¹ Mazuba obile akushele kwipobwe lyakwitila ulya Chinkwa china Bumena. Bapaizhi bakando ubalembi bakakapula inzhila yaku kwata Jeso ukumuyaya kashobele. Bakamba ati, ² "Kabaamba ati tutamukwati chiindi nikul ipobwe bantu balatubkila ukutulwisha. Jeso nakakuchili kumunzhi wa Betani munganda ya Saimoni shichinsenda, ³ Jeso nakakuchili kumunzhi wa Betani munganda ya saimoni shichinsenda, nakakuchilya kwakeza mukaintu wakukwete kapawo ka mafuta anunkilila. Wakakapwaya kapawo kakukwete mafuta amane wakamutila amutwi. ⁴ Pele bamwi akati kabo bakalemana. Bakalyambya beni ubeni ati, "nkaambonzhi nchazonaunina? ⁵ Mafuta aza nakauzhiwa mali ataleli kumyaanda yotatwe, amana mali apewa bapushi." Bamane bakamulemanina mukaintu. ⁶ Jeso wakabambila ati,Nomuleke mukaintu. Mulamupenzhenzha nzhi? wachita chintu chibotu kwangu. ⁷ Lyoonse mulakukwete bapushi kufumbwa mwakuzanda kuchita bobo mulyelele kubachitila chibotu, pele ume tatukuli amwe lyoonse. ⁸ Mukaintu wachita nchalozha. Wabmbilila mubili wangu kuya kukuzhikwa. ⁹ Chinichini ndamushimwina ati, kufumbwa mazwi mabotu nkwati akakambaukwe mu luundu loonse, chechi nchachita wezu mukanitu chilakakwambwa, mukumuzhibaluka." ¹⁰ Inzho Judas Isikalioti wakuli umwi wabali ikumi ubobile, wakaya kubapaizhi bakando kwaamba amwaabe. ¹¹ Inzho bapaizhi bakando nibakatelela chechi bakabotelwa ukushomezha ati balamupa mali. Wakatalika kulanga kwamba ayane chiindi chibotu nchakamwaaba kwabo. ¹² Buzuba butaanzhi bwa Chinkwa china bumena, nibakakutuula kabelele ka Ipobwe lyakwitilila, bashichiiya bakaamba kwakwe ati, "Nkukwi nkuzanda tubambe, kwamba ulile ipobwe lyakwitilila. ¹³ wakatuma bashichiiya bakwe bobile amane wabambila ati, "Kamuya mumunzhi mukando, mulakayana mulombwana ukwete intesho ya meenzhi mulaswangana aze. Mukamuchilile. ¹⁴ Munganda mwati akanjile mukamuchilile mukambile mukamwini inganda ati, 'Mwiiyi waamba ati, "Ilikwi inganda yangu ndimweenzu nkutukalila Ipobwe lya kwitilila ubashichiiya bangu?''' ¹⁵ Ulakmutondezha inganda imbike kale ushuuna ya mwizeulu mukabambe mo." ¹⁶ Bashichiiya bakaya mumunzhi bayana shoonse nshibambe mbubona mbwakaamba, bamane babamba chakulya chakwitlilila. ¹⁷ Naakaba mangolezha wakeza ubashichiiya bali ikumi u bobile. ¹⁸ Nibakakushite anshi balalya, Jeso wakabambila ati, "Chini chini ndamwambila ati, umwi wenu ngulakulya aze ulangaba." ¹⁹ Boonse bakausa ukubuzhanya umwi uumwi kwakwe ati, "Indime na ndime?" ²⁰ Jeso wakabaingula ati, "Ngu umwi wabali ikumi u bobile, ngutulakubwenga aze chinkwa mu mutiba. ²¹ Ukuti Mwanaa muntu ulakaya umbona mbuchilembelwe. Pele maawe