¹ Ugga eeshi ɛnɛ bhɔzɔrɛn jegi, ɨsɨrartɔyɔ, uluzue ko ezeleigho, gaaji kɨdhɨ nɔŋa gerre aʉnanɛ ŋieta noo. ² Kɨdhɨ birusha ghunde ojogi amujɛ, ko ɔgɛn adhakɛ rummiza ghunde. ³ Worgi ko tamunisha ghunde kɨdhɨ aɛrɛtɛ. Ko terinesi nyana nee gho, kɨdhɨ ɛlsa dháá unda kɨdhɨ adhaki terinesi nyana hulla goyu. Unda kɨdhɨ ojogiu birusha ghunde gonyasɛ kɨdhɨ uturjaɛ gho. ⁴ Ko eeza wa amɛ guya nunde gho ŋanɨ ŋakekesio ko nɔgɔ uzulueza, ko ulasa ghee ɔzɔ ko ɛdhɛnda ɨna Alanɔ Ʉrghʉyoto. ⁵ Ugga abhatu loza ŋai rʉghɨsa bhɔzɔrsɛzɔ. Ko abbo elemunyu elezia ghoo adhɨnɛ hulla ko keleta kakozodhoŋi. ⁶ Ko ugga wa uzurtu ko agatu eeza ate lai, ghɔnɔghɛa ŋa abirnuŋɔ ugga. ⁷ Ghɔzɔnɔgha ko ŋɔnɔgha, inimɛghɔ, koŋieti akʉnanɛ Alanɛ.Ojhoya eeza aghoye areye ko gɔra amɛanɛ kɛrɛ, ko animɛ ɔrrɔ arɛanɛ azandaji kibij ko kazanɔ. ⁸ Ko ugga lɛ, inimɛghɔ ko ato kɔk, gaaji satija akʉnanɛ Alanɛ iye ɔjhɔnɛ. ⁹ Ghɔzɔnɔgha ko ŋɔnɔgha ŋa ayogonu ko ghonoghu, dha’a’ kɨdhɨ kabaginuŋɔ. Eeza abag nɔŋa alɛ tutuga! ¹⁰ Ghɔzɔnɔgha ko ŋɔnɔgha aji kuduge nimɛ nɔŋɛ kɔshɔlaine gho, ojhoya totogiyoga aliye nɔŋa sarɛ Alanɔ gho. ¹¹ Gaaji ugga aghayu nʉŋgo, agga kozoi muyugenesa ko eeshi ɔlɔmɛ gergejine gho. Ugga bhalɨ ɨsɨtu gergejinesa Yobhi ko utureja ijhesu ga akʉnanɛ Alanɛ ŋieta nɨndɛ. Alan sini shallizen ko shirbhene ibhitɛ dhɛk ŋieta nɨndɛ. ¹² Ko ghɨnɛ bhaɛ, ghɔzɔnɔgha ko ŋɔnɔgha, ŋauyu sara tamuodaune dháá lozʉne dháá ghɨnɨŋghɛ hʉŋ. Ga adhimmu uggau bhaɛ, kene “Eee” kiye eee, dháá “Áa̕ áa ”. Aji aɛnɛ gho, ugga kɨdhɨ kabirnʉŋo. ¹³ ʉtʉmma ŋieta noo ɔlɔm nɔŋi gerre? Kɛnɛ nɔgɔ kalai Tamu. Olome eeshi elemune? Kɛnɛ nɔgɔ kodholi rinya dhoŋio. ¹⁴ ʉtʉmma ŋieta noo amɔrɔ? kɛnɛ nɔgɔ kuzuɛ eeza matɛ ko kessa Tamuo ko kalaye nɔgɔ Tamu ko kuudhe nɔgɔ mala sarɛ Alanɔ gho. ¹⁵ Ko lainesi kalai Tamu yebhia gho kɨdhɨ amɨ eeza amɔrnɛ kʉrghɛzɔ; kɨdhɨ Alan adhɔŋa nɔgɔ kato jina. Aji bhalɨ ɛdɛanɛ ghɨna gerre gho kɨdhɨ kadhozegho. ¹⁶ Ko ŋanyana dhɔs rɨdhɨŋ eeza bhaɛ ko alaye Tamu eeza bhaɛ ko ŋa unda rʉgho . Ko nɔ lainesa ko eeza shallɛ akɔme kato dhib. ¹⁸ Elia nɔnɔ a eeza kadhitona ko agga. Ko nɔnɔ ala Tamu ɔrrɔ ko tamua ŋauka, ko nɔ tamu ŋane ŋauka harato iyo ko nyoloŋɛ tɔrkono. ¹⁷ Ko rɨgɨnɛ nɔnɔ ala tamu , ko tamu daa anye tamu kuka ko lo bhigili iŋɛnanɛ kɛnɛ kɛrrɛ . ¹⁹ Gɔzɔnɔgha ghande, aji odhe ŋieta nɔɔ awashi gho nɔŋa ɛnɛ dhedhe ko ʉtʉmma ma akunane nɔnɔ ʉrʉto. ²⁰ Aghai gi ghɔnɔgha aunane eeza amɨse rɨdhɨŋ ŋietine gerre gho , nɔnɔ kɨdhɨ ʉrʉgha ŋieta arene gho ko ɨmɨ eeshi mele kodhɔte rɨdhɨŋ.