¹ Nakavwa koko kwakubele washika kumunzhi wakwabo, bamane bashichiya bakwe bamuchilila . ² Nibwashika buzuba nsabata ,wayisha mu sinagogu.Bantu banji banji bamutelela ukumuzhingwa. ukwamba ati," anu kuyiisha koku wakuyana kwi?" "Mbusongo nzhi bobu?" "maleele nzhi aza ngachita umatshi akwe?" ³ Sa wezu tali wezu ubeza ,mwanakwe Maliya alimwi sa tali munina Jemus u Josesi u Juda u saimoni?Banina bakaintu sa tabewo ano?" Babishizhiwa kwa Jeso. ⁴ Amane Jeso wakamba ati kwabo," Mushinshimi tali muntu utalemekwa cita muzhale munkambe umunzhi mwakazhalwa alimwi cita kubasazhina mbuchizhalwa abo alimwi ubantu mbuchivwa abo munganda." ⁵ Katalozha kucita mulimo mukando chita buyo kubaampa amitwi matashi babo bashoonto buyo bakuli balwazhi ukubaponya . ⁶ wakazoowa kubula lushomo kwabo.Amane wakaya muminzhi kuya buyiisha. ⁷ Amane wakoompolola bali ikumi u bobile ukutalika kubatuma bobile bobile ukubapa insana shibaala amyoza itasalali, ⁸ alimwi wakabalailila kutabweza nichiba chomwi mumushinzo wabo, cita buyo Musako-kwina Cinkwa kwina chinzuma alimwi ukwina mali muntambo shabo- ⁹ pele kusama impato alimwi kutasama tuputula tobile ¹⁰ Wakamba kubabele, "lyoonse nimunjila mumaanda, amukale awo kushika mpaka mukavwe awo. ¹¹ Nakuti inkambe imwi ina kumutambula nikuba kumutelela ,mwakamuvwa mubusena bobo amukakunkumune lufuko kumatende enu kwamba bukabe bumboni ukwabo." ¹² Bakaya kukambauka kwamba bantu bachinche . ¹³ Bakatanda ma daimona manji manji alimwi ukunanika bamalwazhi alimwi ukubaponya. ¹⁴ Mwami heloda nakatelela, ukuti izhina lya Jeso lyakezhibwa cinicini .Bamwi kabamba ati "Joni mupapatizhi wabushiwa kuvwa kubafu nchichecho insana shamaleele nshishisebezela muli nguwe." ¹⁵ Bamwi kabamba ati" ngu Elija "Pele bamwi kabaciya bwamba ati "ngu umwi waba shinshimi bakale kale." ¹⁶ Pele Helodi nakaatelela azo wakamba ati," Joni ngundakakosola mutwi,wabuka." ¹⁷ Ukuti Heloda wakatuma kwamba Joni aangwe ukubikwa muntolongo mukaambo ka Helodiyas (muka Filipo munina), nkambo wakamutwala. ¹⁸ Ukuti Joni wakamwambila Heloda ati "tachili mu mulawo kwamba uwe utwale muka munyoko." ¹⁹ Pele Helodiyasi camulemeka ukumukwatila inkoto alimwi kazanda kumuyaya, pele katakonzha, ²⁰ ukuti Heloda kamutiya Joni; kezhi ati uliluleme alimwi muntu usalala alimwi kamulela ukumukwabilila . kumupupulala kakumupa kuzhingwa chinichini, pele kamutelela chakubotelwa . ²¹ Inzho bwakashika buzuba Heloda mbwakuzhibaluka buzuba nakazhalwa amane wakapanga ipobwe lya Bakando kando ubashikalumamba bakwe alimwi uba sololi baku galilaya. ²² Mwanakwe mushimbi Helodiyasi mwini wakenjila wabazhanina, chechi chakamubotela Heloda antomwi ubabo makakutambile kwipobwe. Mwami wakamwambila mushimbi ati, "nomba kufumbwa nchu zanda ndakupa." ²³ Wakashomezha ku mushimbi wamba ati " kufumbwa nchuka nomba, ndakupa, kuya kushika akati ka chishi changu." ²⁴ Wakaya ansengwe wabambila baina ati, "Nchinzhi ncinkamulomba ?" Wakamwambila ati ,"mutwi wa Joni mupapatizhi." ²⁵ Ndilyona wakabwela kuya ku mwami,amane walomba wamba ati ,ndazanda umpe , ndilyona inzho mutwi wa Joni mupapatizhi amutiba wachisamu." ²⁶ Nikuba kuti chechi chakamupenzha mwami,katakonzha kukaka kuli chalombwa nkambo