¹ Seerichi gaadidduu wanneen dhufuudhaaf jiranii ti malee ofuma isaatiin bifa isa dhugaa kan wanneen sanaa mitiitii. Namoonni warri Waaqayyotti dhi’aatan aarsaawwan wal fafakkaatan luboonni wagaadhaa waggaatti dhi’eessaniin muda-dhabeeyyii ta’uu hin danda’an. ² Otuu akkana hin taanee, aarsaawwan sun dhi’aachuun hin dhaabatu turee? Silaa warri waaqeffatan sun si’uma tokko qullaa’anii ergasii yaada cubbuu kan biroo hin qabaatan tureetii. ³ Garuu aarsaawwan sanaan waa’ee cubbuutiif yaadachiifni waggaadhaa waggaatti ni godhama. ⁴ Dhiiga jibootaa fi kan re’ootaatiin cubbuu dhabamsiisuun hin danda’amuutii. ⁵ Kiristoos yommuu gara biyya lafaa dhufetti, akkana jedhe, "Isin aarsaadhaa fi kennaa otuu hin ta’in , Qaama keessan anaaf qopheessitu; ⁶ aarsaawwan gubamanii fi kan cubbuutiif isin gammachuu hin arganne. ⁷ Achii ani akkanan jedhe, ‘Ilaalaa, ani asan jira— akkuma inni barreeffama keessatti jedhame— fedha kee raawwachuudhaaf, yaa Waaqayyo.'" ⁸ Dura inni akkana jedhe, "Kan ati barbaadde aarsaa, kennaa, aarsaa yookaan kennaa, yookaan kennaa qofa, yookaan aarsaa gubamu, yookaan aarsaa cubbuu miti. Yookaan ati isaanitti gammachuu hin arganne.” Isaan kunneen aarsaawwan akka seerichaatti godhamanii dha. ⁹ Achii inni akkana jedhe, "Ilaalaa, ani fedha keessan raawwachuudhaafan as jiraa." Inni shaakala isa dura ani balleessa shaakala isa lammataa iddoo buusuudhaaf. ¹⁰ Fedha sanaan, nuyi karaa karaa aarsaa qama Yesuus Kiristoosiin qulleeffamneerra, si’a tokkoo fi si’a hundumaafis. ¹¹ Guyyaadhaa gara guyyaatti tokkoon tokkoon lubaa dhaabbatee ni tajaajila, aarsaadhuma wal fakkaatu ammas ammas dhi’eessuudhaan—aarsaawwan warra tasa cubbuu nama irraa dhabamsiisuu hin dandeenye. ¹² Garuu yommuu Kiristoos aarsaa tokkicha yeroo maraaf cubbuudhaaf dhi’eessetti, inni gara harka mirgaa Waaqayyoo taa’e. ¹³ Inni hanga diinonni isaa ejjennaa miilla isaatii ta’anitti eegaa jira. ¹⁴ Inni aarsaa tokkichaan warreen qullaa’an bara baraan muda-dhabeeyyii isaan godheeraatii. ¹⁵ Hafuura Qulqulluunis isa kana dhugaa nuuf ba’a. Dura akkas jedha, ¹⁶ "Inni kun kakuu isa ani isaan waliin galuu dha Guyyoota sana booda, jedha Gooftichi. Ani seerota koo yaada garaa isaanii keessa nan kaa’a, sammuu isaanii irrattis nan barreessaaf." ¹⁷ Achiis akkana jedhee itti dabala, "Ani cubbuu isaaniitii fi seera-dhabiinsa isaanii deebi’ee isaanitti hin yaadadhu." ¹⁸ Amma egaa bakka warreen kanneeniif dhiifamni jirutti, ammaan booda aarsaa kan biroo dhi’eessuun hin barbaachisu. ¹⁹ Kanaafuu, obbolootaa, nuyi bakka isa hundumaa caalaa qulqulluu ta’e sana dhiiga Yesuus Kiristoosiin seenuudhaaf ija-jabina qabna. ²⁰ Innis karaa isa