¹ Uahandekele navo nguendi, "Vuchili njimileka nguange, kuvali vamo munemana aha komuka makela kukutca, kulutue lua kukamona vumuene vua Kalunga vu kenja na ndhili. ² Kunima ya matangua atanu nalimo, Yesu ua yile na Petulu, na Tyango naYouano ku mukinya uakulaha navo. Ua hilumukile kulutue luavo. ³ Vidhala vyendi vya vyakuile muakama, kutoka kutuvakanena , vya tokele kutuvakana kutoka cha hantci chiye chiva toketha vakevo. ⁴ Keho Elia na Mosesa vayombolokele kulivakevo, keho vahandekele na Yesu. ⁵ Petulu ua kuanyene nakuhandeka kuli Yesu ngendi , ''Mulongithi, muachili tukale kuno, tutunge vintcingi vitatu yimo yove, yimo ya Mosesa na yimo ya Elia .'' ⁶ Muomu kathivukile vyahandekele,momu vovuile lyova.) ⁷ Lishelua lyedhile lya vafuikile. Keho lijiu lya tundile mulishelua , "O u yikeye munange yinja yongola. Mutolilileni! ⁸ Kushangumuka, muku tala tala, naumo uahi vamuene,vunon Yesu lika." ⁹ Mukushelela kuavo kutunda kumukinya, ua va vindikile nguendi keti vaka handeke evi vi vana mono, kuvanga Muna Muntu aka shituka ku kutca. ¹⁰ Keho vyakele muvimbunge vyavo vavenya, vunoni va lihandekethele mukati kavo vika, " ku kashituka ku kutca" vilangunuka. ¹¹ Vamuihuile nguavo, "Vaka kuthona va handekele nguavo Elia aka livanga kuinja?" ¹² Ua valekele nguendi," Elia aka livanga kuinja mu kupuithamo vyuma vyoshe. Vika vyova thonene, nguavo muna muntu atave mukuyanda muvyuma vya vingi naku muthinda?" ¹³ Vuno njimileka nguange Elia nenja, vana kupanga vyoshe vyo vana yongola kuli yakeye, ngue omu muva muthonene. ¹⁴ Hovethile kuvandonge, va muene mbunga ya yingi yina vathengeleka, na vaka kulilongetha na vo vakele navimpata navo. ¹⁵ Oho vene Yesu muva mu muene, vakomokele, mbunga yoshe naku shatukila kuli yikeye vakamukunde. ¹⁶ Ue huile vandonge vendi," vika mulingila vimpata?" ¹⁷ Umo ua mumbunga uamu kuanyene nguendi , "Mulongithi kulyove njinaneha munange ua mumala. ali na mpudhi yakuvihya, yi mulingitha na kuatha kuhandeka kuahi. ¹⁸ Keho ya muyemangele na kumu uitha, nantutu kukanua, kuli kuecha kumatho, nakukala nomu, njinehula vandonge vove vayi tundithemo mulyendi, avo nakuyathakuahi.'' ¹⁹ Uava kuanyene nguendi, Eni vaka kuyeneka kutava, thimbu yakupua heho njatha kukala neni? Thimbu yakupua heho njili thingimika neni? Muneheni kuno kulyange.'' ²⁰ Vamunehelele munalyala.Keho mpudhi moya muene Yesu, Oho vene yamumbile ua shinya. Muna lyala ua uila hatci na kututumuka lifulu mukanua. ²¹ Yesu ue huile yishe, '' Ntcimbu ya kupua heho nakala nevi? yishe nguendi,'' kutunda vene kuvu nike vuendi. ²² Lualuingi honi hamo kumumbila mutuhya hamo mumema nakuetheka kumu tcihya . Ambe kouatha kupangako vimo, tuvuileko ngothi u tuohyele.'' ²³ Yesu ua handekele nguendi. ''Ambe uatha? vyuma vyoshe kuatha vihetemo kuli ou natcelela.'' ²⁴ Haye vene yishe yamunike ua lilile nakuhandeka, ''Njina tava! ohyela uange uayeneka kutava!'' ²⁵ Omu Yesu mua muene mbunga yishatukila kulyavo, ua vyanenene mpundhi yakuvihya na kuyitingumukila,'" Ove