\c 5
1
እን ነበዋትኻ፡ ነቢራ ሃጌዲ ዘካርያስ ዒዲንዱዅረዲ፡ ይሁደዲ ዮርሳሊምዲትል መንደርተው ያሁድሲ፡ ናት ሱⶖ ጃር እስራኤልዱዅድ ነበይስኑዅሎም።
2
እንሲን ዘሩባቤል ሸኣልትኤልዅረዲ እያሱ ዮጻድቅዅረዲ ጒኑዅ፣ ዮርሳሌምትልኻ ልጝን ጃሩዅሲ ከደምድኖ ተርሲኒዅ። ናዲ ኣኽኖኽር ነበዋት ጃሩ ከቡኑሎም እርጉኑዅ።
3
እን ወክት እንዲሲ፡ እን ካርጝ ወረባ እንደረዱዅሊ መልካይ እርጋዅ ታትናይንዲ፡ ሽታር-ቦዝናይንዲ፡ እን ናጨርዲ እንትኖ ንሰና ይኑዅሎም፣ “እና ልጝን ሻትክሲ ከደምትኖሉ፡ እና መንደቕሲኻ ሓዲስድ ከደምትኖ አዊ ኣደድዅኑኩም፧” ይኖ ወጝቀርኑዅሎም።
4
ኒሰናኽር “እና መንደቅ ኒስ ነደቐው ከው ናሱⶖ ኣውረው ይስተናኵን፧” ይኖ ወጝቀርኑዅ።
5
እን መርሓት ያሁዱሲ ጃር ተከዉሎም እርጋዅ ኣኽነዲን፡ እን ጋር ዳርዮስትል ገእዮ ንሽቃ ክቱቡዅ አርድናሲክ ናክድመትሲ በኾርድኒኒክ።
6
ካርጝ አፍራጥሩዅሊ መልካይ እርጋዅዲ፡ ሽታር-ቦዝናይንዲ፡ እን ካርጝ ወረቢዅሊ እርገው ናጨር ኣፋርሳካውያንዲ፡ ሲም ዳርዮስትል እኝሻቕናዅ ዳብዳበራ ኒን፣
7
ኒል ዳብዳበራ ፈስኑዅ፣ ኒልኻ ነዋያዅ ክቱ ከተብሶ እርጉዅ፣ ኒውክ ሰላም ሲም ዳርዮስድ።
8
ይን ምልክ ያሁደሩዅሊ ልጝን በሀር ጃሩዅሊ ፈርነት፡ ሲም አርእን፣ እን እክ ልጝን ሻትክሲ ክርጝ በህሊልድ ደቕኑ እን መንዳቕስኽር ዓካይክ መሱንድ ከደማናኵ እⶖኲኑዅ፣ እን ክድመትር ተውሃትድ ናመርሓትድት ኣሸሻዅድ ከደምሳዅ እⶖኵዅ።
9
እንሲን እን ከው በህሊንሲ፣ “እና ልጝንኒስ ከደምትንቦ፡ እና መንደቕስኻ ሓዲስ ነደቕትኖ አዊ ኣደድዅኑኩም፧” ይኖ ወጝቀርንዅሎም።
10
ናመርሓት ሱጙጝሲ ክቱብድ ኵት አርእሲስኖካ ናሱⶖጝሲኽር ዋጝቀርኑኽንሎም።
11
እን ቆል ናው ወንተስናዅናኻ ኒን ግን፡ “ይን እን ጃር ሰሚዅዲ ብሪኵዲር ገኝሺን ግን፣ ገሪው ኣመታት ጃብ ከደምስሮ እርግረሪ፡ ላዅ በሀር ሲም እስራኤልዱዅ ከደሞ ተመምዶላ እረገሪ ልንሲኻ ከደምናኵን እⶖኵኑዅን።
12
ይናክል እን ሰሚዅ ጃርሲ ሓረቅድኖሰናክሉኻ፣ ናን እን ከለዳዊርኣ ሲም ነቡካድነጻር ባቢሎንዱዅድ ደኵሶ ኡውዅሎም። ንኻ እና ልጝኒት ፋሕሲዅላ፣ እን እክስኻ ባቢሎትል ሰሊቢዅሎም።
13
ሲም ባቢሎንዱዅ ቂሮስ ኔመራ ሰልፉዅሊ፡ እና ልጝኒ ጃርትሪ ከደምስቶ ሲም ቂሮስ ኣደዱዅ።
14
እን እራኵ ልጝን ጃሩሲ ደሀብዲ ወርከዲ፡ ነቡካድነጽጻር እን ዮርሳሌምትል ህምባዅ ልጝን ሻትክልድ አዶ፡ ባቢሎትል ኣረርሳዅ ልጝን ሻትክሊ ጋዓድዅሉ፣ ሲም ቂሮስኻ ልጝን ሻትክ ባቢሎንዱዅልድ ፍዶ ሸሽባጻር ይስታዅ ደውለቱዅ ሐብክማይ እሶ ሰየማዅድ ኡዅሉ።
15
እና እራኵነስ አዲ እማ ፈሪ እን ዮርሳሌምትል ህምብረሪ ልጝን ሻትክሊ ገምዲሎም፣ እን ጃር ልጝፍንኻ ንር ኣካንሊ ከደምስርን ይዅሉ።
16
እን ሻሽባጻር እንቱዅ እማ፡ እን ዮርሳሌምሊ ህምብረሪ ልጝን ጃርድሪት ሰረትዅላ፣ እንሲን ትልድ ተርስረኻ ናን ኣኽራሲክ ከደምሰቲ እⶖኵቲ ተመምሮኽር እልላ።
17
እማ ስምድ ንሰና ባህ ያዅሉ ኣከን፣ እና ዮርሳሌምትል ህምብረሪ ጃር ልጝን ከደምስቶ፡ ሲም ቂሮስትልድ ኣደድሳዅ ኣከን፣ እን ባቢሎትል ህምባዅ ልጝን ሲሙዅሊ ክቱብ ዋነን ጀረብሲን፣ እና ጋር ንድ ሰበትድኻ ሲም ኒምራድ ኣከን