kuli wezo u mwaaba mwanaa muntu! Kachili chibotu wezo muntu natakazhalwa." ²² Lelyo nibakakulya, Jeso wakabweza chinkwa wachilongezha, amane wachikomauna. Wababanya amane wakaamba, "Amubweze chechi. Wezu ngu mubili wangu." ²³ Wakabweza inkapu, wapa kulumba, amane wabapa, ²⁴ "Bobu mbubulowa bwangu bwachihuminano, bulowa bwatililwa banji. ²⁵ Chini chini ndamwambila ati, shikanwi linji wezu waini chita kubuzuba bobo mbwinkaanwa mupiya mu bwami bwa Leza. ²⁶ Nibakamana kwiimba bakaya ku lupli lwa Olivi. ²⁷ Jeso wakabambila ati, Noonse mulakawa, nkaambo chililembelwe ati, 'ndakauma mwembezhi amana imbelele shilakamwaala.' ²⁸ Pele ndakamana kubushiwa, ndakaya kumbele lyenu ku Galileya." ²⁹ Pita wakmwambila ati, "Nikuba kuti boonse bakakushiye, ume ndina." ³⁰ Jeso wakamwambila ati, "Chini chini ndakwambila ati, bwasunu-ee, mashiku aza -katana kulila mukombwe shiindi shobile ulantama shiindi shotatwe." ³¹ Pele Pita wakaaamba ati, "Nachilamba kufwa aze, nshikakutama." Boonse bakashomezha bobo. ³² Bakashika kubusena bwakutewa ati Getisimani, amane Jeso wakambila bashichiiya bakwe ati, "Amukale awa nkombe." ³³ Wakabweza Pita u Jemusi, u Johani wakatalika kuusa ukupengana mu mozo. ³⁴ Wakabambila ati, "Moza wangu uli usile, chakushika uku lufwu. Amushaale awa mulindilie." ³⁵ Nakaya ambele ashoonto, Jeso wakafukama anshi wakakomba ati nachilanzheka chiindi chechi chimwiite. ³⁶ Wakaamba "Abba, Taata shoonse nshuuba kwako. Ikushe inkapu yezhi kwangu. Pele kutabi kuzanda kwangu, pele kwako." ³⁷ Nakazhoka wakabayana balilele, amane wambila Pita, "Saimoni, sa muchilele? Sa tamukonzha kulindilila kwa iwoola lyomwi? ³⁸ Amulindilile amana mukombe kwamba mutasukushiwa. Moza ulazanda pele mubili mulengushi." ³⁹ Alimwi wakaya ambele wakomba, kusebezha mazwi ngoona. ⁴⁰ Nakazhoka alimwi wakabayana baloona, menso abo akalema.Kabatezhi uchakumwambila. ⁴¹ Wakashika chiindi chatatu kwabo, "Sa muchoona ukupumuna? "Mbubo! Chiindi chashika.Amulange! Mwana amuntu wabwa mumatashi abashishi. ⁴² Amuzhimuke; atweende, Amubone shikwaaba ume uli afwaafwi." ⁴³ Nakakuchaamba, Juda, uumwi wabali ikumi ubobile, waashika, kali inkamu yabantu bakwete macheba umisako kuvwa kubapaizhi bakando, balembi, ubasololi. ⁴⁴ Inzho shikumwaaba kabapele chitondezho, kwaamba, wezo Ngwinkashonta inguwe. Mukamukwate ukumutola." ⁴⁵ Judas nakashika, ndilyona wakaya kwa Jeso wamwambila ati, "Mwiiyi," amane wamushonta. ⁴⁶ Bamane bakamukwata ukumwaanga. ⁴⁷ Pele umwi wabo wakuzhimine afwafwi wakabweza icheba lyakwe amane wakosola kutwi kwa muzhike wa mupaizhi mukando. ⁴⁸ Jeso wakabambila ati, "Sa