¹ Eeshi mele ŋieta noo ŋakakiyɛzɔ dhemio, eeza kayebhe kaarɨ, gaaji ugga aghayu nʉŋgo agga eeshi kɛdhɛmɛna gho kɨdhɨ kɨronyɛzɛ kijara eeza bhaɛ. ² Agga bhaɛ kadalisha gaŋgenyi mele. Ko eeshi nɔgɔ ŋakadalijegho gho gii annɛ nɨgɛ gho aɛ dɨɨb, ko nɔgɔ ɔjanɛ kebbhegi elezia ghee biŋgili jurru ghɨnɛ bhaɛ ³ Wassi agga kerre siga harteshanu ʉzʉgezi ko kamɨ nɔgɔ kozoŋoldezɛ agga gho, aɛnʉŋgo agga kʉzʉguya ɛlya keleto biŋgili. ⁴ Dháá nɔ adhu ijinɛ torombila kidhou/awɔyɛ mamɛ hʉŋ! Shɔɔ aji nɔgɔ amatɛ ɔrrɔ ko ugulu ŋɔza akɔmɛ gho, nɔgɔ abhɛk ga kiteli wassi eeza ugulee adhi ko kʉg ŋieta umati gho. ⁵ Adhito ko agá ni, nɔnɔ a ga kiteli ɛlya, ko nɔ nɔnɔ amɨ gi aboɔrrɔ; aghai gi amɨ kegera aboɔrrɔ adhag goa akʉna ga kiteli gho hʉŋ. ⁶ Ko agá rɨgɨnɛ nɔnɔ a go, nɔnɔ ɛlya bhaɛ a ɔla gerrizeno; nɔnɔ atahane ɛlɛa eezo bhaɛ gerrizen, ami rʉghɨsa nɨndɛ biŋgili kʉg goya, ko agá ɛlɛa nɨndɛ kɨdhɨ adhak goa aɛ dhul. ⁷ Gamiza kɛlɛghɛanu bhaɛ, kalenu, ghɨna asutɛ ko ghɨna yirsendo/ abhakɛ kidho nɔgɔ kabhɛghɔ ko abhɛk eeza dhigirɛ, ⁸ Ko nɔ eeshi kakɛbhɛk agá anyjoni. Nɔnɔ a ga gerre ŋauyueso, ibhiziyɛ madha rezu dhɛk. But man to control tongue not-there. It is thing bad not-resting, full-of poison dead full. ⁹ ko agáza agga kadhɔŋ Alana naɛ ko Baba, ko agáza agga kasɔr eeza, iya bhalɨ kamɨa rizona Tamuo gho. ¹⁰ Ko ʉzʉga nyini odhe gho ubhuna dhoŋi ko tori. Ghɔzɔnɔgha, hulley maya ŋaɛnɛ. ¹¹ ɛndɛ maa shallɛ ko maa ɛnɛ shɔi azanyɛ hʉnaji odhe kaarɨ? Can water good and water for salt flow stream-of one together? ¹² Ghɔzɔnɔgha, ɛndɛ kɛɛza ɛnɛ bhogoni adhʉna girari kɛɛrɛ, dháá kɛɛza kamɨa wayn adhʉna bhɔgɔnɔ? Anyjoni, hʉnaja awandhɛ shɔjɛ maa shallɛ ŋaamɨa. ¹³ Aŋɛnɛ aghʉrghʉrɛ ko agha nɔŋa juru ŋieta noo gho? Kɛnɛ nɔnɔ kɛɛla rʉghɨsa nɨndɛ shallɛ, kimɨ ɛsɛza akʉna ŋieta ghʉrghʉrjaɔ gho. ¹⁴ Ko nɔ aji ugga olomu lesioseza akakazɛ ko eginu gereso sinezineghoo gho, ŋaadhoŋu elezi dháá agɛŋanu nɔŋa ɛnɛ dhereshi. ¹⁵ “Ghʉrghʉri” umma ŋaakʉna lo hurr tamuada ko nɔ a iya lozʉ, ɛnɛ kʉlɔa minindo. ¹⁶ Gaaji ŋieta ugga olomu lesiose ko nɔŋa eginu gerreso gho, ŋanyana ugga ajɔanu surujanine/ ulaline ko ghɨna gerre bhaɛ amɨɛ. ¹⁷ Ko nɔ ghʉrghʉrisa akʉna da a iya shallɛ ghonoghine bhaɛ; ŋa a ghanunu, lemunene, kagadha eeza, ghununsɛ, shirbhenesa abbo, ko kɛɛrɛa shallɛ, nɔŋa bagi juru, ko nɔŋa ɛnɛ dhereshi. ¹⁸ Eeza amisɛ ghanun iya udukɛ ghanun adhɔŋɛ shallizena shijigɛndɔ.