¹ Chechi nchiindi chatatu checho Ume nchindezhiza kwenu. "Twaambo toonse tulyelele kuzhimininwa ku mulomo waba kamboni bobile naa botatwe." ² Ume ndakaamba kale kuli babo bakabisha kale alimwi u kuli boonse lelyo Ume indakaakuliko lwabili, alimwi ndaamba: Lelyo ndakazhoka aliwmi, ndiina nshikabashinzha pe. ³ Ume ndamushimwina sheshi kaambo kakuti mulakapula bwini bwakuti Kilisito ulaamba kwiita mwangu. Tali shikandesha kuli umwe. Nikuba bobo, ulikwete insana muli umwe. ⁴ Kaambo wakabambulwa mukubula insana, pele ulapona kwiita munsana shaka Leza. Kaambo aswe twiina insana mwakwe, pele tulakapona aze kwiita munsana shaka Leza akati kenu. ⁵ Amulilingule lwenu nubeni, mubone kwaamba ati muli mu lushomo. Amulisunke lwenu nubeni. Saa tamuchizhi chechi lwenu nubeni, kwaamba ati Jeso Kilisito uli mwenu?--chita kuti umwe mwakakilwa. ⁶ Pele Ume ndashoma umwe kwaamba ati mwabona kuti twiina kukakilwa pe. ⁷ Inzho tulakomba kwa Leza kwaamba ati mutachiti linji shibiyabi. Ume nshikombeli kwaamba ati tulibonye ukoya bakazunda kale masukusho pe. Pele bulyo, Ume ndakomba kwaamba ati muchite cheelele, nikuba kwaamba kulalibonya ukoya nitwazundwa ku masukusho. ⁸ U kuti tatulozha kuchita chintu chili choonse kukazhanya u bwini, pele bulyo bwini bwalo. ⁹ Tulatangala lelyo twaakuli balengushi umwe mwaakuli bazumu. nchitukombela nkwaamba umwe mubaale kuchita kabotu. ¹⁰ Ume ndamulembela sheshi shintu ndaakuli kulaale kuhwa nkumubele kwaamba ati ndaakuli amwe intasebezha lunsunsu kuli umwe mukusebezha insana shangu--shesho Mwami nshaakampa kwaamba Ume muzake, kutali kumumwaya pe. ¹¹ Mukumaninzha, nubakwesu, a mutangale! A musebeze kwiingayina u mbumwakayiishiwa, amuzume zume, a muteelezhanye, a mupone mu luumuno. Amana Leza wa lufwuno alimwi u luumuno u lakaba amwe. ¹² A mwaanzhanye umwi umwi u lushonto lusalala. Boonse bantu baka Leza basalala balamwaanzha. ¹³ Luse lwa Mwami Jeso Kilisito, lufwuno lwaka Leza, alimwi u luswaangano lwa Moza Usalala shibe amwe noonse.