¹ Lépa ìfé kí o sì ní ìtara fún ẹ̀bùn ẹ̀mí, pàápàá jùlọ kí o lè sọ tẹ́lẹ̀. ² Nítorí ẹni tí ó ń sọ èdè àìmọ̀ kò sọ̀rọ̀ sí ènìyàn sùgbón sí Ọlọ́run. Kò sí ẹni tí ó ní òye Rè nítorí ó n´sọ oun ìkọ̀kọ̀ ti ẹ̀mí. ³ Ṣùgbón ẹni tí ó ń so tẹ́lè ń ṣe èyí fún ìdàgbà, ìmúlókànle àti ìtùnú fún àwon ènìyàn. ⁴ Ẹni tí ó ń sọ èdè àìmọ̀ ń mú ara rè dàgbà, ṣùgbón ẹni tí ó ń sọ tẹ́lẹ̀ ń mú ìjọ dàgbà. ⁵ Nísinsìyí, ó wù mí kí gbogbo yín lé fèdèfọ̀. Ṣùgbọ́n ju bẹ́ẹ̀ lọ, ó wù mí kí ẹ lè sọ àsọtẹ́lẹ̀. Ẹni tí o ń sọ àsọtẹ́lẹ̀ lọ́lá ju ẹni tí ó ń sọ̀rọ̀ ní èdè àìmọ̀ lọ (àyàfi tí ẹnìkan bá ń túmò rẹ̀ kí ìjọ kí ó le dàgbà). ⁶ Ṣùgbọ́n nísinsìnyí, ará, bí èmi bá ń sọ̀rọ̀ ní èdè àìmọ̀, báwo ni yóò ṣe jé ànfàní fún yín? Èmi kòleè ṣe è yí, bí kò se pé mo ba yín sọ̀rọ̀ nípa ìran, tàbí ìmọ̀, tàbí àsọtẹ́lẹ̀ tàbí ìkọ́ni. ⁷ Bí àwọn ohun èlò tí kò ní ẹ̀mí bá ń dún - bíi fèrè tàbí dùrù - tí kò sì sí ìyàtò nínu ohùn wọn, báwo ni ẹnikẹ́ni yóó ṣe mọ ohùn tí fèrè tàbí dùrù ń wí? ⁸ Nítorí tí ohùn ìpè kò bá dájú, báwo ni ẹnikẹ́ni ó ti ṣe mọ̀ pé àkókò ti tó láti múra ogun? ⁹ Bẹ́ẹ̀ni, ó rí pèlú yín. Tí ẹ̀yin bá sọ̀rọ̀ tí kò mú ọgbọ́n dání, báwo ni ẹnikẹ́ni yóò ṣe ní òyẹ ohun tí ẹ ti so? Ẹ̀yin yóò máa sọ̀rọ̀, kò sì ẹni tí yóò ní òyẹ ohun tí ẹ̀ ń sọ. ¹⁰ Ó dájú wípẹ́ onírúurú èdè ni ó wà ní ayẹ́, kòsì sí èyí tí kò ní ìtumọ̀. ¹¹ Ṣùgbón tí èmi kò bá mọ ìtumọ èdè kan, èmi yóò jẹ́ àjèjì sí ẹni tí ó ń sọ̀rọ̀, ẹni tí ó ń sọ̀rọ̀ yóò sì jẹ́ àjèjì sí mi. ¹² Bákan náà pẹ̀lú yín, níwọ̀n ìgbà tí ẹ̀yin ń pòǹgbẹ fún ìfarahàn Ẹ̀mí, ẹní ìtara fún kíkọ́ ìjọ. ¹³ Kí ẹni tí ó ń sọ̀rọ̀ ní èdè àìmọ̀ gbàdúrà kí ó le è ṣe ìtumọ̀. ¹⁴ Nítorí tí èmi bá ń gbàdúrà ní èdè àìmọ̀, ẹ̀mí mi ń gbàdúrà, ṣùgbọ́n ọkàn mí jé aláìléso. ¹⁵ Kí ni kí èmi kí ó ṣe? Èmi yóò gbàdúrà pẹ̀lú ẹ̀mí ì mi, èmi yóò sì tún gbàdúrà pẹ̀lú ọkàn mi. Èmi yóò kọrin pẹ̀lú ẹ̀mí ì mi, èmi yóò sì tún kọrin pẹ̀lú ọkàn mi. ¹⁶ Bí béè kọ́, tí ìwọ bá yin Ọlọ́run pẹ̀lú ẹ̀mí, báwo ni ẹlòmíràn yóò ṣe ṣe "Àmín" nígbà tí o bá ń dúpẹ́ tí kò sì mọ ohun tí ò ń sọ? ¹⁷ Nítorí ìwọ ń dúpé gidigidi ní tòótọ, ṣùgbón ẹnìkejì rẹ kò tíì dàgbà. ¹⁸ Mo dúpẹ́ lọ́wọ́ Ọlọ́run wípé mo le fi èdè fọ̀ ju ẹnikẹ́ni nínú yín lọ. ¹⁹ Ṣùgbọ́n nínú ìjọ, màá yàa fi òye mi sọ̀rọ̀ márùń fún ìtọ́ni ẹlòmíràn ju ẹgbàárùń ìfèdèfọ̀. ²⁰ Ará, ẹ má ṣe jé ọmọdé nínú ìrònú yín. Dípò bẹ́ẹ̀, nínú ìwà búburú, ẹ dà bíi ọmọ ọwọ́. Ṣùgbọ́n nínú