¹ Va Faliseo na vaka kuthona mathona vedhile ku Yelusalema kova likunguluile mbunga yavo naku mudhengeleka. ² Vamuene vandonge valya mbolo namavoko a madhilo. ³ Mukonda vaka kulihakavyo na vaYunda voshe, avo kovekulya ngocho kuvanga vana tana kumavoko avo, mukonda va kuatele lishiko lya chithemua cha vakuluntu. ⁴ VaFaliseo vedhile kutunda ku muhela uaku landethela kova lile, kuvanga vana tana umba vakuate kuvyuma ndi kutambula, Noho vana kushu vitenga vyavo umba valya. ⁵ Va Faliseu na vaka kuthona mathona vehuile Yesu , "Mukonda vika vandonge vove kove kushuama mashiko achithemua cha vakuluntu, vuno valya mbolo nakutana kumavoko kuahi?" ⁶ Ngechi ua valekele nguendi, "Kapolofeto Yisaya ua muene vuino chivembulu cheni ngue muvana thono nguavo, "Vantu ava vekunji thingimika ange namilungu, vuno dhi mbunge dhavo dhakala hale nange." ⁷ Ange mavoko-voko vekunji dhumboka, valongetha vantu mashiko achithemua na ndotilina yavo." ⁸ Ove unathi mashiko aKalunga undhivuka vuathi vya chithemua cha vantu. Ua vehuile nguendi, ⁹ "Vati muna vyana mashiko aKalunga eni munyunga lika mashiko a chithemua!" ¹⁰ Kuli Mosesa ua handekele nguendi, "Thingimika yisho na vanoko", na "Uoshe a handeka muaku vihya na yishe ndi navayina chili chili athse.'' ¹¹ Vuno ove uhandeka ngove, "Nga muntu ahandeka na yishe ndi na vayina, ''nkala vyoshe vaku kuatha, una pande ku vitambula kuli yange ngue vuana vua kuhana kuli Kalunga." ¹² Ngocho kouethi na mpoko kumu tavetha apange nkala vyuma kuli yishe ndi kuli vayina. ¹³ Ove unatepulula lijui lya Kalunga una hakamo vyuma vya chithemua vije muli navyo, una shueka kuinthi. na vyuma vikuavo vyavingi vya kulifua." ¹⁴ keho ua thanene mbunga lalo na kuvaleka nguendi, "Nji tolilileni muvoshe na ku njuvuilila. ¹⁵ Navimo vyahi vya hanja vikovela muli muntu vyatha kumuviyitha, vuno vije vituhuka mukati ka muntu vyatha kumu viyitha''. ¹⁶ Nga nkala muntu uoshe a li na matui akuvua ovueko. ¹⁷ Omo Yesu uathile mbunga ua kovelele mu njivo, na vandonge vendi va muhuile vya vithimo. ¹⁸ Yesu nguendi, "Ove nolo kanda uvuithithe ndi? Ove koua muene nguove vyoshe vikovela mu muntu vya kutunda handja ko vyatha ku vihitha muntu, ¹⁹ mukonda kovi kovela ku mbunge, vuno vikovela muimo lya muntu, vika tu hakamo vi kayaku muthenge?"' VijeYesu ua va lekethele nguendi vyakulya vyoshe vyavingulu. ²⁰ Endi ua handekele , "Evi vituhuka mu muntu vikevyo vyatha kumu viyitha. ²¹ Mukonda vituhuka mu mbunge ya muntu, vya ku vihya vitualelelaho, vithinganyeka, mashungu, vuidhi, kuthsihya, ²² vumbayi, vunkondi, kuhongua, vishaki, nthsuama, chidhindo, thembulule, kuli hametha, vuheve. ²³ Evi vyoshe vya ku vihya vye kutunda mukati, vikevyo vyathaku viyitha muntu''. ²⁴ Uakatukile uayile kumutambela ua chifuti cha Tile na Sindoni. Okuje uayile ku njivo, ka yonguele nkala umo a dhivuke kuje kuali. Nambe ngocho yikeye kali shuekele. ²⁵ vunoni, vuathi vuathi mukentu uje uakele namunendi ua mukentu uye uakele na mpundhi ya kuvihya, uedhile ua tcikamene kumyanja yendi. ²⁶ Ou mukentu ua kele Kangelengu, ku chithemua cha Silofonika. Yikeye ua tamekele kutunditha mpundhi ya kuvihya muli munendi ua mukentu. ²⁷ Ua handekele na mukentu, "Haneni vanike va livange kulya. Muomu ko chatavele vyakulya vya vanike mu vihane kututali. ²⁸ Vuno ua handeka nendi nguendi , "Mukemo Muene, na tutali vekulya vulalumuina vua kumesa ya vanike." ²⁹ Ua mulekele nguendi, "mukonda ku vije vyouna handeka, ove vana kuethela yaa. mukonda mpundhi ya kuviha yina tundumo muli munove ua mukentu." ³⁰ Ua hilukile uayile kunjivo yendi ua kauanene mona nandanda hamuhela, mpundhi yakuviha yina mutundu. ³¹ Mukemo ua tuhukile uayile lalo uatundile kumutambela ua Tile, nakuheta ku Sindoni ku chishali cha Ngalileya nakuheta ku mutambela ua Ndekapoli. ³² Keho vamunehelele umo kathinda matui endi uakele na vitanga muku handeka, ngocho vamu kandelelele shukulukambu linga amu kambeke livoko lyendi hali yikeye. ³³ Vamutualele ku mukulo vamu tundithile mu mbunga vakale kua lika lyavo, Ua hakele minye yendi mu matui endi nakumu pampela mema na ndaka yendi. ³⁴ Mukemuo ua tengulukile uatalele muilu, ua handekele nendi nguendi , "Efalanta," chikecho chitu mbula, shokolola! ³⁵ Hantcimbu oyo vene matui endi ashokolokele na ndaka yendi ya vutukile ua shangumukile kuhandeka vuino. ³⁶ Yesu ua va kikiyile nguendi keti muvi leke naumo uahi. Vuno mua vakikiyile mukemo vakele na ndhili ya kua mbulula mudhimbu uacho. ³⁷ Vakomokele muakama, nguavo, "Napanga vyuma vyoshe muachili. yikeye lalo a lingitha tuthinda matui vovue natuveveve vahandeke''.