¹ Buzuba bwa sabata nibwakaita, Maliya Magadalena, Maliya baina Jemusi, alimwi u Salome bakaula tununkilizho kwaamba baye bakananike mubili waka Jeso. ² Chifwumo fwumo mu buzuba butaanzhi bwa nsunda, bakaya ku chuumbwe izuba nilyakavwa. ³ Kabaya bwaamba kuli umwi uumwi ati, "Nguni u kaatukunkulushizha ibwe kuvwa a manjililo a chuumbwe?" ⁴ Nibakalanga mwizeulu, bakabona ati ibwe lyakunkulushiwa kale, kaambo kalili ikando. ⁵ Bakanjila mu chuumbwe bakabona mulombwana mukubushi kasamine shisani shituba, kashite kululyo, bamane bakatiya. ⁶ Wakabashimwina ati, "Mutatiyi. mulakapula Jeso, waku Nazaleta, wezo wakabambulwa. Wabuka! Mono temo. Amubone a busena mbubaakumoonekele. ⁷ Pele amuye, mubambile bashichiya bakwe u Pita, 'Uli kumbele lyenu ulaya ku Galilaya kolya nkumukakamubona,umbona mbwaakamushimwina."' ⁸ Bakamuhwa muchuumbwe; bakazhangama u kuzoowa. Kwiina nibakaambila naba womwi nkaambo kakuti kabatiile. ⁹ Chifumo fumo mu buzuba bwa kutanguna bwa nsunda, kuhwa naakabuka, wakatanguna kushika kwa Maliya Magadalena walo ngwakakusha myoza mibiyabi ili chiloba. ¹⁰ Wakaya kubashimwina babo mbuchakaakuli abo nibakaakuchimulila. ¹¹ Bakateelela ati wabuka alimwi wamubona, pele baina nibakashoma. ¹² Kumane awo wakalibonya mu mushobo unji kuli bobile babo nibakaakuya bwenda kuvwa muchishi. ¹³ Bakaya kwambila bashichiiya boonse, pele baina nibakabashoma. ¹⁴ Jeso wakabulika kuli bali ikumi u womwi chiindi nibakaakushite kwi tebulu, wakabalemanina nkaambo kakutashoma kwabo u kuzuma kwa myonzo yabo, nkaambo baina kuka bashoma babo bakamubona nakabuka kuvwa ku bafwu. ¹⁵ Wakabambila ati, "kamuya muchishi choonse, mukakambauke makani mabotu ku shilenge shoonse. ¹⁶ Kuli wezo ushoma amana wapapatizwa, ulakafutulwa, amana wezo utashomi ulakazonaunwa. ¹⁷ Sheshi shitondezho shilakaya ubabo bashoma: Mwizhina Lyangu balakatanda ma daimona. Balakaamba mumishobo mipya. ¹⁸ Balakabweza bazoka umatashi abo, kuti banwa chiyaya kwina nichiya kubalwana. Balaka bika matashi abamalwazhi, alimwi balakapona." ¹⁹ Nakamana kubandika abo Mwami, wakatolwa kwizeulu ukuya kukala kwiashi lya lulyo lya Leza. ²⁰ Bashichiya bakaya kukambauka mumasena oonse, aze Mwami wakasebeza abo ukulizuzukizha izwi kwiita mushitondezho shakakuli abo.