¹ Nu nambano nga tu tje vi? Ngatu kare poku tjita o uvi kutja o tjari tji takavare? ² Mukuru a jandjere! Tjii ete, mbu tua koka ko uvi, matu kara vi muuo rukuao? ³ Poo ene kamuna ku tjiua kutja atuhe mbunga tua tutumikua mu Jesu Kriste tua tutumikua mo ndiro Je? ⁴ Nu o tji tua pakua pueena Je mo matutumisiro mo ndiro; kutja otja Kriste tja pendurua ijo ujere ua ingui Tate mo vakoke, mo muano otjingeuo ete o tjinga tua soku kaenda mo upe uo muinjo. ⁵ Orondu tji tua kunua pamue mo sano jo ndiro Je, uina matu kara mo sano jo mbendukiro Je; ⁶ A matu tjiua tji, kutja, kutja o mundu uetu ingui o mukuru ua paperua puena Je ko tjikoroise, kutja o rutu ruo uvi ru njonue, kutja oku za imba atu ha uhuara amatu rire o vakarere vo uvi. ⁷ Orondu ingui ngua koka ua kuturua ko uvi. ⁸ Nambano ete tji tua koka puena Kriste, matu itavere kutja kutja matu hupu pueena Je uina, ⁹ A matu tjiua kutja otja Kriste tja pendurua mo vakoke, Ken a ku uhuara a ma tu rukuao; o ndiro ka i tjina uvara kombanda Je. ¹⁰ Orondu indi Eje tja ta, Eje Ua ta ko uvi porumue; nunguari mokutja una o muinjo u hupira ku Mukuru. ¹¹ Mo muano o tjingeuo, ene rivareje kutja mua koka katjiri ko uvi, nunguari otjo vanamuinjo ku Mukuru mu Jesu Kriste o Muhona uetu. ¹² O uvi opu u ha sere oku honapara mo rutu tuenu o rukoke, kutja mu kare no nduviro ku ruo mo zonduma. ¹³ Nu uina amu jandja o unepo uenu otja o viungurisiua vio uhasemba ko uvi, nunguari rijandjeje o veni ku Mukuru, otja o vanamuinjo mba pendurua mo vakoke, no unepo vienu otja o viungurisiua vio usemba ku Mukuru. ¹⁴ Orondu o uvi ka u na ku kara no uvara kombanda jenu, orondu ka mu ri kehi jo Veta, nunguari mu ri kehi jo tjari. ¹⁵ Nambano per i vi? Ete ngatu tjite o uvi mo tjimbe tjo kutja ka turi kehi jo Veta, nunguari tu ri kehi jo tjari? Mukuru a jandjere! ¹⁶ Kamuna ku tjiua kutja ku auhe ku mue rijandja otja o vakarere mbena o nduviro, o uene o vakarere ku ingui ngu mu na o nduviro; Kutja o ko uvi mbu tuara kondiro poo o ko nduviro ndji tuara ko usemba. ¹⁷ Nunguari o kuhepa ku Mukuru kutja muari o vakarere vo uvi, nunguari mua kara no nduviro ko ngaro jo mahongero inga jandjeua ku ene. ¹⁸ Otja tji mua kuturua ko uvi, mua ungurua o vakarere vo usemba. ¹⁹ Me hungire mo muano uo vandu mena ro ungundi uo njama jenu; orondu otja tji mua jandja o unepo uenu otja o vakarere vo uhakohoke, na ko urunde uo urunde, mo muano o tjingeuo jandjeje o unepo uenu otja o vakarere vo usemba nga ko majapuriro. ²⁰ Orondu ngunda a muri o vakarere vo uvi, mua ri no ngutukiro ko uesemba. ²¹ Nunguari mua karere no tjihape tja tjike mo vina imbi mbi mu zepaisa o honi nambano? O ndjandero jo vina mbi tjinga iri o ndiro. ²² Nambano otja tji mua kuturua ko uvi, otja tji mua ungurua o vakarere va Mukuru, muna o tjihape tjenu mo ujapuke, no ndjandero jo muinjo uaaruhe. ²³ Orondu o tjisuta tjo uvi o ndiro, nunguari o tjijandjeua tja Mukuru o munjo uaaruhe mu Kriste Jesu o Muhona uetu.