¹ Kanaafuu, obboloota qulqullootaa, waamicha isa samii irraa ta’etti isin ni hirmaattu. Waa’ww Yesuus isa ergamaadhaa fi luba isa ol aanaa amantii keenyaa ta’ee yaadaa. ² nni Waaqayyo isa isa muudeef amanamaa ture, akkuma Museen mana Waaqayyoo maraaf manamaa turetti ³ Yesuus ulfina kan Musee irra caalu argachuutu malaaf, sababiin isaas namichi inni mana ijaaru man asana caalaa ulfina-qabeessa waan ta’eef. ⁴ Manni kam iyuu nama ta’e tokkoon ijaaramaatii, garuu waan mara kan ijaare Waaqayyoo dha. ⁵ Museen akka tajaajilaa Waaqayyootti guutummaa mana Waaqayyoo keessatti amanamaa ture, waa’ee wanneen gara fuul-duraatti dubbatamuudhaaf jiranii kan dhugaa ba’us ture. ⁶ Garu Kiristoos akka Ilmaatti amanamaa dha, itti gaafatamaa mana Waaqayyoo tis. Nuyi mana isaa ni taana yoo jajjabina keenyaa fi abdii isa ittiin of jajnu sanatti yoo jabaannee jiraanne. ⁷ Kanaafuu, inni kun akkuma Hafuurri Qulqulluun jedhu Sanaa dha: "Har’a, yoo sagalee isaa dhageessan ⁸ yaada garaa keessanii hin jabeessinaa akka fincilaatti, Yeroo qoramsa isa lafa onaa keessattii. ⁹ Inni kun immoo yommuu abbootiin keessan ana qoruudhaan ana irratti fincilanii dha, hojiiwwan kan koo erga arganii booda, ¹⁰ waggoota afurtamaaf. Kanaafuu ani dhaloota sanatti aareera. Akkanan ittiin jedhe, “Isaan yeroo mara yaada garaa isaaniitiin karaa irraa jal’ataniiru. Isaan karaa kan koo hin beekne.' ¹¹ Inni kun akkuma ani gadda koo keessatti: 'Isaan tasa iyyuu boqonnaa kootti hin galan.'" ¹² Of eeggadhaa, yaa obboloota ko, isin keessaa namni tokko illee akka yaada garaa amantii hin qabne hin qabaannetti, yaada garaa isa Waaqayyo isa jiraataa irra gara galu. ¹³ Garuu walii keessan guyyaa guyyaadhaan wal jajjabeessaa, hanga ini “har’a” jedhamuu waamametti, isin keessaa namni tokko illee gowwomsaa cubbuutiin garaan isaa hin jabaannetti. ¹⁴ Nuyi hidhata Kiristoos taaneerraatii yoo jalqabaa hanga dhumaatti amanannaa keenya isa irratti jabeeffanne. ¹⁵ Waa’ee isa akanaa akkana jedhameer tureetii, "Har’a, isin yoo sagalee koo dhageessan, Yaada garaa keessanii hin jabeessinaa, akka yeroo fincilaatti." ¹⁶ Inni Waaqayyoon dhaga’ee isa irratti fincile eenyuu dha? Isaan warra karaa Museetiin biyya Gibxiitii ba’an sana mitii? ¹⁷ Inni waggoota afurtamaaf kan inni itti aaraa ture eenyu? Isaan warra cubbuu hojjetanii reeffi isaanii lafa onaa keessatti kukkufee hafe sana mitii? ¹⁸ Eenyuudhaan kan inni boqonnaa kootti hin galtan ittiin jedhe, warreen isaaf abboomamuu didan sana yoo hin ta’in? ¹⁹ Nuyi ni argina akka isaan boqonnaa isaatti hin galin sababa amantii dhabina isaaniitiif.