¹ Ume ndyeelele kulyeensheensha, nikuba kuti chiina impindu. Pele Ume ndakatobela shilengaano alimwi u buzubuluzhi kuhwa ku Mwami. ² Ume ndizhi muntu muna Kilisito walo mu myaka ikumi u myaka yone---chita naa kamuli mu mubili naaba mutali mu mubili, Ume nshichizhi, Leza mwini nguuchizhi---wakatolwa mwizeulu lyatatu. ³ Alimwi Ume ndimwizhi wezu mulombwana---naa kamuli mumu mubili, nikuba mutali mu mubili, Ume shichizhi, Leza mwini nguuchizhi--- ⁴ wakakwempwa kuya mu paladaizi amane wakateelela mazwi atabi kupandulula azo muntu ngaateelele kwaamba. ⁵ Kumakani a muntu wezo uli bobo ndakonzha kulyeensheensha. Pele lwangu ndimwini Ume nshilonzha kulyeensheensha, chita bulyo ku bulengushi bwangu. ⁶ Naakuti Ume ndasala kulyeensheensha, Ume nshikonzha kuba mulimbushi pe, kaambo Ume ndaakwaamba bulyo a bwini. Pele Ume nshilyeensheensha linji, kwaamba kubule naaba womwi u ntelaikila kubaala kuli checho nchaabona mwangu nikuba checho nchibateelela kuhwa kwangu. ⁷ Kutali kulisumpula lwangu ndimwini kaambo kabuzubuluzhi bukandosha, ndakayaswa buya mu mubili, ku mutumwa kuhwa kwa shatani kwiza kumpenzha--- ubobo nshilisumpula linji. ⁸ Kushiindi shotatwe ndakaakulyeenzelela ku Mwami aali chechi, kwaamba ati walo achikushe kuhwa kwangu. ⁹ Pele wakaamba kwangu ati, "Luse lwangu ndukandosha kwako, insana shilalulamikwa kwiita mu bulengushi." U bobo ndakonzha bulyo kulyeensheensha ku bulengushi bwangu, kwaamba ati insana shaka Kilisito kwaamba shibe aali ume. ¹⁰ U bobo Ume ndizhimine mwa Kilisito mu bulengushi, mu matushi, mu mapenzhi, mukupenzhewa alimwi u mushiindi shitali kabotu. Kaambo lyoonse Ume ndimulengushi, ndamana Ume ndamuzumusha. ¹¹ Ume ndakaba mulimbushi! Mwakanchita kuba bobo, pele Ume ndakaakweelele kulumbaizhiwa nkumubele. Pele ndiina indakalibonya kucheya kuli babo balibanda kuba batumwa beni beni, nikuba kwaamba ati kwiina mbwiimbele. ¹² Shitondezho sha bwini sha butumwa shakachitwa akati kenu mu bulindilizhi, shitondezho alimwi u shizoosha. ¹³ Kaambooyi umwe kamutalemekwa ukoya shikombelo shoonse, nikuba bobo Ume nchitali mukuli nkumubele? Amundekelele kubisha koku! ¹⁴ Langa! Ume ndilibambile kuzhiza nkumubele lwatatu. Nshizhiza kwiza kumuminya pe, kaambo shikapula checho chitali changu. Ume ndazanda umwe. Kaambo bana tabeelele kuzobolela bazhali babo pe. Pele bazhali mbubeelele kuzobolela banabo. ¹⁵ Ume ndabotelwa chini chini kusebezha shintu shangu alimwi u kulyaaba lwangu ndimwini u kaambo ka myoza yenu. Naakuti Ume ndimufwini kubaala, sa nkukuti Ume munfwune ashoonto? ¹⁶ Pele ukoya mbuchibele, Ume ndiina indakamuminya pe. Pele Ume mbwindi ati ndichenjele, Ume ndime indakamuyanina bubiyabi. ¹⁷ Saa Ume ndakamunyasha kuli wezo ngundakatuma kwenu? ¹⁸ Ndakakumbila Tayitasi kuya nkumubele, amana ndakatuma umwi mukwesu wezo ngu baakuli aze. Saa Tayitasi wakamunyasha? Saa katuteenda mu moza womwi u kozhene? Saa katuteenda muzhila yomwi njiyona? ¹⁹ Saa mulatelaika kwaamba ati choonse chechi chiindi twakaakulihwuna lwesu tubeni nkumubele? Kaali a bushu bwaka Leza awo ngutwakaakwaambila mwa Kilisito, alimwi shoonse nshakumuzaka umwe, nubafwunwa. ²⁰ Ndatiya kwaamba ati ambweni ndakazhiza ndaba nintakamuyana ukoya mbuli mbunzanda. Ame ndatiya kwaamba ati mulaba nimukanjana mbuli mbumutantelaikili. Ndatiya kwaamba ati kulakaba nikuba kuzwangana, munyono, bukali, bushikalifwune, buhwizhi, kulisumpula alimwi u lupyopyongano. ²¹ Ume ndatiya kwaamba lelyo ndakazhoka, Leza wangu ulakampa kulifwiinsha ambele lyenu. ndatiya kwaamba ati ndaba ninkabiilwa ku banji banji babo balo bakachita chibi alimwi u babo batakasanduka kuhwa ku busofwaazhi u ku bumambe alimwi u kushintu shibiyabi shesho nshibakaakuchita.