¹ Inzho Jeso wakatalika kubayisha mutwambyo.Wakaamba ati, " Kwakuli mulombwana wakashanga munda wa masansa, wakazaka lwiingo chakuzhinguluka munda, washa uchilindi chakushinina waini. Wakazaka busanza ukuushiya munda mumatashi a basebezhi ukuya amusinzo. ² Chiindi chakutebula nichakashika watuma muzhike wakwe kubasebezhi kwamba atambule michelo imwi ya mu munda. ³ Pele bakamuuma ukumupilusha kwina umichelo. ⁴ Ulimwi wakatuma muzhike wabili, aze bakamuma bamuchisa ku mutwi uku muusha insoni. ⁵ Alimwi wakatuma unji, wezu bakamuyaya. Bakaitilizha kubachita bobo ubamwi, banji banji, kuuma bamwi kuyaya. ⁶ Inzho kwakashala womwi, mwanakwe ngubakuzandisha Ngwakatuma kumamanino, 'Balakamupa bulemu mwanangu.' ⁷ Pele basebezhi bo muunda bakaamba umwi umwi ku mweenzhina, Wezu ngu mulya inzhina.Kamwiza tumuyaye, amana lubono lulaba lwesu.' ⁸ Bakamukwata, bamuyaya ukumusowela kunze lya munda. ⁹ Inzho mukamwini munda ulachita buti? ulakashika kuzonauna basebezhi ba mumunda ukuupa bamwi munda. ¹⁰ Sa mwina kukabala kapango kaka? 'Ibwe lyaakakwa ku bazashi ndilyakaba izandishi. ¹¹ Aza akavwa ku Mwami, alimwi mabotu mu menso esu.''' ¹² Kumane basololi baba Juda bakakapula inzhila yakumwanga Jeso nkambo bakezhiba ati ulamba mankumbilizha kwabo. Pele bakatiya inkamu yabantu. Ubobo bakamushiya baya. ¹³ Munshi bakamutumina ba Falisi u bana Helodi kwamba bamukwatile mutwambo. ¹⁴ Nibakashika, bakmwambila ati, "Mwiiyi," tulizhi ati wina makani umatelaishi amuntu, alimwi tusalaula bantu. Ulayiisha inzhila ya leza. Sa chili mumulawo kupa mutelo kwa Kaisala na pe? Sa tulyelele kupa na tatwelele?" ¹⁵ Pele Jeso kezhi bushikupaupa amenso bwabo ubobo wakabambila ati, "Nchinzhi nchimunsunkila? Amundetele ili kwamba ndilange lange." ¹⁶ Bakaleta lyomwi kwa Jeso. Wakabambila ati, Sa chilakozha ni chechi chili awa? Bakamba, "Kaisala." ¹⁷ Jeso wakamba, Amupe kaisala sha kaisala ulimwi mupe Leza shintu sha Leza." Bamuzhingwa. ¹⁸ Inzho ba Saduki, babo bamba ati, kwina bubuke bwabafwu bakeza kwakwe. Bakamubuzha ati, ¹⁹ "Mwiiyi, Mozesi wakatulembela, 'Na kuti munyoko mulombwana wafwa washiya mukaintu, ukwina mwana ngwashiya, munina mulombwana ulyelele kumukona, kwamba amupangile lunungu munina.' ²⁰ Kwakakuli balombwana babunina bali chiloba; mutaanzhi wakatwala amane wafwa, wina nakashiya lunungu, ²¹ Wabili wamukona amane wafwa, kutashiya lunungu, uwatatu mbubona. ²² Boonse bali chiloba bakafwa kutashiya lunungu. Kumamanino, aze mukaintu wafwa. ²³ Kububuke, lelyo bakabushiwa boonse, ulakaba mwinakwe ni." ²⁴ Jeso wakamba ati, "Sa kaka tali nku kaambo nkumulubizha, Nkambo tamwezhi malembe nishiba insana sha Leza? ²⁵ Ukuti na babuka ku bafwu, kwina kutwala na kutwalwa, pele bali ukoya bangelo ba kwizeulu. ²⁶ Pele kukwatikizha makani akubushiwa kwa bafwu, sa mwina kukabala mwibuka lya Mozesi, kumakani achisoko, Leza mbwakambila Mozesi ati, 'Ndime Leza wa Abulaham, Leza wa Isaki ulimwi u Leza wa Jakobo'? ²⁷ Tali Leza wa bafwu, pele wabapona. Umwe muliswekele." ²⁸ Umwi wa balembi wakeza watelela kumubandi wabo; wakabona ati Jeso wakabaingula kabotu. Wakamubuzha ati, "nguliye mulawo ubaala yoonse?" ²⁹ Jeso wakamwingula, "muzandishi nguwezu, 'Telela, izilaeli, Mwami Leza wesu, Mwami uli womwi. ³⁰ Funa Mwami Leza wako umzo wako wonse, umoza wako woonse, Umizeezo yako yoonse, alimwi ukunsana shako shoonse.' ³¹ Mulawo wabili nguwezu, 'Funa shimukobo noko ukoya mbulifwini umwini.' Kwiina milawo ubala ali yezhi." ³² Mulembi wakamba ati, Mwiiyi mubotu! Wamba bwini ati Leza uli womwi ulimwi kwina leza uunji kunze lyakwe. ³³ Kumufuna umozo wako woonse u mizeezo yako alimwi ukunsana shako shoonse, alimwi ukufuna shimukobo noko ukoya mbulifwini chilabazha u shipaizho ushipo shitente." ³⁴ Jeso nakamubona waingula chabusongo,wakamwambila ati, tuli kulaale ubwami bwa Leza," kuvwa awo kwina wakuchizanda Jeso kumubuzha linji. ³⁵ Jeso naka kuchiyiisha mu lubanza lwa chikombelo wakamba, "Mbubuti balembi mbubakonzha kwamba Kilisitu mwanakwe Devidi? ³⁶ Devidi lwakwe mu Moza usalala,wakamba, 'Mwami wakamba ku Mwami wangu, "Kala kululyo lwangu kushikila mbike bashinkondo noko kumatende ako.''' ³⁷ Devidi lwakwe ulamwita ati 'Mwami,' mbubuti Kilisito mbwakonzha kuba mwanakwe Devidi?"Inkamu ya bantu kababotelelwe kwiiya kwakwe. ³⁸ Mukuyiisha kwakwe Jeso wakamba ati , "Amuchenjele ku balembi babo benda u masani malamfu ukuzandisha kwanzhiwa mu mishika, ³⁹ ukuzandisha kukala a shuuna shilemu mu ma sinagogu umu mapobwe. ⁴⁰ Balanjila mu maanda aba muka bafwu, alimwi balapaila mipailo milamfu kwamba babonwe ku bantu. Babo balakapewa chisubulo chibaala." ⁴¹ Inzho Jeso wakakala kufwafwi uchizobwelo cha mali mubusena bwa chikombelo wakakulangilila bantu mbubakubika mali muchizobwelo.Bunji bwabahubi bakapa kwingainya ubuhubi bwabo. ⁴² Kwakashika muka mufwu mupushi wabika tuli twa mukuba tobile, tukwana i peni. ⁴³ Wakompolola bashichiya bakwe amane wabambila ati, "chini chini ndamwambila ati, wezu mukaintu muka mufwu, wapa kubaala boonse babika muchizobwelo. ⁴⁴ Boonse babika kwingainya ubuhubi bwabo.Pele muka mufwu, wapa mubupushi bwakwe, wapa oonse mali ngakushoma mubumi bwakwe."