¹ Ngechi mova hetele mu Yelusalema, vakele muhyehi na Mbetefange na Mbetani ku mukinya ua Oliveta, keho Yesu ua tumine vandonge vendi va vali, ² uava lekele nguendi , "Kayeni muimbo lya lihata netu. Mo muka kovela ngechi, mukauana chindongi chova yeneka kulonda lumo. Kachi vutuleni muka chinehe kuno kulyange. ³ Nga umo aka mihula nguendi, 'Vika muvi pangela evi?' kamulekeni ngueni, 'Muene achi yongola, naku ka chituma vuathi kuno kulyange." ⁴ Vayile naku ka uana chindongi vana chikutiya kuchikolo hanja mungila, oshe va chi vutuile. ⁵ Vantu vamo vemanene haye naku vehula nguavo, "Vika evi vyomu panga, kuvutula chindongi?" ⁶ Va valekele ngue muaveshikile Yesu, na vantu vaye va vechelele vaye nangila yavo. ⁷ Vanehele cindongi kuli Yesu kumo na kuala vintanga vyavo ha chindongi, na Yesu ua londele ho. ⁸ Vavengi valele vintanga vyavo hantci mungila, na vakuavo valele vimaho vyova ka tetele ku vihumbu. ⁹ Vaye va hitile kulutue lyendi nava vashuamene munima va tambakanene nguavo, "Hossana! Va mushangale uye enja mu lidhina lya Kalunga. ¹⁰ Va shangale kuinja kua vumuene vua Yishe ya Ndaviti! Hosanna! yakama!'' ¹¹ Keho Yesu ua kovelele mu Yelusalema ua kovela mutembele nakutala vyoshe. Ngocho litangua te kanda li toke keho ua yile ku Mbetelema nava ndonge vendi likumi na vavali. ¹² Litangua lya ku shuamako muva tundile muMbetelema uo vuile njala. ¹³ Muku tala hale nendi ua muene chiti cha mukuyu u li na vimaho vyauo ua shueneneko nachi thinganyeka nguendi aka uanako vushuka, muku heta ku chiti, ua uanene vimaho lika kukua kele vushuka. vua kulya mukonda kuya kele ntcimbu yacho. ¹⁴ Ua kuanyene na chiti nguendi, "Kutunda hano uahi a kalya vushuka kulyove lalo." Na vandonge vendi va vyuvuile. ¹⁵ Va yile ku Yelusalema, na yikeye ua kovelele mu tembele naku shandola vaka kulandetha na va kakulanda va kele mutembele. Uombangele vimetha vya va ka kufuetetha lithimu, na ku vipundi vya va kaku landetha maputukuua. ¹⁶ Uahi yatavethele mu kuambata vimo ku viye vya kele mu tembele. ¹⁷ Ua va longethele na ku handeka nguendi, "Keti movathona nguavo, 'Njivo yange va ka yitumbula njivo ya malombelo ku mishovo yoshe ndi?' Vuno muna yi puitha chishuashua cha vidhi." ¹⁸ Vakuluntu vava sasendote na vaka kuthona mathona va vyuvuile evi vya kuanyene, navo vayonguele ngila ya kumutcihya. Kulyavo vamu teuele mukonda mbunga yoshe ya yonguele vi longetha vyendi. ¹⁹ Omo chinguedhi cha hetele, va tundile mo mu mulimbo liye. ²⁰ Mukuenda kuavo ku chimene, va muene chiye chiti chamukuyu chinomu. ²¹ Petulu ua vulukile naku kuanya nguendi, "Lambi, tala! Chiti chamukuyu chiye cho una kathingile chinomu." ²² Yesu ua va limbuilile nguendi, "Tceleleni muli Kalunga. ²³ Vuchili nji mileka nguange nga umo ueni a handeka ku mukinya ou nguendi, 'Tunda hano naku kalyumbila mu kalunga ndonga,' na yikeye nga ka kala na mehula mu mbunge yendi vunoni atave nguavo vije vya nahandeka vika puamo, ovyo vikevyo vyatha kupanga Kalunga. ²⁴ Vuno njimileka nguange: Vyoshe mulomba na kuihula, tceleleni muka viuana, vika kala vyeni. ²⁵ Nga muimana naku lomba ,muatha kuechela ku voshe kumilonga yavo, ngocho yisho yeni ua muilu nendi nga aka myechela milonga yeni ²⁶ Nga komuechela Yishe yeni ua muilu nendi kaka myechela. ²⁷ Vedhile mu Yelusalema lalo. Yesu mukuenda kuendi mu tembele, vakuluntu vava sasendote, na vaka kuthona mathona na vakuluntu vedhile kulyendi. ²⁸ Va muihuile nguavo, "Nandhili yika upanga nayo vyuma evi, yiya ua kuhana mpoko yacho yaku vipanga?" ²⁹ Yesu ua valekele nguendi, "Njimihula lihula limo. Nji lekeni nange nji ka mileka nguange na ndhili yika nji panga vyuma evi." ³⁰ Kumbuitika kua Youano kuiko cha tundile muilu ndi kuvantu?" Nji lekeni. ³¹ Vali handekethele nakuyeveta nguavo, " Nga tuka handeka nguetu, chatutunda muilu, a ka handeka nguendi, 'Vika komua mutcelelele?' ³² Vuno nga tukahandeka nguetu, 'Kuatunda kuvantu,' vaka tuasha mavue. Vakele na lyova ku vantu, mukonda vantu vavengi va dhivukile nguavo Youano kapolofeto. ³³ Keho vedhile na kumuleka nguavo, "Kutudhivuka ko."Keho Yesu ua valekele nguendi, "Nange kunji mileka nguange kuiko kuatundu ndhili yange mukupanga vyuma evi."