¹ Awo Jeso naakaakweenda kuhwa mu chikombelo, umwi wa bashichiiya wakaamba kwakwe ati, "Mwiiyi, bona bubotele Mabwe aza ulimwi u bubotu bwa mazake!" ² Jeso wakamwaambila ati, "Sa wabona mazake aza makando? Kwiina ibwe niliba lyomwi likaaba amweenzhina litakaa andaulwa." ³ Lelyo nakaakushite a Lupili lwa Olivi lulangene IIntempele, Pita, Johani, u Andulu bakamubuzha kumabali, ⁴ "Twaambile, ndililiye sheshi shintu nishikachitika? Shitondezhooyi shikakaba lelyo shintu shoonse nishikakachitika?" ⁵ Jeso wakatalika kwaamba nkubale, "Amuchenjele kutabi naaba womwi ukamusowa. ⁶ Banji banji balakeza mwizhina lyangu u kwaambaati, 'Ndime wezo,' Alimwi balakasowa banji banji. ⁷ lelyo mwakateelela Ikondo iintwintwi ya nkondo, mutakafwi bukandu; sheshi shintu shilyeelele kuchitika, pele mamanino taana kushika. ⁸ Chishi chilakabukila Chishinina, U Bwami bulakalwisha Bwami nina. Kulaba kundindima Kwanshi kumasena manji manji, ulimwi iinzala. Koku nkukutalika kwa Mapenzhi. ⁹ "Amulimbile, balakamutambika ku kabunga, ulimwi mulakauminwa mu Sinagogi. Mulakazhima kumbele lya beendelezhi u ba Bami kaambo kangu, bukabe bumboni kuli mbabo. ¹⁰ Pele mulumbe ulyeelele kukambaukwa ku mashi woonse. ¹¹ Bakamukwata ukumutambika kubabeteshi, mutakalibiliki chakuya kwaamba. Kaambo kuchiindi checho, nchimuya kwaamba mulakapewa; tamukabi umwe nimukakaamba pele Moza Usalala. ¹² Munina mulombwana ulakaaba munina mulombwana kulufwu, aze Ushi umwanakwe mwini. Bana balakabukila bazhali babo ukuchita kwaamba bafwe. ¹³ Mulakasulwa ku bantu boonse kaambo kezhina lyangu. Pele wezo utatanana kushika kumamanino, wezo Muntu ulakafwutulwa. ¹⁴ "Inzho wabona chitonda chiteelele kuchitika chazhima mubusena muchataakweelele kuba," (ubala nateeleleshe) "babo boonse bali mu Judaya balukankile u Mapili. ¹⁵ Wezo uli alululi lwa ng'anda teelele kuseluka kuya mung'anda na kubweza chintu kuhwa mung'anda, ulimwi ¹⁶ wezo uli mumuunda atapiluka kuya kubweza Ikoti lyakwe. ¹⁷ Pele mawe kulibabo bamishi ulimwi ukuli babo banonsha bana ku mazuba azo! ¹⁸ Amukombe kwaamba chita kabi chiindi cha Mweto. ¹⁹ Ukuti azo alakaba mazuba abuzumu zumu umapenzhi, azo atanaabele mbubwakabela bulenge Bwanshi, bobo Leza mbwaakabamba, kushila ninzho, pe, nikuba na chilakaba linji. ²⁰ Chita kuti Mwami a kafwiinshe mazuba, kwiina muntu u kakafwutulwa. pele bulyo kaambo kabasale, babo mbaakasala, ulakakosola mazuba. ²¹ Ubobo nakuti umwi wakwaambilaati, 'langa, nguweno Kilisito!' na 'langa, nguwelya kolya. mutakachishomi. ²² lelyo ba Kilisito babeshi u ba polofita babeshi balakabulika ukuleta shitondezho shizoosha shakuchenzha Bantu, nibaba , boonse ubasale. ²³ Amuchenjele! ndamushimwina shintu sheshi shoonse kachitana kushika chiindi. ²⁴ "Pele akaita mazuba azo a mapenzhi, izuba lilakashiya mbi, mweezhi wiina nukakapa linji mumuni. ²⁵ Intongwezhi shilakawa kuhwa mwizeulu, ulimwi iinsana shili mwizeulu shilakazungaanyiwa,' ²⁶ Lelyo balakabona Mwanaa Muntu uleza mumakumbi iinsana shakwe inkando u bulemu. ²⁷ Ngaawo ninzho ulakatuma ba Anjelo bakwe u kubunganya basale kuhwa ku myuuwo yone, kuhwa kumanina Inshi kushika kumanina Izeulu. ²⁸ Iya chiiyo kuhwa kwisamu lya mukuzu. kufwumbwa kuti mwabona mitabi yabota yakanka kuchina matuhu, uzhibe kwaamba mainza ali afwaafwi. ²⁹ Ulimwi mbubona, wakabona shintu sheshi shachitika, zhiba kwaambaati uli afwaafwi, kumbali ku milyango. ³⁰ Chini chini ndamushimwina ati, wezu musela tookamaninina chita shoonse sheshi shikabewo. ³¹ Izeulu u Inshi shilakamana, pele izwi lyangu talikamana. ³² Inzho kumakani aa buzuba bobo na chiindi, kwiina naaba womwi uuzhi, nibaba ba Njelo bali mwizeulu tabezhi, naaba Mwana, chita bulyo Ushi. ³³ 'Utaliiba! lindila, kaambo tuchizhi chiindi checho nichikakashika. ³⁴ Chili ukoya mulombwana uya amushinzo--ukushiya ing'anda yakwe u kwiibika u matashi aba zhike bakwe, umwi a mulimo wakwe, amane wakalumika mulindizhi wamulyango kuti aa kulagisha. ³⁵ Ubobo mutalilesha kaambo tamwizhi shimalelo enu mukamwini ing'anda nakakazhoka; kulakozha kuba kumangolezha, na akati kamashiku, lelyo mukombwe nakokoloka, nikuba ku chifwumo. ³⁶ Naakuti wazhoka kufwambaana, atabi nakuyana uloona. ³⁷ Checho chindaamba kwako ndaamba ku muntu woonse: Amulindile!"