¹ Ko agino amea kazi gho ko nyogho ŋieta noo gho? Ko nɔgɔ ŋaaunanyu ezedhizesa ai ŋieta noo gho? ² Ko unda adhimmi gimma ko ŋaajɔa. Unda a kazi ko lesioseza , ko nɔ unda ŋaɔlɔmɛ gi wa adhimmi nunde gho. Unda anyogonu ko aukonu. Ko ŋaɔlɔme, gaji unda ŋaghɨne Tamu. ³ Ko wassi unda aghine gho , unda ŋaajɔa gaji unda aghine gaŋguaji gerre , ŋietaji unda gi ajɔa gho amɛɛne dhambija ko ɛlɛa nunde. ⁴ Ko ugga eeza amɨsu loluse , ugga ngaghayo nʉŋɔ dhehunyese iya loja kagedhe Tamu gho? Ko nɔ eeshi abhera kiye dhehunyalozu gho, nɔnɔ kɨdhɨ amirota Tamuo. ⁵ Ko uggaezedhize nɔŋa Tamu elsa lo hɔro? Ŋieta anine kuloja Tamu amise agga kurghezo ŋieta naa adhimmi agga kato ŋieta nɨndɛ. ⁶ Ko nɔ nɔnɔ anye agga ghɨna shallizena shallɛ mele.Aji nɔŋa Tamu ani nɛghʉwɛ: Tamu ŋaadhimo eeza adhɔgɛ elezi ko nɔ anye shallɛzi eeza ghʉnuɛ. ⁷ Ko lome tɔŋɔlɛ ɛlɛa nunde, koŋa tɔŋɔle Tamu.Ɛghɛgi miniŋa ko nɔnɔ kɨdhɨ kereji rɛna ŋieta noo. ⁸ Ko ja ojhonu ŋieta Tamu ko nɔnɔ kɨdhɨ kigia ŋieta nunde . Tunya aiina ghundɛ , rɨdhɨŋa ghundɛ ko tunya sɨnɨza nunde, ko eeza ezedhe gi ramma. ⁹ Ko teleine tulene , ko ula . Tʉʉgʉɛnesa nunde karane kiye tulene ko elemunesa nunde ŋa kiye teleine. ¹⁰ Ko iye ghununɛ woyina Alano gho, ko nɔnɔ kɨdhɨ adhɔŋane unda dha. ¹¹ Ghɔzɔnogha ko ŋonogha , ŋaɔsɔanu gi gerre ŋieta eezu dha. Ko bhagɛ nɔnɔ nɔŋa alie nɔŋa ɛnɛ akule gho ko kabhagɛ nɔgɔ .Wassi unda abhagɛ nɔŋa ɛnɛ akule, unda ŋabhɛge juru, ko nɔ ayɛ bhagi loza. ¹² Ko nɔ ɔlɔ anyisa nɔŋa ɛnɛ akule adheshi ko bagi, ko iya odheshi amazus ko ayom. Ko nɔ unda ɛnɛ ŋɛnɛ ko bagi eeza abaku karrɨ gho? ¹³ Ko ŋoshodho isitoyo , ugga iya annu , ŋoshodho dha logha agga kɨdhɨ kaye ŋanyana dha ko ŋanyana atiya katama nyana haraza kɨmɨsa nyaghaisɛ ko kɨmɨsa bhirisha. ¹⁴ Kenya nʉŋgo, ugga shɔ ŋaghayo ghɨnyi kɨdhɨ amɛ logha gho . Rʉghisa nunde ani? Ugga adhitonu ko Ɨdhowa kajɔa ŋikite hʉŋ ko nɔ ako shahʉŋ. ¹⁵ Ko agga ma kanne, aji Alan adhi gho agga kɨdhɨ kabaka ko kamɨsa gi dha nyana.“ ¹⁶ Ko gaa ɛnɛ dhedhesh , ugga eeshi adhoŋu ɛlɛzi ko bhay dhoŋi ɛlɛ gerre. ¹⁷ Ko aji ʉtʉmma agha gi ame juru ko ame rɨdhɨŋ gho nɔnɔ a eeza rɨdhɨŋu.