ̀ rẹ̀: ẹnikẹ́ni tí ó bá ní ìfẹ́ Ọlọ́run gbọ́dọ̀ ní ìfẹ́ arákùnrin rẹ̀.