¹ Ghɔzɔnɔgha ghande, iya ayebhu Alan Yeso Kiristo ŋa ɛlsanu kali. ² Ɛndɛ eeza akuna irininesa noo kamalʉg rummiza shallɛ ko worgija aiizo gho, ko nɔnɔ eeza ɔshɔlaye amalʉg rummiza aresh akuna rɨgɨnɛ ³ Ko aji ugga isiraju eeza amalkɛ juru ko aninu, “A leja shallɛ sheni,” Ko nɔ aninu eeza ɔshɔlaye, “Tili ŋanyana” dha‘a‘ unda tili ŋanyana” dha‘a‘ au luza ŋanyana sɔnɛ ghunde gho.” ⁴ Ugga ŋa aghadɔlyɔ elezine ghoo ko kiye bagisa ko ezedhinesha miniŋu? ⁵ Ɨsɨratɔyɔ, ghɔzɔnɔgha ko ŋɔnɔgha: Tamu dhalɨ ŋani ŋa kɛbhɛra eeza ɔshɔlaye kɛrɛnɛ ko loshi nyini gho ko kiyɛzɔ bhɔzɔrɛn yebhia ko kesereigho tugaine dambija osine nɨnɛ eeza elemunye nɔnɔ gho? ⁶ Ko nɔ aji ugga ŋa adhoŋo eeza ɔshɔlaye gho. Ko ŋaɛnɛ eeza ɛnɛ bhɔzɔrɛn aji abheku ugga gho? Ko nɔgɔ ɛnɛ aji ayuŋ ugga nɔŋɛ akule gho? ⁷ Ko nɔgɔ ŋaɛnɛ eeshi adhɔmɛ sara ghɨndɛ shallɛ ko ŋieta atiyu uggau gho? ⁸ Aji ugga olomu nɔŋa akule dhereshi kajɔa ɔrgataja Tamuo gho,“Ko elemunyu bhakoga ghoo hulla ko elezia ghoo gho,”ugga amisu ghina shallɛ. ⁹ Ko nɔ aji ugga ɛlsanu kali gho, ugga ɛdhɛanu ridhiŋ ko agobhu gaŋgua gerre ko ŋani ŋa aghobho nɔŋa akule Tamuo. ¹⁰ Ko ghɔnɛa ɔlɔ nɔŋa akule bhaɛ ko ɛdɛa gi kiteli huŋ gho ɛdɛ ghina bhaɛ kiye gerre. ¹¹ Ko nɔnɔ iya anni, “Ŋa atunkonu tɛra eezu ko anni rɨgɨnɛ,“Ŋa akanu eeza ko aji ugga ŋa atunkono tɛra ko nɔ akanu eeza gho ugga iyetu eeza ŋa aghobho madhinyo shi. ¹² Alie ko ɨmɛghɔ hulla ko ghɔnɔghɛa ayɛ ko nɔŋa ghee kabage ko ayɔyɛ hurr. ¹³ Gaaji bagisa ɛlaindo anjoni kɨdhɨ elyɛa ŋieta ko eeshi ŋa ɔlɔmɔ ɛlaine gho.Ɛlaine aɛ woyi bakia ¹⁴ Ghɔzɔnɔgha ko ŋɔnɔgha gi shallɛ gho ainoti, aji utumma adha anni ɔlɔ yewi ko nɔ ŋa aghɔbhɔ gho? Ɛndɛ yewisi oshondo urghu nɔgɔ? ¹⁵ Kazi ko ghɔzɔnɛ dha ŋɔnɛ ate rummi kildoŋ ko tila adhakɛ didi. ¹⁶ Ko aji utumma ŋieta noo anne nɔgɔ,“Ɔzɔ ghanuna, ko ato ŋietaji abhure ko adhatɔ juru,” Ko nɔ ghina ghee adhime ŋa amisɛ gho, gi shallɛ gho ainoti? ¹⁷ Ko gaŋgua nyana lɛ,yewi kɛŋa nɨndɛ, aji ŋa aɔyɛ ko mina nɨndɛ gho, a rɛ. ¹⁸ Ko nɔ utumma kɨdhɨ anni, “Unda olomi yewi; Anda kolomi dhere. ¹⁹ Unda a yewe olomi Tamua odheshi. A shallɛ! Shɔ miniŋa ayɛbhɛ hula nyana lɛ-ko tɔŋɔli. ²⁰ Unda eeshi ɛnɛ dhalei unda adhimi mayesha ko yewisa mina anjoni a lohɔrɔ? ²¹ Ko ŋaɛnɛ baba naɛ Abraham aji kaga hɔrɛ ga ami nɨnɛ wassi nɔnɔ anye erruja nɨndɛ Hizag ko udul gurguma gho? ²² Ijhɛzɔ yewisa nɨndɛ ko mina nɨndɛ amɛ kari, ko yewisa nɨndɛ ɨmɛ ko iyeurda ga ami nɨnɛ gho. ²³ Ko ɔrgataja Tamuo ibhizi ŋieta anni,“Abraham ayɛb Tamu, ko nɔnɔ iye eeza hɔrɛ,”Ko kuzuɛ dehunya Tamuo. ²⁴ Ko ojhoya eeza kani shallɛ ghinɛ amisɛ nigɛ gho ko yewbhia kɔdhɔ ŋaɛnɛ. ²⁵ Ko gaŋgua nyana lɛ, dhali ŋaɛnɛ loluja kanne Rahab kɔdhɔ aji shallɛ ghɨnɛ ami nɨnɛ wassi nɔnɔ ɛla nɔgɔ ko idhigan nɔgɔ gaŋgua ummati gho? ²⁶ A dhito ko ɛlɛa hɔŋi anjoni a rɛ, ko yewisi mina anjoni gho a rɛ.