ìrònú yín ẹ dàgbà. ²¹ Ó wà ní àkọsílẹ̀ nínú òfin, "nípa àwọn elédè míràn àti ètè àjèjì èmi yóò bà àwọn ènìyan yí sọ̀rọ̀. Kódà àwọn kì yóò gbọ́ mi," ni Olúwà wí. ²² Nítorínà, ìfèdèfọ̀ jẹ́ àmì, kìí se sí onígbàgbọ̀ ṣùgbọ́n sí aláìgbàgbó. Ṣùgbọ́n ìsọtẹ́lẹ̀ wà fún àmìn, kìí sẹ fún aláìgbàgbọ́ ṣùgbọ́n fún onígbàgbọ́. ²³ Ǹjé tí gbogbo ìjọ bá wà papọ̀ tí wọ́n sì fi èdè fọ̀, tí àjẹ̀jì àti aláìgbàgbọ́ bá wọlé, wọn kò ní wípé asiwẹ̀rẹ́ ni yín? ²⁴ Ṣùgbọ́n tí gbogbo yín bá ń sọtẹ́lẹ̀, tí aláìgbàgbọ́ tàbí ẹnití kò ní òye bá wọlé, ohun gbogbo tií òhun bá gbọ́ yóò fún n ní ìdánilójú. A ó dáa lẹ́jọ́ pẹ̀lú ohun gbogbo tí a sọ. ²⁵ Ohun ìkọ̀kọ̀ ọkàn rẹ̀ yí ò hàn kẹdẹrẹ. Nípa èyí, ò un yóò si dojú bolẹ̀ yóò sì sin Ọlọ́run. yóò si sọ wípé Ọlọ́run wà láàrín yín ní tòótọ́. ²⁶ Kí ló tún kù, ará? nígbà tí ẹ bá péjọ pọ̀, oníkálukù si ti ni psálm̀ù kan, ẹ̀kọ́ kan, ìfihàn kan, èdè kan tàbi ìtumọ̀ kan. Ẹ se gbogbo èyí láti mú kí ìjọ kí ó dàgbà. ²⁷ Tí ẹnikẹ́ni bá sòrò ní èdè kan, ẹ jẹ́ kí ènìyàn méjì tàbí mẹ̀ta wà, àti ẹ̀yin ní ọ̀kọ̀ọ̀kan, kí enìkan sì ma túmọ̀ ohun tí ó ń sọ. ²⁸ Ṣùgbọ́n tí kò bá sí ògbùfọ̀, ẹ jẹ̀ kí oníkálukù wọn dákẹ́ nínú ìjọ. Sì jẹ́ kí oníkálukù máa bá ara rẹ̀ sọ̀rọ̀ àti Ọlọ́run. ²⁹ Jẹ́kí wòlìì méjì tàbí mẹ́ta sọ̀rọ̀, kí àwọn tí ó kù sì gbọ́ oun tí wọ́n ń sọ pẹ̀lú ìdámọ̀-yàtọ̀. ³⁰ Ṣugbọ́n tí a bá sì fi ohun kóhun han ẹnití ó jókǒ nínú ìsìn, jẹ́kí ẹnití ò ti ń sọ̀rọ̀ dákẹ́. ³¹ Nítorí gbogbo yín le sọtẹ́lè ní ọ̀kọ̀òkan. Fùn ìkọ́ni àti ìmú-lọ́kànle olúkúlùkù. ³² Nítorí ẹ̀mí àwọn wòlíì wà ní abẹ́ ìdarí àwọn wòlíì. ³³ Nítorí Ọlọ́run kìí se Ọlọ́run ìdàrúdàpọ̀, ṣùgbọ́n ti àláfíà. Èyí ni ìlànà nínú gbogbo ìjo onígbàgbọ́. ³⁴ Kí àwọn obìnrin dákẹ́ nínú ìjọ. Nítorí a kò gbà wọ́n láàyè láti sọ̀rọ̀. Dí pò o bẹ́ẹ̀, kí wọn wà ní ìtẹríba, gẹ́gẹ́ bí òfin ṣe wí. ³⁵ Bí ohunkóhun bá wù wọ́n láti kọ́, jẹ́ kí wọ́n bi àwọn ọkọ wọn ní ilé. Nítorí ohun ìtìjú ni kí obìnrin sọ̀rọ̀ nínú ìjọ. ³⁶ Ṣé ipasẹ̀ yín ni ọ̀rọ̀ Ọlọ́run ṣe wá ni? Ṣé ẹ̀yín nìkan ni ó tò wá ni? ³⁷ Bí ẹnikẹ́ni bá ro ara rẹ̀ làti jẹ̀ wòlíì, tàbí ẹni ẹ̀mí, jẹ́ kí ó mọ̀ dájú pé àwọn ohun tí mo kọ sí i yín jẹ́ òfin ti Olúwa. ³⁸ Ṣùgbón bí ẹnikẹ́ni kò bá mo èyí, kí a má ṣe dá a mò. ³⁹ Nítorínà, ará, ẹ má a fi ìtara sàfẹ́rí láti sọtẹ́lẹ̀, kí ẹ má sì se dá ẹnikẹ́ni lékun áti fi èdè fọ̀. ⁴⁰ Ṣùgbón kí ohun gbogbo jẹ́ síse ni dáradára àti létòlétò.