¹ Ba falisi ubalembi bamwi bakavwa ku Jelusalemu bakabungana bamuzhinguluka. ² Bakabona ati bashichiiya bakwe bakakulya chinkwa umatombe kumatashi, chechi, chilamba baina ukasamba. ³ (ba Falisi ubama Juda tabalyi kabatana kusamba kumatashi, nkambo kabachilizha tunshiya-nshiya twabakando. ⁴ Ba Falisi bahwa ku mushika, tabalyi chita basamba, alimwi balakwata shintu shinji shinji shibatambula shili ukoya kusanzya inkapu, shibiya, mitiba yalubulo njibalila.) ⁵ Bafalisi ubalembi bakamubuzha Jeso, "Nkambonzhi bashichiiya bako nchibatatobela tunshiya-nshiya twabakando, balalya chinkwa kwiina kusamba kumatashi?" ⁶ Pele wakabataba, "Isaya wakashinshima kabotu kuli umwe nubashikupaupa amenso.Kambo chili lembelwe ati, "Bantu balandemeka kumilomo yabo, pele myozo yabo ili kulaale ame. ⁷ "Balankomba chabulyo, Balayiisha milawo yabantu itali ya Leza." ⁸ Mwaleka milawo ya Leza mwakwata milawo yabantu." ⁹ Alimwi wakabambila, "Nchiinzhi nchimuleka milawo ya Leza kwamba mutobele tunshiya-nshiya twenu! ¹⁰ Nkambo Mozesi wakamba, 'Lemeka bauso ubanoko,' alimwi, 'Wezo usampaula baushi na baina ulakafwa.' ¹¹ Pele wamba, 'Na muntu wamba kwabaushi na baina, "Kufumbwa buyovwe mbwatambula ati chiltewa kobani''' (nkukwamba,wapa Leza'), ¹² inzho telele kuchita linji chili choonse kwa baushi na baina. ¹³ Mwalibuzha bulemu izwi lya Leza, nkambo katunshiya-nshiyatwenu ntumwaleta anshi ushimwi shintu nshimuchita shikozhana usheshi nshimuchita." ¹⁴ Wakompolola inkamu amane waamba ati, "Amumpupulale noonse ukutelelesha. ¹⁵ Kwiina chintu chansengwe chinjila mumuntu chisofwazha. Chimusofwazha nchichecho chihwa mukati kamuntu nchichimusofwazha." ¹⁶ Nakuti muntu ulikwete matwi akutelela, natelele. ¹⁷ Inzho Jesu nakashiya inkamu wakanjila munganda, bashichiiya bakwe bakamubuzha makani a kaambyo. ¹⁸ Jeso wakaamba ati, "sa amwe tamuna kutelela? Choonse chanjila mu muntu chihwa ansengwe tachimusofwazha, ¹⁹ nkaambo tachikonzha kunjila mu mozo wakwe, pele chilaya mwifu chamana chavwa chatolwa muchimbuzi?" Amane Jeso kubandika makani aza, Jeso wakaamba shoonse shakulya shilasalala. ²⁰ Wakaamba, "nchecho chivwa mu muntu chimusofwazha. ²¹ Nkambo kuvwa mu muntu, ku mozo mumuvwa mizeezo mibiyabi mamambe, buteu kuyaya, ²² bumambe bubeshi, bubiyabi, kutashomeka, kulisumpula, lutuzhi,,matushi, kulikumbuzha ubulimbushi. ²³ Shoonse sheshi shibi, shilavwa mukati, nshishisofwazha muntu." ²⁴ Wakazhimuka ukuya kubusena bwa Taya uku Sidoni. Kolya wakanjila munganda. Katazanda kwamba bantu bazhibe nkwabele, nikba bobo katakonzha kuzuba. ²⁵ Pele ngona awo mukaintu wakakukwete mwana mushimbi wakakunjililwe moza mubiyabi wakatelela, wakashika wawila kumatende akwe. ²⁶ Wezu mukaintu kali mu Giliki, kali mwenzu kali waku Fonika. Wakamulomba ati atande moza mubiyabi mu mwanakwe. ²⁷ Wakamushimwina ati, "Tanguna mupe chakulya bana. Nkambo tachili chibotu kubweza chinkwa chabana kusowela babwa." ²⁸ Wakamutaba wamba ati, "Ee, Mwami, naba babwa bali munshi mwitebulu balalya bufwefwelenga bwa bana." ²⁹ Wakamushimwina, "nkambo ka bwambe bwako wanguluwa kuya. Moza mubiyabi wamuvwa mu mwanako." ³⁰ Wakabweela ku nganda yakwe wayana mwanakwe ulilele abulo, moza mubiyabi wamuvwa. ³¹ Wakamuvwa mumunzhi wa Taya, wakosola mumunzhi wa Sidoni ku lwatele lwa Galilya mpaka kumunzhi wa Dikapolisi. ³² Bakamuletela wakakwina matwi alimwi katamba kabotu, bakamulomba kwamba amwampe matashi. ³³ Bakamukusha kubantu bamutla kumbali, amane wamubika minwe mu matwi ukufwila amane wakwata mulaka wakwe. ³⁴ Wakalanga kwizeulu ngona walishishimukila, ukmwambila atii, "Efata,"nkukwamba ati, "Yalula!" ³⁵ Awo ngona matwikawe akayaluka mulaka wakwe wakanguluka, watalika kwamba kabotu. ^{36 37} Nikuba ati Jeso wakakasha kushimwina bantu. Pele balo nibakaitilizha uku bulana. Bakazhingwa chini chini, balamba, "wabamba shintu shoonse kabotu. ulalozha kubamba baina matwi kutelela ubataamba kwaamba."