1 Hai un tempo sinalado para todo, e hai un tempo parra cada delelite debaixo do ceo: 2 tempo de nacer, e tempo de morrer; tempo de plantar e tempo de arrincar o plantado; 3 tempo de matar e tempo de curar; tempo de derrubar e tempo de edificar; 4 tempo de chorar e tempo de rir; tempo de laiarse e tempo de danzar; 5 tempo de espallar pedras e tempo de recoller pedras; tempo de abrazar e tempo de absterse de abrazar; 6 tempo de buscar e tempo de dar por perdido; tempo de gardar e tempo de desbotar; 7 tempo de rachar e tempo de coser; tempo de calar e tempo de falar; 8 tempo de amar e tempo de odiar; tempo de guerra e tempo de paz. 9 Que vantaxe ten o traballador naquilo en que se afana? 10 Vin a tarefa que Deus deu aos fillos dos homes para que se ocupen nela. 11 El fixo todo fermoso no seu tempo. Tamén puxo a eternidade nos seus corazóns, porén o ser humano non entende a obra que Deus fixo dende o principio ata o fin. 12 Sei que non hai nada mellor para eles que alegrarse e desfrutar na súa vida; 13 ademais que todo home que coma e beba e vexa o ben no seu traballo, iso é un don de Deus 14 Sei que todo o que Deus fai será eterno, non hai nada que lle engadir e non hai nada que lle tirar; Deus obrou así para que os homes teman diante del. 15 O que é xa foi e o que ha de ser, foi xa, e Deus busca o que aconteceu. 16 Aínda vin máis debaixo do sol: que no lugar do dereito está a impiedade, e no lugar da xustiza está a iniquidade. 17 Eu dixen no meu corazón: Deus xulgará tanto ao xusto coma ao impío, porque hai un tempo para cada cousa e para cada obra. 18 Dixen ademais no meu corazón en canto aos fillos dos homes: De certo que Deus os probou para que vexan que só son semellantes aos animais. 19 Porque a mesma sorte é a dos fillos dos homes ca dos animais: como morre un, así morre o outro. 20 Todos teñen un mesmo hálito de vida; o home non ten vantaxe sobre os animais, pois todo é vaidade. Todos van ao mesmo lugar. Todos saíron do po e todos volven ao po. 21 Quen sabe que o hálitode vida do home ascende cara arriba, e o bafo de vida do animal decende para baixo, á terra? 22 E vin que non hai nada mellor para o ser humano que se gozar nas súas obras, porque esa é a súa sorte. Porque, quen lle fará ver o que acontecerá despois del?