kachishomezho alimwi ukambo ka beenzu batambe. ²⁷ Inzho mwami wakatuma mushilikani kuvwa kuli wezo wakumulindilila ngona wamulailila ati alete mutwi wa Joni. Mulindizhi wakaya kumukosola mutwi Joni muntolongo. ²⁸ wakoleta mutwi amutiba amana wamupa mushimbi, aze mushimbi wabapa baina. ²⁹ Bashichiiya nibakaatelela aza bakeza kuubweza mutunta ukuutola muchuumbwe. ³⁰ Batumwa bakeza antoomwi uJeso bakamwambila shoonse nshibakachita ukuyiisha. Amane wakabambila ati, ³¹ "kamuya lwenu nubeni kubusena buli iche amana mupumune ashoonto." Ukuti banji kabeza ukubwela,amana kabaina uchiindi chakulya. ³² Inzho bakaya mubwato kubusena buli iche lwabo beni. ³³ Pele bakababona nibakakuya ubobo banji banji bakabazhiba amana bakalukanka umatende antoomwi kuvwa munkambe shoonse amana balo bakabatangunina kushika. ³⁴ Nibashika amuuma , wakabona inkamu yabantu ngona wakabafwila luse nkambo kabali ukoya imbelele ushiina mwembezhi .Ubobo wakatalika kubayiisha shintu shinji shinji. ³⁵ Nichakamana chiindi ,bashichiiya bakwe bakeza kwakwe ukwamba ati ,"bono mbusena buli iche amana uchiindi chamana . ³⁶ Batande bakuya muminzhi ili mufwafwi bakaule shakulya shabo." ³⁷ Pele wakabaingula ati ,"amubape chakulya." Bakamwambila ati," Sa tukuya tukaule shinkwa shikwana mali ashika ku myaanda yobile kwamba tubape balye?" ³⁸ Wakabambila ati , shili shongaye shinkwa nshimukwete? Amuye mubone ." Nibakaya babona, bakamba, "Shinkwa shosanwe amana Inswi shobile." ³⁹ Wakalailila bantu boonse kwamba bakale mutubunga bunga a Bwizu butontola . ⁴⁰ Bakakala mutubunga tukwana mwaanda alimwi umutubunga twa makumi osanwe. ⁴¹ wakashibweza shinkwa shosanwe iinswi shobile, amane kulanga kwizeulu wakashilongezha amane wakashikomauna ukupa bashichiiya kwamba bashibike ku bantu. Asho inswi shobile wakabanya boonse. ⁴² Boonse bakalya kushikila bekuta. ⁴³ Bakashibweza shinkwa shikomauninwe ,shinzuma shili ikumi u shobile shizwile alimwi ushipanzha sha shanswi. ⁴⁴ Kabali shuulu sha myaanda yosanwe bamalombwana bakalya shinkwa. ⁴⁵ Ngonawo wakambila bashichiiya bakwe ati benjile mu bwato amana baye kumbele kuluya lumwi, ku Bethsaida nakamana wambila bantu ati bapiluke. ⁴⁶ Nibakavwa waya waliza alupili kwamba akakombe. ⁴⁷ Mangolezha nakashika, abo bwato kabuli akati kalwatele ,amana kali iche amuuma. ⁴⁸ Wabona ati bapatila mutunsene nkambo bazundwa ku muuwo . Chiindi cha kubushiku wakaya nkubabele , wenda a lwatele kazanda kubaitilila. ⁴⁹ Nibakamubona wenda a lwatele,, kabazunga ngu shikazwa amane bakalila, ⁵⁰ nkambo bakamubona alimwi chakabapenzha. Ndilyona wakamba abo wabaambila ati," amuzume Ndime ! mutatiyi!" ⁵¹ Wakenjila abo mu bwato ,u muuwo waleka kuunga . Chechi chabazoosha. ⁵² Nkambo baina kuchihumina cha chinkwa chichakwamba .myozo yazuluzha. ⁵³ Nibalanduka, bashoka amulando wa Genesaleti bwato babwaanga. ⁵⁴ Nibakavwa mubwato bantu bamuhiba ngoona achiindi awo, ⁵⁵ bamane batalika kulukanka muchishi choonse ukutalika kuleta balwazhi amasasa abo kufumbwa koko nkubamutelela ati nkwali. ⁵⁶ Kufumbwa kuti wanjila muminzhi na mu Nkambe na muchishi, balabika balwazhi amishika . Balamulomba bantu kuti abaleke bakwate kushikobelo shakwe, boonse bakakwata kushikobelo shakwe bakapona.