haaraadhaa fi isa jiraataa inni karaa golgichaatiin, jechuunis foon isaatiin, nuuf tolchee dha. ²¹ Sababiin isaa nuyi mana Waaqayyoo irratti luba isa ol aanaa qabnaa, ²² kottaa yaada garaa dhugaadhaan isatti dhi’aannaa amantii dhuga-qabeessaan, yaada garaa keenyaa fedha hamaa irraa qulleessinee fi qama keenyas bishaan qulqulluudhaan dhiqannee. ²³ Kottaa abdii keenya isa dhugaa baanuuf sanas jabeessinee ni qabannaa, abdicha inni kenne sun amanamaa waan ta’eef. ²⁴ Kottaa walii walii keenya jaalalaa fi hojii gariidhaaf wal ni jajjabeessina. ²⁵ Kottaa wal arguu keenya hin dhiifnuu, akka warri tokko tokko dhiisan sana. Ijaa kanaa, wal jajjabeessaa, keessumattuu amma yeroo guyyichi dhi’aachaa jiru kanatti caalfitanii. ²⁶ Erga dhugicha beekne booda yoo nuyi beekaadhuma cubbuu hojjechuu itti fufne, aarsaan cubbuudhaaf godhamu ammaan booda hin jiru. ²⁷ Ijaa kanaa, kan jiru murti sodaachisaa ta’e tokkoo dha, ibidda cimaa diinota Waaqayyoo balleessu. ²⁸ Namni seera Museetiif hin abboomamne kam iyyuu dhiifama tokko malee dhuga-ba’umsa namoota lamaa yookaan sadii’iitiin ni ajjeefama. ²⁹ Hammam adabni caalu isa haa argatu ree nama isa Ilma Waaqayyoo miilla ofii jalatti dhiite, dhiiga kakuu sana akka waan qulqulluu hin taaneetti kan isa lakkaa’e—dhiiguma isa ittiin qulleeffame sana—akkasumas Hafuura ayyaanaa isa arrabse? ³⁰ Isa akkana jedhe san ani beeknaatii, "Ijaa baasuun kan koo ti; ani gatii nan baasa." Ammas irra deebi’ee, "Gooftichi saba isaatti ni murteessa." ³¹ Harka Waaqayyo isa jiraataatti kufuun waan nama sodaachisuu dha! ³² Garuu guyyoota warra darban yaadadhaa, isa erga beekumsa argattanii booda, dhiphina keessatti lola guddaa akka dandeessan. ³³ Yeroo tokko tokko uummata gidduutti arrabsoodhaa fi ari’atamaaf saaxilamtaniittu, yeroo kaan immoo warreen haala akkasii keessa jiran waliin dhiphina isaanii hirmaattaniittu. ³⁴ Isaan warreen mana hidhaa keessa jiraniif garaa waan laaftaniif, qabeenyi keessan yeroo fudhatamus gammachuudhaan simattaniittuutii. Isin ofii keessaniif qabeenya isa caaluu fi isa hin darbine akka qabdan beektaniittuutii. F ³⁵ Egaa amantii keessan gad hin dhiisinaa, inni badhaasa guddaa isiniif qabaatii. ³⁶ Isin jabaachuu qabdu, yommuu isin fedha Waaqayyoo raawwattan, isa inni abdachiise ni fudhattuutii. ³⁷ "Yeroo xiqqoo ishee kamitti iyyuu, inni dhufuuf jiru sun ni dhufa malee hin turuutii. ³⁸ Inni qajeelaan koo amantiidhaan ni jiraata. Yoo inni gara duubaatti deebi’e, lubbuun koo isatti hin gammaddu." ³⁹ Garuu nuyi warreen gara badiisaatti duuba deebi’an sana keessa hin jirru, garuu nuyi warreen amantii qabaachuudhaan lubbuu isaanii oolfatan keessa jirra.