¹ Ulimwi jeso wakabashimwina ati," nchobeni ndamwambila, nkubali bamwi benu bazhimine ano batakaaboni lufu kabatna kubona bwami bwa Leza kabuzhiza iinsana." ² kwite mazuba ali chisambomwe , Jeso waabweza Pita u jemusi u joni waliza abo alupili,, kabali beni. Amane Jeso wakachinchiwa kububushu bwabo. ³ Shikobel shakwe shakachincha ukumweka ukutuba cinicini kubaala shintu shamuluundu. ⁵ Ngoona Elija u Mozesi bakalibonya kwabo alimwi kabaamba u Jeso. ⁴ Pita waingula ukwamba kwa Jeso ati," mwiiyi ncibotu kwesu kuba ano, ubobo atuzake maanda otatwe , yomwi yako, yomwi ya mozesi, alimwi yomwi ya Elija." ⁶ Nkaambo wakabula chakwaamba, kuti balo kabafwile bukandu.) ⁷ Ikumbi lyakeza ukubahumba kwamana kwakatelelwa izwi kuvwa mwikumbi," Wezu ngumwanangu muzandishi nomutelele." ⁸ Nibakachebuka alimwi kwiina ngubakabona unji cita Jeso. ⁹ Ubobo nibakakwiza buseluka alupili wakabashimwina ati bataambila muntu naba womwi kuli nshibabona kushikila mwana a muntu akabushiwe kuvwa ku bafu. ¹⁰ Ubobo bakaazobola aza makani mushamba shabo nikuba bobo bakabandika mulwabo chaamba kubushiwa ku bafu nchichaamba. ¹¹ Bakamubuzha ati " Nkambo nzhi balembi ncibambila ati Elija ulyelele kutanguna kwiza. ¹² Jeso wakabashimimwina ati," Elija ulyelele kutannguna kwamba abambulule shintu shonse. Nkambonzhi nchikulembelwe ati mwanaa muntu ulyelele kupenga kushintu shinji shinji ukusampaulwa? ¹³ Pele ndamushimwina ati " Elija washika kale, alimwi bakachita shonse shibazanda kwakwe ,umbona mbukulembelwe kumakani akwe." ¹⁴ Nibakashika kwakuli bashichiiya .inkamu inkando yabantu ilibazhingulukile abo balembi kabakazhanya abo. ¹⁵ Mbubakamubonena jeso inkamu yonse yakazhingwa alimwi ciindi nibaamulukankila bakamwaanzha. ¹⁶ Wakabuzha bashichiiya bakwe ati,"Nchinzhi nchimukazhanya abo?" ¹⁷ Umwi muntu akati kabo wakataba ati ," Mwiiyi ndaleta mwanangu mulombwana kwako ulikwete moza mubiyabi umukasha kwamba . ¹⁸ Chilamukwata ukumuwaala anshi ulavwa iyovu kumulomo ukuluma intwino ukuzuma mubili. Inzho ndakulombele bashichiiya bako ati bachitande pele bakakilwa." ¹⁹ Wakabaingula ati " Lunungu lutashomi, nchiindi cilamfu buti nchinkakala amwe? cilampe buti chiindi nchinkapenga amwe. ²⁰ Bakamuleta mwembezhi kwakwe .Inzho moza nuwakabona Jeso , ndlyona buyo wakamukwata ukumuzhangamya. Mwembezhi wakawa anshi ngona wavwa iyovu kumulomo. ²¹ Jeso wakababuzha baushi ati, " anu chakamutalika lili? Baushi bakaingula ati" kuvwa kubushnto bwakwe. ²² Ciindi chimwi chilamuwala mu mulilo naba mu meenzhi kuzanda ukumuzonauna .Kuti na ulakonzha kuchita chimwi chintu,kwata inkumbu utuyovwe." ²³ Jeso wakamushimwina ati ,"kuti na ulakonzha?" shonse shintu nshuba kumuntu ushoma." ²⁴ Ndilyona buyo ushi mwana wakapozomoka kulila ati "ndashoma ! njovwa kutashoma kwangu. ²⁵ Jeso nakabona inkamu ilabalukankila ,wakotanda moza mubiyabi ukushimwina ati "uwe umoza nutaamba ukutatelela ,ndamba muvwe mu mwembezhi alimwi utazhoka linji muli nguwe." ²⁶ Ngoona awo moza mubiyabi wakakwiila ukumuzumya chansana mwembezhi amane wamuvwa waya. Mwembezhi wakawizuka chinichini,chakuti bantu banji banji bakamba ati," wafwa." ²⁷ Nikuba bobo Jeso wakamukwata kwitashi ukumuzhimuna, ngoona mwembezhi wakazhimuka . ²⁸ Jeso wakanjila munganda bashichiiya bakwe bakamubuzha mumaseseche ati, "nchinzhi nchitwatachilozhezha kutanda moza mubiyabi?" ²⁹ Wakabashimwina ati , "chechi tachikonzha kuvwa cita kukomba ukuliimya." ³⁰ Nibakavwa kubusena koko ukwita mu Galilaya katazanda kwamba naba muntu womwi azhibe nkubakubele, ³¹ ukuti kayiisha bashichiiya .Wakabaambila ati, "mwana a muntu ulapewa mumatashi abantu ,ukumuyaya .Pele nikuba kwamba ati ulakayayiwa, kwaita mazuba otatwe ulakabuka ulimwi." ³² pele baina nchibakatelela mukambo kako alimwi bakatiya ukubuzha. ³³ Inzho nibakashika ku kapenaumu .nakenjila munganda wakababuzha ati," nchinzhi nchimwakubandika munzhila?" ³⁴ Pele bakaliinza bulyo .Nkambo kabakazyanya uumwi-uumwi kwaamba ati nguni mukando. ³⁵ Nibakakala anshi Jeso wakompolola bali ikumi ubobile ukubashimwina ati "nakuli uzanda kuba mukando ,ulyelele kuba mushalizhi ukuba muzhike wabantu boonse." ³⁶ Jeso wakazhimika mwana akati kabo .wakamubweza umatashi akwe ukubaambila ati, ³⁷ kufumbwa utambula mwana uli bolya mwizhina lyangu ulatambula ume; woonse untambula , indime ngwatambula buyo pele watambula uwezo wakantuma." ³⁸ Joni wakamba kwakwe ati , "mwiiyi twabona umwi muntu ulatanda myoza mibiyabi mwizhina lyako ubobo twamukasha nkambo tatuchilila." ³⁹ Pele Jeso wakamba ati " mutamukashi ,nkambo kwiina ukonzha kuchita milimo mikando mwizhina lyangu amana ukwamba shintu shibiyabi ali ume. ⁴⁰ Kufumbwa wezo utatulwisha atati uli aswe. ⁴¹ Kufumbwa wakupa inkapu ya meenzhi akunwa mwizhina lyangu, ulakayana bulumbu. ^{42 44} v 42 Kufumbwa wezo ukalebya omwi wa bashoonto bashoma mwangu ,chabota angwe ibwe ikando munshingo ukusowelwa mu lwatele. ⁴³ Kuti na itashi lyako lyakulebya, likosole. Chabota kunjila mu bwami ubulema kubazha umatashi obile ukuya mwibibi lya mulilo, mumulilo utazhimwa. ^{45 46} Kuti na itende lyako lyakulebya , likosole .chabota kunjila mubwami ubulema kubaala kuwaalwa umulilo umatende obile. ⁴⁷ Kuti na linso lyako lyakulebya chabota ulikushe ,chabota kunjila mubwami bwa Leza u Linso lyomwi kubaala kuya mumulilo u menso obile. ⁴⁸ Mwalo momo maumba abo mwatafwi alimwi umulilo mutazhimi. ⁴⁹ Nkaambo noonse mulakasubulwa umulilo. ⁵⁰ Mwino mubotu pele kuti wabula muchanka mbubuti mbukonzha kukwata muchanka alimwi.