¹ Ume ndakalitelaisha lwangu ndimwini kwaamba ati nsheelele kuzhiza kwenu alimwi kwiza ku mupenzha. ² Naakuti Ume ndakamuletela mapenzhi, nguni wezo u kambotezha a kuli wezo nguwena ndime indakamubika mu mapenzhi? ³ Ume ndakalemba bolya kwaamba ati ndakazhiza nkumubele Ume intakafwi insoni kuli babo bakweezhi kumbotezha ume. Ume ndikwete lushomo aali umwe noonse kwaamba ati kubotelwa kwangu kulikozhene bulyo u kubotelwa nkumukwete noonse. ⁴ Ume ndakamulembela kuhwa ku mapenzhi makando angu, u kuchisa kwa monzo wangu, alimwi u misozhi minji minji. Ume ndiina indakamulembela kwaamba ati umwe mulemeke. Pele, Ume ndakaakuzanda kwaamba ati muzhibe mbulubele lufwuno lolo Ume ndwinkwete kuli umwe. ⁵ Naakuti umwi wamubishizha, wiina kubishizha bulyo ume, pele munzhila imwi---kwaamba ati a tamulemenya---umwe noonse. ⁶ Chechi chisubulo cha wezu muntu kwiita ku banji banji chilimweelele. ⁷ Inzho kubaala kumupa chisubulo, mulyeelele kumulekelela alimwi u kumuumbulizha. Amuchite bobo kwaamba ati atabi naazhokela munshi u kaambo ka mapenzhi manji manji. ⁸ Ume ndakakusumpula kwaamba mu mutondenzhe lufwuno lwenu. ⁹ Nkukako nku kaambo Ume nchindakalembela, nkwaamba ati musunke amana nzhibe kwaamba ati mulabamba malailile mushintu shoonse. ¹⁰ Naakuti wamulekelela umwi, Ame ati ndamulekelela wezo muntu mbubona. Checho Ume nchindalekelela---naakuti Ume ndalekelela kufwumbwa chintu---ati chalekelelwa kaambo kenu a bushu bwaka Kilisito. ¹¹ Checho chili bolya kwaamba ati Satani atabi naatuchenga. Kaambo takuli kuti kwiina nchitwizhi ku bubambe bwakwe boonse. ¹² Mwami wakayalula mulyango kuli ume lelyo Ume indakashika ku munzhi mukando wa Tulowasi kukambauka mulumbe waka Kilisito kolya. ¹³ Ume ndakaakwiina kupumuna mu moza wangu kaambo ndiina indakamuyana mukwesu Tayitasi kolya. Ubobo Ume ndakabashiya mane ndakaya ku Masedoniya. ¹⁴ Pele kulumba a kube kwa Leza, wezo mwa Kilisito ulatusololela lyoonse mukuzunda kwesu. Kwiita muli uswe wakazubulula bwema bubotu bwa luzhibo lwakwe koonse koonse. ¹⁵ Kaambo kwa Leza tuli bwema bubotu bwaka Kilisito, antoomwi u babo balo bakafwutulwa alimwi u babo balo baya kuzonaunwa. ¹⁶ Ku bantu babo baya kuzonauka, bobu mbwema buhwa ku lufwu kuya ku lufwu. Kuli babo baya kufwutulwa, bobu mbwema buhwa ku bumi kuya ku bumi. Nguni uyelela mu shintu sheshi? ¹⁷ Kaambo tatuli u koya bantu banji banji babo basambala izwi lya Leza kuyanina mo impindu. Pele bulyo, u mizeezo mibotu, tulaamba mwa Kilisito, mbubona mbutwakatumwa kuhwa Leza, a bushu bwakwe Leza.