¹ Poo kamuna ndjiviro vakuetu, (orondu me hungire kuena imba mbe tjiua o Veta), kutja o Veta ina ouvara kombanda uo mundu ngunda ae na o muinjo? ² Orondu o mukazendu nguna o murumendu ua kutua kuena o murumendu ue kehi jo Veta ngunda o murumendu ue ae no muinjo; nunguari o murumendu ue tja tu, eje u kuturua mo veta jo murumendu ue. ³ Nu o murumendu ngunda ae no muinjo, neje a kupua ijo murumendu o mukuao, ope za oku isaneua o mukatuke uo rukupo: nunguari o murumendu ue tja tu, eje tjandje ua kuturua ko veta; nu ke tina ku rira o mukatuke uo rukupo nangarire tja kupua ijo urumendu uarue. ⁴ Mo muano o tjingeuo, vakuetu, ene mua ungurua o vakoke ko Veta mo Rutu rua Kriste, kutja mu kupisiue ku Uarue, okutja ku ingui ngua pendurua mo vakoke, kutja tu jete o tjihape ku Mukuru. ⁵ Orondu ete ngunda a tu rim o njama, o zonduma zo uvi I ja ze ungura mo unepo uetu mena ro Veta oku jeta o tjihape tjitjti tara ko ndiro. ⁶ Nunguari nambano tua kuturua ko Veta, ete tjinga a tua ta ku itji tji the tu tizire; kutja tu karere mo upe uo mbepo nu ae heri mo ukuru ue tjangua. ⁷ Nu nambano nga tu the vi? O Veta o uvi? Mukuru a jandjere! Nunguari ami hi tjivirue ko o uvi pendje noku je tjivirua mo Veta: orondu ami hi je tjiua o zonduma nga o Veta tji ja tja, Kona ku kara ko no zonduma.” ⁸ Nunguari o uvi, tjinga ua muna o ruveze mu indi e tuako, otji ua ungura mu ami o zonduma zo miano avihe; orondu pendje no Veta o uvi ua koka. ⁹ Orondu mbi nap u mba hupire noku hina Veta; nunguari etuako tji re ja, o uvi ua pendurua, nu ani e koka. ¹⁰ Nu indi etuako nda zikamisirua ko muinjo, ra vaziua a ra rire ondiro ku ami. ¹¹ Orondu o uvi, tjinga ua muna o ruveze mu indi etuako, ue ndji pukisa nu mu uo au ndji zepa. ¹² Nunguaro o Veta o ndjapuke, nu indi etuako e japuke, nu esemba nu eua. ¹³ Tjii nambano itji tji tjiri o tjisemba tja rira o ndiro ku ami? Mukuru a jandjere! Nunguari o uvi kutja u munike kutja o uvi, ua ungurisire itji o tjiua oku jeta o ndiro mu ami; kutja o uvi u rire o uvi tjinene metuako. ¹⁴ Orondu matu tjiua kutja o Veta o jombepo, nunguari ami o uami o uo njama, ngu mba randisiua kehi jo uvi. ¹⁵ Orondu itji tji mbi tjita, ami hi tjii. Orondu itji tji mbi zera, itjo otji mbi ha tjiti; nunguari itji tji mbi njengua, itjo otji mbi tjita. ¹⁶ O kutja tji mbi tjita itji tji mbi ha zeri, ami mba itaverasana kuena o Veta, kutja ojo o mbua. ¹⁷ Nunguari ka i tjiri ami ngu mbi tjita tji, nunguari o uvi mbua tura mu ami. ¹⁸ Orondu mbi tjiua kutja mu ami, o kutja mo njama jandje, ka mu turire nangarire o tjina o tjiua: orondu oku zera kuri pueena ami, nunguari oku tjita itji tji tjiri o tjisemba ami hi ku uru. ¹⁹ Orondu hi tjiti o usemba mbu mbi zera, nunguari o urunde mbu mbi ha vanga, imbuo o mbu mbi tjita. ²⁰ Nunguari tji mbi tjita itji tji mbi ha zeri, kai tjiri ami ngu mbi tji tjita, nungari o uvi imbui mbua tura mu ami. ²¹ Opu me vazere o veta, kutja, tji me zeri oku tjita o uua, o uvi uri puena ami. ²² Orondu otja ko mundu uo moukoto, ami mbi tjaterua ijo Veta ja Mukuru; ²³ Nunguari mbi muna o veta jarue mo unepo uandje, ndji ruisa o veta jo zondunge zandje, ndji ndji tua mo uhuura uo veta jo uvi ndjiri mo unepo uandje. ²⁴ O uami o mundu ngu mba hangauka vi! O uani ngu me ndji kutura mo rutu ruo ndiro ndji? ²⁵ Ami me tja okuhepa ku Jesu Kriste o Muhona uetu. Ami o muini no zondunge zandje opu me karere o Veta ja Mukuru, nunguari no njama e karere o veta jo uvi.