¹ Ǹjẹ́ ní tI ẹ̀bùn Ẹ̀mí, ará, èmi kò fẹ́ kí ẹ jẹ́ òpè. ² Ẹ̀yín mọ̀ pé nígbà tí ẹ̀yín jẹ́ kèfèrí, ẹ̀yín ti sọnù sínú àwọn òrìṣà aláìlefọhùn, ní ọ̀nàkọnà tí wọ́n ti gbà darí yín. ³ Nítorínà, mo fẹ́ kí ẹ mọ̀ wípé kò sí ẹni tí ó sọ̀rọ̀ nípasẹ̀ Ẹ̀mí Ọlọ́run tí ó le sọ wípé, "Jésù jẹ́ ẹni ègún". Kò sí ẹni tí ó le sọ pé, "Jésù ni Olúwa", bíkòṣe nípasẹ̀ Ẹ̀mí Mímọ́. ⁴ Ǹjẹ́ oríṣìríṣìí ẹ̀bùn ẹ̀mí ni ó wà, ṣùgbọ́n Ẹ̀mí kan náà ni. ⁵ Oríṣìríṣi iṣẹ́ ìránṣẹ́ ni ó wà, ṣùgbọ́n Olúwa kan ⁶ Onírúurú iṣẹ́ ni ó sì wà pẹ̀lú, ṣùgbọ́n Ọlọ́run kan ni ó ń ṣiṣẹ́ nínú gbogbo wọn. ⁷ Nísinsìnyí, fún olúkúlùkù ni a ti fún ní ìfihàn mí fún àǹfàní gbogbo ènìyàn. ⁸ Ǹjé nípasẹ̀ Ẹ̀mí Mímọ́ a fi ọ̀rọ́ ọgbọ́n fún ẹnìkan, àti fún ẹlòmíràn ìmọ̀ nípasè Ẹ̀mí kanna. ⁹ Àti fún ẹlòmííràn ìgbàgbọ́ nípaṣẹ̀ Ẹ̀mí kan náà, àti fún ẹlòmíràn ẹ̀bùn ìmúláradá nípasẹ̀ ẹ̀mí náà. ¹⁰ Àti fún ẹlòmííràn iṣẹ́ ti agbára, àti fún ẹlòmííràn ìsọtẹ́lẹ̀, àti fún ẹlòmííràn ipá láti mọ ìyàtọ̀ àwọn ẹ̀mí, fún ẹlòmíràn oríṣiríṣi ìfèdèfọ̀, àti fún ẹlòmíràn ìtúmọ̀ àwọn èdè. ¹¹ Ṣùgbọ́n ẹ̀mí kan náà ni ó ń ṣiṣẹ́ nínú gbogbo àwọn wọ̀nyí, tí ó sì fi ẹ̀bùn fún olúkùlùkù bí o ṣè wù ú. ¹² Gẹ́gẹ́ bí ara ṣe jẹ́ ọ̀kan tí ó sì ní ẹ̀yà ara púpọ̀ tí àwọn ẹ̀yà yìí sì jẹ́ ara kan náà, bẹ́ẹ̀ gẹ́gẹ́ ni pẹ̀lú Krístì. ¹³ Nítorípé nípa ẹ̀mí kan ni a tiṣe ìrìbọmi fún wa sí inú ara kan, yálà Júù tàbí Gíríkì, yálà òǹdè tàbí ẹni òmìnira, asì ń mu nínú ohun Ẹ̀mí kan náà. ¹⁴ Nítorí ara kìí ṣe ẹ̀yà kan, bíkòṣe pẹ̀lú ẹ̀yà púpọ̀. ¹⁵ Bí ẹsẹ̀ bá wípé, "Níwọ̀n ìgbàtí èmi kìí ṣe ọwọ́, èmi kìí ṣe ẹ̀yà ara", kò bùúkù ní ẹ̀yà ara ¹⁶ Bí etí bá wípé "Nítorí èmi kìí ṣe Ojú, èmi kìí ṣe ara', kò bùúkù ní ẹ̀yà ara ¹⁷ Bí gbogbo ara bá jẹ́ ojú níbo ni etí íbà gbé wà? Bí gbogbo ara bá jẹ́ etí, níbo ni imú ìbá gbé wa? ¹⁸ Ṣùgbọ́n Ọlọ́run to ẹ̀yà ara kọ̀ọ̀kan bí Ó ṣe gbèro rẹ̀. ¹⁹ Bí wọ́n bá jẹ́ ẹ̀yà ara kan náà, níbo ni ara ìbá wa? ²⁰ Nísìsiyì wọ́n jẹ́ ẹ̀ya ara púpọ̀, ṣùgbọ́n ara kan. ²¹ Ojú kò le sọ fún ọwọ́, "Èmi kò nílò rẹ". Tàbí kí orí sọ́ fún ẹsẹ́, "Èmi kò nílò rẹ". ²² Ṣùgbọ́n àwọn ẹ̀yà ara tí ó dàbí ẹlẹgẹ́ ṣe pàtàkì, ²³ àti àwọn ẹ̀ya ara tí a lérò pé wọ́n jẹ́ aláìlọ́lá ni a fún ní ọlá tí ó ga jù, àti àwọn ẹ̀ya ara wa tí a kò le fi hàn ni a fi iyì púpọ̀ fún. ²⁴ Nísinsìnyí, a kò nílò láti fi ìyì fún wọn nítorí tí wọ́n ti jẹ́ ẹni ìyì. Ṣùgbọ́n Ọlọ́run ti so gbogbo ara papọ̀, Ó sì ti fi ọlá púpọ̀ fún àwọn tí ó ṣe aláìní wọn. ²⁵ Ó ṣe eléyì kí ó má bàá sí ìyapa nínú ara, bíkòṣe kí ẹ̀yà ara le má ṣe ìtọ́jú ara wọn ní ìfẹ́ kan. ²⁶ Bí ẹ̀yà ara kan ba ń jìyà, ẹ̀yà ara yókù má jìyà pẹ̀lú rẹ̀, tàbí tí a bá bu ọlá fún ẹ̀yá ara kan, gbogbo ẹ̀yà ara á yọ̀. ²⁷ Nísinsìnyí ara Krístì ni ẹ̀yin, olúkúlùkù yín jẹ́ ara rẹ̀. ²⁸ Ọlọ́run si ti yàn nínú ìjọ, làkọ́kọ́ àwọn àpọ́stèlì, ẹ̀kejì wòlíì, ẹ̀kẹẹ́tà àwọn olùkọ́, ẹni tó ń ṣiṣẹ́ agbára, ẹ̀bùn ìmúláradá, àti àwọn tó ń ṣe ìrànwọ́, àti àwọn tó ń ṣe àbojútó àti àwọn tó ní onírúurú èdè ²⁹ Gbogbo wọn á jẹ́ àpọ́stélì bìí? Gbogbo wọn á jẹ́ wòlí bìí? Gbogbo wọn á jẹ́ olùkọ́ bíí? Gbogbo wọn á jẹ́ oníṣẹ́ ìyanu bíí? ³⁰ Ṣé gbogbo wọ́n ló ní ẹ̀bùn ìmúláradá ni? Sé gbogbo wọn ló ń fèdèfọ̀ ni? Ṣé gbogbo wọ́n ló ń túmọ̀ èdè ni? ³¹ Ẹ fi ìtara wá ẹ̀bùn èyí tó gajù. Ṣùgbọ́n èmi yóò fi ọ̀nà tó dára jù hàn yín.