¹ Yoos egaa, kotaa ergaa Kiristoos isa jalqabaa dhiifnee fuul-duratti gara bilchinaatti ni deemnaa. Hojiiwwan du’aa fi amantii Waaqayyotti qabnuuf qalbii jijjiirrannaadhaaf bu’uura kaa’uu ni dhiifnaa, ² yookaan bu’uura barsiisa waa’ee cuuphaa, harka nama irraa kaa’uu, du’aa-ka’uu warreen du’anii fi murtii isa bara baraa. ³ Kanas kan nuyi goonu yoo Waaqayyo jedhee dha. ⁴ Inni kun hin danda’amuutii warreen takka hubattoota ta’aniif, warreen kennaa isa samii irraa dhandhamataniif, warreen Hafuura Qulqulluu iraa hirmaattota ta’aniif, ⁵ akkasumas warreen dubbii Waaqayyoo isa gaariidhaa fi aangoo bara isa dhufuuf jiruu dhandhamaatanii, ⁶ garuu deebi’anii irraa kufaniif—isaaniin gara qalbii jijjiirrannaatti deebisanii fiduun hin danda’amu. Inni kun kan inni ta’uufis isaan Ilma Waaqayyoo ofii isaaniitiin fannisaniiru, akkasumas uummata fuul-duratti isa yeellasisaniiru. ⁷ Lafti inni bokkaa isa irratti roobu dhuguudhaan biqilaawwan warreen lafichi hojjetameef bu’a-qabeessa ta’an ni biqilcha—inni kun lafa isa Waaqayyo biraa eebba fudhatuu dha. ⁸ Garuu inni yoo qoraattiidha fi baalaan waraantee biqilche, inni homaafuu waa’ee hin baasu waan ta’eef abaarsa irraa fagoo hin jiru. Dhumni isaas gubachuu ta’a. ⁹ Garuu nuyi waa’ee keessaniif waan gaggaarii dhageenyeerra, jaallatamtootaa, waa’ee wanneen fayyinaa irratti, akkanatti dubbanna yoo ta’e illee. ¹⁰ Waaqayyo jal’ina hin hojjetuutii. Inni hojii keessanii fi jaalala isa isin maqaa isaatiif argisiiftan hin irraanfatu, sababiin isaa isin saba isaa warra qulqulloota tajajiltaniittuutii, ammas tajaajilaa jirtuu. ¹¹ Nuyi guddifnee hawwina akka tokkoon tokkoon keessan hanga dhumaatti amanamummaa kanatti akka jiraattan, abdiin keessan akka dhugoomuuf. ¹² Kun kan inni ta’uufis akka isin dhibaa’ota hin taaneefi, garuu akka isin akkeessitoota warreen amantiidhaa fi obsaan isa abdatame sana dhaalanii akka taataniif. ¹³ Waaqayyo Abrahaamiif yommuu kakuu galetti, ofii isaatiin kakate, nama kan biroo isaa ol jiruun kakachuu waan hin dandeenyeef. ¹⁴ Inni akkana jedhe, "Ani sin eebbisa, dhaloota hedduus siifan kenna." ¹⁵ Karaa kanaan, Abrahaam erga obsaan eeggataa tureee booda isa abdachiifame sana ni argate. ¹⁶ Namoonni nama isaanii ol jiru tokkoon kakatuutii. Wal falmii isaanii mara booda, kakuudhaan jabeessu. ¹⁷ Waaqayyo yommuu qulqullina kaayyoo isaatii isa hin jijjiiramne sana ifatti mul’isuudhaaf murteessetti, inni kakuudhaan xumure. ¹⁸ Inni kan inni kana godheef wanneen hin jijjiiramne lamaan—Waaqayyoof sobuun akka hin danda’amne—nuyi, warreen koolu-galtummaadhaaf badne, jajjabina cimaa ittiin abdii fuula keenya dura jiru kana qabanna. ¹⁹ Nuyi isa kana akka gaachanaatii fi da’oo amanamaa lubbuu keenyaatti qabaanna, abdii isa iddoo isa keessaa golgaa dudduubaatti seenu, ²⁰ bakka Yesuus, inni nu dursee deeme, bakka keenya bu’ee itti seenee jiru. Inni luba ol aanaa isa akka Malkatsaadeq ta’eera