holoka mpundhi yaku thinda matui,njikuleka nguange,tundamo mulyendi mba keti ukakovelemo lalo. ²⁶ Ya litetelele na kumu yemanga uje munalyala ua kama na kutuhukamo mulyendi munalyala ua fuile ngue ua kutca, vavengi vahandekele nguavo, na tci.'' ²⁷ Keho Yesu uamu kuatele kuli voko kumu katuitha, na ku muimaneka. ²⁸ Keho Yesu muethile munjivo, vamuihuile vandonge vendi muvu shueke, "Vika tuna yihonena kuyi tundithamo?" ²⁹ Ua valekele nguendi, "Kutundithako chilombelo chuma echi uahi ua kuchatha ." ³⁰ Keho va tundilemo vahitile mu Ngalileya. Kayonguele nkala uoshe adhivuke nguavo kuiko vali, ³¹ Endi ua longethele vandonge vendi. Ua valekele nguendi, " Muna muntu vakamuhana mu mavoko a vantu na ku ka mu tcihya, oho hovaka mutcihya ku nima yamatangua atatu aka shituka lalo." ³² Vuno kova vyuvuile vya handekele, vakele nalyova lyaku muihula. ³³ Keho vedhile ku Kapenama. Kunima muva kovelele munjivo ua vehuile nguendi, "Vika ovyo muna mu nahandeka mungila." ³⁴ Vuno va holokele. Vuno vandonge va handekele umo namukuavo mungila nguavo yiya ua tuvakana kuvukama hakati kavo. ³⁵ Vatumamene, ua thanene vaye likumi na vavali ua valekele nguendi, " "Nkala uoshe a yongola ku kala ua kulivanga, a ka kala ua kukotokela kuli voshe na kukala ndungo kuvoshe." ³⁶ Keho ua nonene kanike ua mundende uamuhaka mukati kavo, ua muhaka mumpati yendi na kuhandeka nguendi, ³⁷ "Nkala uoshe aka tambula kanike ua mundende mulidhina lyange, natambula yange; nkala uoshe a katambula yange na tambula ou ua nji tumine.' ³⁸ Youano ua handekele kulyendi, "Mulongithi, tuna mono umo atunditha mpundhi yaku vihya mulidhina lyove, tuna mulengethetha mukonda katu shuamenene yetu." ³⁹ Vunoni Yesu ua mukuanyene nguendi " Keti mumu vindike, uahi ua kutuvakana vipanga mulidhina lyange nalelo, kulutue a kahandeke mudhimbu ua kuvihya kulyange." ⁴⁰ Nkala ou a tava lijui lyetu a li netu. ⁴¹ Nkala uoshe mukati keni a mihana nganja ya mema mu kunua muomu lidhina lyange a li na Kilistu, vu chili nji mileka, kadhimbaletha fueto. ⁴² Uoshe a ka dhimbaletha ava vatava va vandende, cha chingulu kumukuta livue munthingo naku kamumbila mu kalungandonga. ⁴³ Nga livoko lyove likuputhumuitha, livatuleko. Cha chingulu kuka kovela muilu na vulema ku tuvakana kuya nomu muka kovela mu tuhya tua myaka yoshe ko tuekudhima. ⁴⁴ Kua kala mavuno kekutca na tuhya ko tuekudhima. ⁴⁵ Nga muanja uku punduitha, u teteko. Cha chingul ukovele muilu navulema kutuvakana u kale na myanja yivali va ka kumbile mutuhya. ⁴⁶ Kua kala mavuno avo kekutca na tuhya kotue kudhima. ⁴⁷ Nga lisho lyove liku punduitha kuku vihya, licohokolemo. Cha chingulu kuka kovela mu vumuene vua Kalunga na lisho limo chili hone kukala na mesho avali na ku ka kumbila mutuhya ⁴⁸ kua kala mavuno avo kekutca natuhya kotue kudhima. ⁴⁹ Nkala umo va kamuetheka na mukele ua tuhya. ⁵⁰ Mukele ua chili, vuno mukele ambe una shamuka, vati ulinga u kale una tovala? Kaleni mukele mukati keni muva voshe na kukala chivovo umo namukuavo.