¹ Inzho nibakaswena afwaafwi ku Jelusalemu ,bakashika kuminzhi ya Betefage, u Betani, afwafwi u Lupili lwa Olive, Jeso wakatuma bashichiya bobile ² wabambila ati "Kamuya ku munzhi uli kumbele. Kumanjililo mulakayana mwana wa mbongolo utanalizilwe muntu ulyangilwe. ³ Mukamwangulule mumulete kwangu. Nakukabe muntu umubuzha ati, 'No nchinzhi nchimuchitila bolya?' mukamwingule ati, 'Mwami ulamuzanda ulamuzhola ninzho ninzho."' ⁴ Bakaya kumunzhi kolya ukuyana mwana wa mbongolo ulyangilwe ansengwe kunzhila, amane bakamwangulula. ⁵ Bantu kabazhimine kumbali amane bakababuzha, "nchinzhi nchimuchita kwangulula mwana wa mbongolo?" ⁶ Bakabambila mbubona mbwakabalailila Jeso, amane bantu bakabaleka bachita mbubona. ⁷ Bakamuleta mwana wa mbongolo kwa Jeso bamane bakabika shikobelo ambongolo ngona wakaliza wo. ⁸ Bantu banji bakazala shikobelo shabo munzhila, abo bamwi bakazala mitabi njibakatema kuvwa mu myuunda. ⁹ Babo bakuli kumbele ubabo bakumuchilile bakapozomoka, "Hossana! Ulilonjelelwe uzhiza mwizhina lya Mwami. ¹⁰ Ulilonjelelwe munzhi wa ushesu Devid! Hosana mwizeulu!" ¹¹ Inzho Jeso wakanjila mu Jelusalemu waya wanjila mu chikombelo wakalanga langa shintu shonse.ciindi mbuchakumanine wakaya ku Betani ubabo bali Ikumi ubobile. ¹² Nibwakacha nibakakuvwa ku Betani, wakafwa inzala. ¹³ Wakabona ikuzu alale lyaka kushukile matuhu manji manji, wakaya kwamba abone na kuli michelo, pele nakashika, wakayana kwina michelo chita buyo matuhu, nkambo chiindi chankuzu kachitana kushika. ¹⁴ wakalyambila ikuzu ati, "Kwina linji uya kulya michelo kwako alimwi." Bashichiya bakalitelelela. ¹⁵ Bakashika mu Jelusalemu, ngoona wakanjila mu chikombelo watalika kutanda bakusambala uba kuula mu chikombelo. Wakapindamuna matebulu aba shikuchincha mali u shuuna shaba shikusambala inkwilimba. ¹⁶ kwiina nakahumizha kuleta kufumbwa chisambalwa mu chikombelo. ¹⁷ Wakabayiisha wamba ati, "Sa takulembelwe ati, 'Inganda yangu ilakutewa ati ninganda yaku kombela ubamashi oonse'?Pele umwe mwechita kuba chizubilo cha batewu." ¹⁸ Bapaizhi bakando ubalembi bakaatelela ngakaamba, bakatalika kukapula inzhila yakumuyaya. Kaba mutiya nkaambo bantu banji kabazhingilwe mbwakuyiisha. ¹⁹ Abe mangolezha, bakooshiya munzhi. ²⁰ Nibakuya bweenda chifumo fumo bakalibona ikuzu lilizumine kushika kumizanda. ²¹ Pita wakazhibaluka ukwamba ati, "Mwiiyi, langa! Ikuzu ndiwakashinganya lyazuma." ²² Jeso wakabaingula ati, "Amukwate lushomo mwa Leza. ²³ Chini chini ndamushimwina lupili lolu ati, 'Zhuka awa uliwale mu lwatele; kuti wina kuzuluzhamu mozo pele washoma ati checho ncha amba chilachitika, nchakachita Leza. ^{24 26} Ubobo ndamushimwina ati: Choonse nchimukumbila ukulomba, amushome ati mwakachitambula, alimwi chilaba chenu. ²⁵ Chiindi nimuzhima kukomba, mulyelele kubalekelela boonse bakamubishizha, kwamba amwe Ushenu uli kwizeulu amulekelele milandu yenu." ²⁷ Nibakashika ku Jelusalemu alimwi. Nakakunjila mu chikombelo, bapaizhi, balembi, alimwi ubasololi bakamwiila. ²⁸ Bakamwambila ati, "Ninsana shaani nshu sebezha shikupa kwamba uchite sheshi nshuchita, alimwi nguni waakupa sheshi insana?" ²⁹ Jeso wakabuzha ati, "Mushimwine ame ndamushimwina. ³⁰ Sa lupapatizho lwa Johani , lwa kahwa kwizeulu na ku bantu? Amunyingule," ³¹ Bakabandika mulwabo ukulizumanana kwamba, "kuti twambe, 'Kuvwa kwizeulu,' ukalamba ati, 'Nchinzhi nchimuta mushomeni?' ³² Pele kuti twambe, 'Kuvwa kubantu,'... ." Kabatiya bantu, nkambo bonse kabashomene ati Johani kali mushinshimi. ³³ Bakamwingula Jeso ati, Twiina nchitwizhi." Amane Jeso wakabambila ati, "Ame nshimushimwini insana nshinsebezha kuchita shintu sheshi."