¹ Vedhile kumukulo ua Kalungandonga, ku chifuti cha Ngelesene. ² Yesu mua tundile mu vuato, oho vene kuedhile lyala umo ua tundile havihilo ua mpundhi yaku vihya. ³ Lyala ou ua tungile ha vihilo. Na umo uahi uathele kumu nyunga nambe mu malyenge. Va mukutile nthimbu ya kama muma lyenge. ⁴ Ua vatuile lilyenge hakati hamo na vimpindi vya shandokele. Na umo uahi ua kele na ndhili yaku muatha. ⁵ Vutciki namutanya na ku mikinya ua lilile naku liteta endi vavenya na livue lyaku homona. ⁶ Mua muene Yesu ku hale, ua shatukile naku tcikama ku luholo luendi. ⁷ Ua lilile naku tambakana, "Vika ndji napande kupanga nove, Yesu, Muna Kalunga uakama uakuilu? Njina kukandelela kuli Kalunga vavenya, keti unji vavalethe. ⁸ Ua handekele nendi nguendi, "Tuhuka mo mu lyala ou ove mpundhi yaku vihya." ⁹ Ua muihuile, "Yove yiya lidhina lyove?" Ua mutavele nguendi, "Lidhina lyange yange Mbunga, mukonda tuva vengi." ¹⁰ Ua mu kandelelele lalo-lalo nguendi keti ava tume hanja lya chifuti. ¹¹ Keho vutanga vua kama vua vingulu vu va lithilile hamukinya, ¹² Navo vamu kandelelele, nguavo, "Tu tume muvi ngulu, tuyeni tukovele mu lyavo." ¹³ Keho ua vatavethele na mpundhi ya kuvihya ya tuhukile mo yakovelele muvingulu, vashelelele vuathi ku chimbolongoma mumema aKalunga, va kele ma kulukadhi avali avi ngulu va tcile mu mema aKalunga ndonga. ¹⁴ Keho vaje va lithile vingulu va teuele va kambuluile vije vya yombolokele muimbo lyakama ku nchongo ya chifuti, Na vantu vatuhukile vayile vaka tale vika vina yomboloka. ¹⁵ Keho vedhile kuli Yesu vamuene lyala, Uje uakele na-vimpundhi kuli uje vene ua kele na vimpundhi vya mbunga, ua tumamene, na vidhala na mana a chili, Navo lyova lyava uanene. ¹⁶ Vaje vamuene vije vyahitile lyala uje uakele na vimpundhi vya kuvihya vava lekeleko mua muingi,vava lekeleko lalo vya vingulu. ¹⁷ Vashangumukile kumu kandelela atuhuke mu chifuti chavo. ¹⁸ Mua kovelele mu vuato, lyala uje ua kele na vimpundhi ua kandelele-lele nguendi akale nendi. ¹⁹ Keho Yesu kamutavele ua mulekele nguendi, "Ya kundjivo yove na kuvantu vove na kuvaleka vika vyana kupangela Kalunga, na vati na kumuetha ngodhi. ²⁰ Keho ua yile ua tamekele kuambulula muNdekapoli vyuma vya chili vyoshe vya mupangela Yesu, voshe vakomokele. ²¹ Keho Yesu mua yavukile musiniia na vuato na vuato, mbunga ya yingi yamu yamudhengelekele ua kele kumukulo ua mema aKalunga. ²² Umo ntuama lutue ua sinangonga ua lidhina Njayiru uedhile ua mumuene ua uile mavuli kumyanja yendi. ²³ Ua tamekele lalo ua handekele nguendi, "Munange ua mukentu ali muhyehi-hyehi na kuthsa. Njina ku kandelela tuye kumo uka mukambeke mavoko linga ovoke." ²⁴ Keho ua yile hamo nendi na mbunga ya yayingi ya mu shuamene ya dhengeleka. ²⁵ Kuakele mukentu ua hitile maninga ha myaka likumi na yivali. ²⁶ Ua yandele muakama kuvimbanda na ku hana vyuma vyendi vyoshe, munthimbu ovueko hasha vuvedhi vuali vuedhelele. ²⁷ Muovuile vu kaleho vua Yesu, uedhile kunima yendi mu mbunga naku kuata kuchi dhala chendi. ²⁸ Mukonda ua handekele nguendi, "Ambe nji kuata kuvidhala vyendi nji kanguka. ²⁹ Ua mukuatele, naku nokola kua likelele, uovuile vukangule mumuvila uendi nguendi na kanguka ku vuvedhi vuendi. ³⁰ Hanthimbu oyo vene Yesu uovuile ndhili yendi yina mutepuluka. Ua tengulukile mu mbunga ua handeka nguendi, "Yiya nanji kuata kuvi dhala vyange?" ³¹ Vandonge vamulekele nguavo, "Una mono mbunga yina kudhengeleka, u handeka nguove "Yiya nanji kuata kuvidhala vyange? " ³² Keho Yesu ua talele mumbunga amone nguendi yiya navipanga. ³³ Mukentu, uadhivukile nguendi vika vya kele ku lyendi, chova-ova chamu uanene. Uedhile naku uila kulutue luendi ua handekele vuchili vuoshe. ³⁴ Ua mulekele nguendi, "Munange uamukentu kuthselela kuove kuna kukanguitha. Ya na chivovo, kanguka ku vuvedhi vuove." ³⁵ Nthimbu a chi handeka, vantu vamo vatundile ku vantuamalutue vamu Sinangonga, nakuhandeka nguavo, "Munove ua mukentu nathsi. vika mumu yandethela lalo mulongithi?" ³⁶ Keho Yesu mukuvua mudhimbu uva handekele, ua handeka nantuamalutue uamu Sinangonga nguendi, "Keti muvue lyova, thseleleni lika." ³⁷ Uahi uatavethele kuenda nendi kuvanga Petulu, Tiango ,Yoano na munaina ya Tiango. ³⁸ Vedhile kunjivo ya ntuamalutue ua mu sinangonga ua muene kuje kovalingile vantu muyoyo ua uingi. Va lilile naku tambakana. ³⁹ Mua kovelele munjivo, uahandeka navo nguendi, "Mukonda vika muna kela navuthiua na vika mulila?" Munike kathsile vuno tulo lika na ndanda." ⁴⁰ Vamu jolele. Keho uava tuhuithilemo voshe hanja ua tambulaho yishe ya munike navayina ya munike na voshe ovo vakele navo, keho ua kovelele muje mua kele munike. ⁴¹ Ua kuatele kulivoko lya munike na kuhandeka nendi nguendi, "Talitha koum!" kulangunuka "munike uamukentu, nji handeka nove, hinduka." ⁴² Nthimbu oyo vene munike ua hindukile na kuenda, munike uakele namyaka likumi na yivali. Vuathi vuathi voshe vakomokele naku jolela muakama. ⁴³ Ua valekele nguendi na umo uahi uomu kavileka evi. Keho ua va lekele va muhaneko vimo vya kulya.