¹ Nu nambano matu tja Tate uetu mo njama, Abraham, ua muna tjike? ² Orondu tjeri kutja Abraham ua sembamisiua ijo viungura u na o usemba uoku rihiva; nunguari pup e heri po murungu ua Mukuru. ³ Nunguari o matjangua maje tjavi? Abraham ua itavera Mukuru, nu aku varerua kuje otja o usemba. ⁴ Nunguari ku ingui ngu ungura o ndjambi ka I jandjeua otja o tjari kuje, nunguari otja o ndjo. ⁵ Nunguari ku ingui ngu ha ungura, nunguari a itavere mu ingui nu sembamisa imba mbe hina Mukuru, o ngamburiro je I varua otja o usemba. ⁶ Otja David uina tji ma hungire o hunga no uningandu uo mundu Mukuru Ke vara o usemba pendje no viungura, ⁷ A matja, Ovaningandu imba mbe jesirua o zongatukiro zao, vo mauve nge vandekua. ⁸ O muningandu o mundu Muhona Ke ha varere o uvi. ⁹ Tjii o uningandu mbui u ja ko masukarero uriri, poo uina na kombanda uo mahasukarero? Orondu matu tja o ngamburiro ja varua otja o usemba ku Abraham. ¹⁰ Nu nambano ojo ja varua vi? Eje tjari mo masukarero po ngunda aeri mo mahasukarero. Ka a ri mo masukarero nunguari uari mo mahasukarero. ¹¹ Nu eje ua jakura o tjisanekero tjo masukarero otja o uhatoi uo usemba uo ngamburiro ndjari najo ngunda ae hi ja sukara: kutja a rire ihe ja imba avehe mbu mave itavere, nangarire kave sukarere; kutja o usemba u varerue kuvo uina; ¹² Na ihe uo masukarero ku imba mbe ri o vo masukarero poruao, nunguari uina mbe kaenda mo zondambo zo ngamburiro tate Abraham ma kaendere, ngunda ae ri o uo mahasukarero. ¹³ Orongu o makuizikiro uo kutja eje ma rire o murumate ueta rouje, ka je jandjerue ku Abraham, poo ko ndui je, mena ro Veta, nunguari jari mena ro ngamburiro. ¹⁴ Orondu imba mbe ri o vo Veta tjiva rire o varumate, o ngamburiro tjandje jar ire o mungandjo, no makuizikiro aje rire tjo; ¹⁵ Orondu o Veta I jeta o mazenge: orondu apehe pup e hina veta kapena makatukiro. ¹⁶ Motjimbe tja nai atjihe otji tjiri o tjo ngamburiro, kutja tji kare otja ko tjari, kutja o makuizikiro je zikamisirue o ndui aihe; ku ku heri ku indji ndjiri o jo Veta poruajo, nunguari uina ku indji ndjiri o jo ngamburiro ja Abraham; nguri tate uetu atuhe, ¹⁷ ( Otja tji pa tjangua, Mbe ku ungura ihe jo viuana o vingi,) po murungu ua Ingui eje ma itavera, Mukuru, ngu pendura o vati, ngu isana o vina mbi heri po tjimuna opu viri. ¹⁸ Ngua karere no maundjiro pona pupe hari ne zeva ro maundjiro, kutja me je ku rira ihe jo viuana o vingi,otja ku itji tji tja hungirua, Ondui joje otji mai je ku kara nai. ¹⁹ Nu noku hina ku ngundipara mo ngamburiro, eje ke rikendere no rutu o ruo ndua kokee hapo, eje tjari mangara no zombura esere, poo nondiro jo tjikuatero tja Sarah. ²⁰ Eje ka teraterere ko mo makuizikiro ua Mukuru mena ro ku ivaiva; nu nguari ua kara no masa mo ngamburiro ama jandja o ujere ku Mukuru; ²¹ Ae no mazikameno oku ura uo kutja, itji Eje tja kuizika Ma jenene oku tji tjita uina. ²² Nu itji otji tja varerua kuje otja o usemba. ²³ Nambano itji katji tjangererue eje erike, kutja pa varerua ku je, ²⁴ Nunguari ku ete uina ku ma tji je ku varerua, indi ete tji tua itavere mu Je ingui ngua pendura Jesu, o Muhona uetu mo vakoke; ²⁵ Ngua jandjerua o mauve uetu na pendurirua o masembamisiro uetu.