1 Chifwumo fwumo, bapaizhi bakando, antoomwi u balembi ulimwi iinkamu yaba Juda yoonse bakalihwiya hwiya antoomwi. Bamane bakamwaanga Jeso ukumutola. Baya kumutambika kwa Pilato. 2 Pilato wakamubuzha ati, "Sa ndiwe Mwami waba Juda?" Wakamwiingula ati, "Waamba bobo." 3 Bapaizhi bakando bakamubeesha mushintu shinji. 4 Pilato alimwi wakamubuzha ati, "Sa uwe twiinguli? Bona shintu nshibakubeesha kuhula!" 5 Pele Jeso wiina nakamwiingula linji Pilato, ulimwi checho chakamuzoosha. 6 Inzho kuchiindi chepobwe, Pilato lyoonse kabaangululila mwaange womwi, wezo ngubazanda. 7 Kwakaakuli mulombwana wakakutewa ati Balabasi muntolongo antoomwi u bakazanga bakaakukwete milandu yakuyaya kuchiindi nibakazanga. 8 Inkamu yakaya kwa Pilato u kumukumbila ati abachitile chimwi mbubona mbwaafwini kuchita lyoonse. 9 Pilato wakabaingula ukwaamba ati, "Samulazanda kwaamba mwaangululile Mwami waba Juda?" 10 U kuti kezhi kwaamba kooli bulyo munyono wabapaizhi bakando kumutola Jeso kwakwe. 11 Ngaawo bapaizhi bakando bakayunga inkamu kupozomoka kwaamba Balabasi aangululwe. 12 Pilato wakabaingula alimwi waambaati, "Ndachita buti ninzho u Mwami wezu wa Juda?" 13 Bakapozomoka alimwi, "Naabambulwe!" 14 Pilato wakabaambila ati, "nchibiyabiiyi nchaachita?" Pele bakayitilizha kupozomoka , "nabambulwe." 15 Pilato wakazanda kubotezha inkamu, ubobo wakabaangululila Balabasi. Bakamuuma Jeso amane wabapa kwaamba bakamubambule. 16 Bashilikani bakamutola mulubanza lwa bashilikani (buzake bwaba fwulumende), bakabunganya inkamu yaba shilikani. 17 Bakamubika mulembo wamubala Jeso, bakapisa mushini wameya u kumubika kumutwi. 18 Bakatalika kumukotamina u kwaambaati,"atembaulwe, Mwami waba Juda!" 19 Bakaakumuuma ku mutwi Ulubu u mukufwila mate. Bakamukotamina ukoya bamupa bulemu. 20 Nibakamana kumulimbusha, bakamukusha mulembo wamubala ukumubika shisani shakwe mwini, bamane bakamutola kuya kumubambula. 21 Umwi mulombwana, Simoni waku Sayilini, wakahwila kubusena bumwi (nguwaakuli ushi waka alekizanda u Lufusi), Bakamushinikizha kubweza chichinkano chakwe. 22 Bashilikani bakamutola Jeso kubusena butewa ati Gologota (chipandulula ati "Busena bwa Kaanza"). 23 Bakamupa wayini muhwele u Mili, pele wiina naakamunwa. 24 Bakamubambula u kwaabana shisani shakwe kwiita mukuwaala chisolo kwaamba babone umwi uumwi mushilikani chisani nchaakalozha kubweza. 25 Kalili iwoola lwatatu nibakamubambula. 26 Achitondezho bakalemba nchibakamukosolela, "Mwami waba Juda." 27 Bakamubambula ubatewu bobile, umwi kuchilo umwi kuchimonsho. 28 Malembe akazuzukizhiwa aamba, wakabalwa a bantu bashishibi. 29 Babo bakaakwita bakamusaalizha, ukuzungaanya mitwi yabo u kwaambaati, "Aha! uwe nuulozha kuyaya chikombelo ukuchizaka umazuba otatwe. 30 lifwutule umwini ahwe achichinkano!" 31 Abo mbubona bapayizhi bakando kando bakamusaalizha, antomwi ubalembi, ukwaambaati, "Wakafwutula bamwi, pele talozha kulifwutula lwakwe mwini. 32 Inzho Kilisito, Mwami wa Izilayeli, naaseluke kuhwa achichinkani, kwaamba ambweni tulabona u kushoma. "Ubabo mbubakabambulwa abo bakatalika kumusaalisha. 33 Kwi woola lyachisambomwi, kwakaba mushinze inshi yoonse kushika kwiwoola lye Ifwuka. 34 Kwi woola lye fwuka Jeso wakalila iizwi ikando, "Eloi, Eloi, lama sabakatani?" chalo chisandululwa ati, " Leza wangu, Leza wangu, kaambooyi wandekelelelaazhi? 35 Bamwi bakaakuzhimine afwaafwi bakaateelela mazwi ukwaambaati, "langa uloompolola Elija." 36 Umwi wabo wakalukanka, wabika Wayini ku chisani, wachibika kulubu, wakamutambika kwaamba anwe. Umwi mulombwana wakaamba ati, "Atubone naa Elija uleza kumukusha." 37 Ngoona awo Jeso wakalila iizwi ikando amane wakafwa. 38 Isani lya muchikombelo lyakaanduka mushipazha shobile kuhwa ezeulu kushika kunshi. 39 Umwi mushilikani wakaakuzhimine u kulangilila Jeso wakabona kwaamba wafwa muzhila yezhi, wakaamba ati, "Chini chini wezu mulombwana kali Mwana wa Leza." 40 Kakuli ulimwi bakaintu bakaakulangila alaale. Akati kabo umwi kali Maliya Magadalena (baina Jemusi mushoonto alimwi u Josesi), Alimwi u salome. 41 Lelyo naakaakuli mu Galili bakamuchilila u kumusebezela. Bunji bwa bakaintu bamwi bakaya aze ku Jelusalemu. 42 Nikwakaba ku mangolezha, kaambo kabuli buzuba bwa kulibambila, bobu, mbuzuba buchilila chibelu, 43 Jozefu waku Alimatiya wakaya koko. Kali mulemu wa bamwi ba nkamu wa babo baakulindila bwami bwaka Leza. Wakaya chakubula bukandu kwa Pilato wamukumbila mubili waka Jeso. 44 Pilato wakazoowa kwaamba Jeso kafwile kale; wakoompolola mushilikani u kumubuzha kwaamba ati saa Jeso wafwa kale. 45 Lelyo Pilato naakazhiba kuhwa ku mushilikani kwaamba ati Jeso wafwa, mubili wakamupa Jozefu. 46 Jozefu wakaula isani. Wakamukusha a chichiinkano, wamuhwunga mwisani, amane wakamooneka mu chuumbwe checho chakakomonwa mwibwe. Amane wakakunkulusha ibwe a manjililo a chuumbwe. 47 Maliya Magadalena u Maliya baina Josesi bakabubona busena bobo Jeso mbwaakazhikwa.