muleza, ukoya nimwiza kukwata muteu, umacheba umisako kukwata ume? ⁴⁹ Kuchiindi nindakakuba amwe muchikombelo nindakakuyiisha, mwina nimwaka nkwata. Pele chechi chachitwa kwaamba malembe azuzukizhiwe." ⁵⁰ Boonse babo bakakuli u Jeso bakalukanka bamushiya. ⁵¹ Mulombwana mushoonto wakakulyangile isani, kamuchilile Jeso.Lelyo nibaamukwata balombwana ⁵² wakalishiya isani walukanka chintanda. ⁵³ Bakamutola Jeso kubapaizhi bakando Kazhingulukilwe kubapaizhi bakando ubalembi, ubasololi. ⁵⁴ Inzho Pita kamuchilile lwa alaale, kuvwa mulubanza lwa mupaizhi mukando. Wakakala antomwi ubalindizhi bakakuzota mulilo kulikasaazha. ⁵⁵ Inzho bapaizhi bakando inkamu yababeteshi boonse bamushobo waba Juuda kabakapula mwakumuyanina mulandu kwaamba bamuyaye. Pele baina nibakamuyanina kaambo. ⁵⁶ Banji banji bakaleta bumboni bwa bubeshi, pele bumboni bwabo kabutendelana. ⁵⁷ Bamwi bakazhimuka kupa bumboni bwabubeshi; balamba, ⁵⁸ ''twakamutelela ulamba ati, 'Ndakachiyaya chikombelo chechi chipange kumatashi, amana mumazuba otatwe ndakazaka chitali chipange umatashi.''' ⁵⁹ Pele bumboni bwabo kabutendelana. ⁶⁰ Mukando wabapaizhi wakazhimuka wamubuzha Jeso, "Sa twinguli? Nchinzhi baba bantu nchibakubikila twaambo? ⁶¹ Pele wakakuliinzile. Alimwi bapaizhi bakando bakamubuzha ati, "sa ndiwe Kilisito, Mwana wa mulongezhe?" ⁶² Jeso wakaingula Ndime; mulakamubona Mwanaa muntu akakala kwitashili lya lulyo lyansana alimwi ulakeza mumakumbi akwizeulu." ⁶³ Mupaizhi mukando wakazapula chisani chakwe amane wakaamba ati, "Sa tuchizanda bumboni bunji? ⁶⁴ Mwatelela busampauzhi. Muzeezo nzhi?" Bakahumizhanya boonse ati ulyelele kuyayiwa. ⁶⁵ Bamwi bakatalika kumufwila mate ukumuhumba ku menso amana bamuuma ukumwaambila ati, "Shinshima !" Bashilikani bakamutla uku muuma. ⁶⁶ Pita nakakuchili mulubanza lwankuta, umwi wabashimbi batwanga bamupaizhi mukando bakeza kwakwe . ⁶⁷ Wakamubona Pita ulalikasazha ku mulilo, wamulangisha amane wakaamba ati, Aze makakuli umuna Nazaleta, Jeso." ⁶⁸ Pele waakaka, ulaamba "nshimwiizhi ulimwi shichitelele nchimwaamba." Amane wakavwa ansengwe. ⁶⁹ Mushimbi muzhike wakamubona wakatalika kwambila bamwi bakuliko, "Wezu ngumwi wabo!" ⁷⁰ Pele alimwi waakaka. Nikwakaita buyo kaindi kashoonto babo bakakuzhimine bakamwambila Pita ati, "chini chini aze uli wabo, ukuti ulimuna Galilaya." ⁷¹ Pele wakatalika kulishinganya ukupinga ati, Nshmwizhi muntu wezo ngumwaamba." ⁷² Mukombwe ndilyona wakalila lwabili. Ngoonna Pita wakaatelaika makani ngakamwambila Jeso ati: Katana kulila mukombwe shiindi shobile, ulakantama shiindi shotatwe," ngoona wakaatilwa muchamba walila.