¹ Ume ndi Paulu, lwangu ndimwini ndamukumbila, kwiita mukulichesha alimwi u kulibonzha mwa Kilisito. Ume ndimubonhu lelyo ninchili a bushu bwenu, pele Ume nshitiyi kuli umwe lelyo ndataakuli amwe. ² Ume ndamukumbila kwaamba ati, lelyo ume ndaakuli amwe, Ume nsheelele kutiya ku lushomo lolo ndwintelaika Ume nsheelele kutiya lelyo ndaakubakazha babo balo batelaika kwaamba ati tucheenda kwiingayina u ku mubili. ³ Kaambo nikuba kuti tuleenda mu mubili, tatupangi inkondo kwiingayina u mubili. ⁴ Shilwisho shesu nshitulwisha tashili sha mubili. Pele, shilikwete insana shabu Leza kuzonauna shizubilo shabo. Balaleta kukazhanya kutola munji kwiina mbukubele. ⁵ Tulazonauna choonse chintu chibukila luzhibo lwaka Leza. Tulachita mizeezo yoonse ya buzhike kuchilila ku Kilisito. ⁶ Alimwi tulilibambile kusubula woonse wezo u kaka kuchilila, mpaka mukazhibe mbumweelele kuchilila. ⁷ Amulangishe checho chili ambele lyenu. Naakuti umwi ulashoma kwaamba ati uli mwa Kilisito, naalizhibalushe lwakwe mwini kwaamba ati mbubona mbwaali mwa Kilisito, aswe mbubona mutubele. ⁸ Nikuba kuti Ume ndayitilizha a shoonto kulyeensheensha u kaambo ka nsana, shesho Mwami wesu nshaakatupa kwaamba tumubambilile umwe kutali kumuzonauna pe, Ume tachikangusha insoni. ⁹ Ume nshizanda kwaamba ati ndibonye ukoya ndamukonga ku makalata angu ngu mulembela. ¹⁰ Bantu bamwi balaambaati, "Makalata akwe alishininzhe alimwi alikwete insana, pele mbwaalibonya ku mubili wiina insana. Mazwi akwe ayina mbwaabele kwaapupulala." ¹¹ Bantu bali bobo balyeelele kuzhiba kwaamba mbutubele kumazwi aali mu lukalata lwesu chiindi nitutewo mbututi tuukubele kuli nchituchita chiindi nituliwo. ¹² Tatuli u koya babo balisumpula naaba kuliingayinya abo kuli babo balo balitembaula lwabo beni. Pele naakuti balalyeeleka lwabo beni kuli umwi umwi alimwi u kuliingayinya lwabo beni kuli bamwi, ati bayina mancha. ¹³ Uswe, nikuba bobo, twiina nitukakalyeensheensha chakubaazha a chipimo. Pele, tulakachita bobo kwiingayina umbutulozha kuli checho Leza nchaakatutuma, chipimo checho chimweenzha amwe. ¹⁴ Ubobo twiina nitwakaitilizha kulyeensheensha ukoya twiina nitwakamweenzha. Uswe twakaakuli bataanzhi kumweenzha koko nkumubele kumuletela mulumbe waka Kilisito. ¹⁵ Twiina nitwakalyeensheensha chakubaazha a chipimo mu milimo ya bamwi. Ubobo, lulangilo lwesu ndwakuti mbuli lushomo lwenu mbuluya bukula, mulimo wesu akati kenu ulakabaala kuzandaala, ¹⁶ Kwaamba ati tukalonzhe kukambauka mulumbe u kumasena kubaala nkumubele, kutali kulyeensheensha ku mulimo wakachitwa kale ku masena a bamwi. ¹⁷ "Pele wezo walo ulyeensheensha, naalyeensheenshe mu Mwami." ¹⁸ Kaambo tali walo wezo ulitembaula lwakwe mwini u huminwa pe, pele wezo walo Mwami ngwaahuminya.