¹ Ku makani a mulimo wa bantu basalala baka Leza, tachili chizandishi kwangu kumulembela. ² Ume ndichizhi nchimuzanda, checho Ume nchindyeensheensha ku bantu baku Masedoniya. Ndakabashimwina kwaamba ati Akaya kalibambila kuhwa ku mwaka wamana. Kulisungula kwenu kwapa kwaamba ati banji banji balyaabe. ³ Inzho Ume ndatuma bakwesu baba kwaamba ati kulyeensheensha kwesu aali umwe kutabi kwa bulyo, kwaamba ati umwe mulibambile, umbona Ume mbundakamwaambila ati mulakaba bobo. ⁴ Ubobo, naakuti kufwumbwa wamu Masedoniya ngutukakazhiza aze tukayane ati tamuna kulibambila, ati tulakamuzoowa---Ume kwiina chinkozha kwaamba aali umwe--kaambo tulikwete lushomo muli umwe. ⁵ Ubobo Ume ndakatelaika kuti chileelela kuzumya zumya bakwesu kuzhiza nkumubele kwaamba bakabambile limwi shipo shesho nshimwakashomezha. Chechi chilibolya kwaamba ati mulibambilile limwi kuba chilongezho, alimwi kutali chipo chakupa u myonzo yobile. ⁶ Kaambo kali bolya: Wezo ushanga tushoonto aze ulakatebula tushoonto, alimwi wezo walo ushanga kwaamba ati a kayane shilongezho aze ulakatebula chilongezho. ⁷ Umwi umwi ulyeelele kupa checho chaalitelaisha mukati ka monzo wakwe, mutapi chakutasenguka naaba chakushinikizhiwa, kaambo Leza ulifwini wezo upa chakubotelwa. ⁸ Alimwi Leza ulalonzha kumwaabila loonse luse lunji lunji kuli umwe, kwaamba ati, lyoonse, mushintu shoonse, mulakonzha kukwata shoonse shimuzanda. Chechi chilibolya kwaamba ati muhuzhe mu michito yoonse. ⁹ Chili ukoya mbuli mbuchilembelwe: "Ulatola koonse koonse buhubi bwakwe amana ulabupa buhubi bwakwe ku bapushi. Bululami bwakwe bulakalilila kwa lyoonse." ¹⁰ Wezo walo uupa mulimi imbuto wezo ushanga alimwi u chilyo cha chinkwa ulapa alimwi u kuhuzha imbuto yako ya kushanga. Ulakahuzha butebuzhi bwako bwa bululami. ¹¹ Ulakaba muhubi munzhila shoonse kwaamba mukabe baabi. Chechi chilakaleta kupa kulumba kwa Leza kwiita mwesu. ¹² Kaambo kusebeza mulimo wezu takuli bulyo kuyohwa bantu basalala baka Leza, pele chilakakupaana mu michito minji minji ya kupa kulumba kwa Leza. ¹³ Kaambo ka kusunkwa kwenu alimwi u kuzhibwa kwiita mu mulimo wezu, mulakapa bulemu Leza u kaambo kakuchilila mbuli mbumwakalipinga ku mulumbe waka Kilisito. Alimwi mulakapa bulemu Leza kwiita mukulyaaba kwenu kwa kusanga sanga kuli mbabo alimwi u kuli umwi u mwi. ¹⁴ Balamuzandisha, alimwi balamukombela. Balachita chechi u kaambo ka luse lukando lwaka Leza lolo luli aali umwe. ¹⁵ Inzho kulumba a kube kwa Leza u kaambo ka chipo chakwe nchitutalozha kupandulula ku mazwi!