¹ Nu nambano, o Mujuuta mangara mu tjike? Poo o masukarero jena o mbatero ja tjike? ² Tjinene mo zondjira azehe! Rutenga, tjiri, o mena rokutja kuvo kua janderue o Mambo ua Mukuru. ³ Mena ra tjike indi tjiva vao tji ve ha itaverere? Oku hina ku itavera kuao maku tjiti kutja o ngamburiro ja Mukuru I rire o mungandjo are? ⁴ Mukuru a jandjere. Nunguari Mukuru nga rire o munauatjiri, nu o mundu auhe arire o munavizeze; otja tji pa tjangua, Kutja o mambo uo Je je sembamisiue nu U tone tji Mo pangurua. ⁵ Nunguari o uhasemba uetu tji mau jerisa o usemba ua Mukuru, ete nga tu the vi? Kutja Mukuru o muhasemba the tuako o mazenge? ( Me hungire otjo mundu). ⁶ Mukuru a jandjere! Orondu nambano Mukuru itja pangura vi o uje? ⁷ Nunguari imbui o uatjiri ua Mukuru tji mau urisirua ko murungu ko ujere Ue mo tjizeze tjandje, onguae ami ngunda tji me pangurua otjo munauvi? ⁸ Nu tji pe heri, (otja tji tu kumininua posio, nu otja tjiva tji ve tja ete tu tja), Ngatu tjite o vina o vivi kutja o uua ujere po? O mbanguriro ja imba o semba. ⁹ Nambano o kutja vi? Tu ngara puvo? Kako kaparukaze. Orondu ete tua raisa komeho kutja o Vajuuta no vo Viuana avehe ve ri kehi jo uvi. ¹⁰ Otja tji pa tjangua, Kapena umue o musemba, kako, nangarire umue. ¹⁰ Otja tji pa tjangua. "Kapena umue omusemba, kako, nangarire umue; ¹¹ Kapena umue ngu pangununa, kapena umue ngu paha Mukuru. ¹² Avehe va pita mo ndjira, avehe kumue va rira o vehinandengu; kapena umue ngu tjita ouua, kako, nangarire umue." ¹³ O miriu viao o maendo nge ri kamuaha, no maraca uao ovo va tjita o matiku, o uzuuo uo zonjoka uri kehi jo mina viao; ¹⁴ Ovinjo viao vie ura o masengiro no uzuuo uo mapindi; ¹⁵ "O zombaze zao ze hakahana oku tirahi o mbindu; ¹⁶ O manjoneno no ndjenda viri mo zondjira zao; ¹⁷ No ndjira jo hange ovo ka ve i tjivirue." ¹⁸ "Kapena ndira ja Mukuru po murungu uo meho uao." ¹⁹ Nambano matu tjiua kutja o vina avihe mbi hungirua i jo Veta, i vi hungira ku imba mberi kehi jo Veta: kutja o tjinjo atjihe tji patue, no kutja o uje auhe u varue o unandjo po murungu ua Mukuru, ²⁰ Orondu kapena njama ndji mai sembamisiua ijo vitjitua vio Veta mo meho Ue, orondu o Veta I jeta o ndjiviro jo uvi. ²¹ Nu nambano o usemba ua Mukuru mbua hatoirua ijo Veta no vaprofete, ua vandururua noku hina Veta, ²² O kutja imbui o usemba ua Mukuru mbu ja mena ro ngamburiro mu Jesu Kriste ku avehe na kombanda ja imba avehe mbe itavera. Orondu kapena hani: ^{24 23} Orondu avehe va tjita katuka, nave humburuka no ujere ua Mukuru, Nu ve sembamisiua uriri mo tjari Tje mena ro marandururiro ngeri mu Kriste Jesu; ²⁵ Mukuru ngua zika ko murungu otjo tjisuta mo ngamburiro kena Re, oku raisa o usemba Ue mo ndjesiro jo mauve nga tjitirue rukuru, mo ndaro o rure ja Mukurru. ²⁶ Oku raisa o usemba Ue mo ruveze ndui: Kutja Eje a rire o musemba, no musembamise ua ingui ngu no ngamburiro mu Jesu. ²⁷ Nu nambano o merihiviro je ri pi? Ja konderua pendje. Mena ro Veta? Kako, nunguari mena ro veta jo ngamburiro. ²⁸ Nu nambano otji matu mana nai, kutja o mundu u sembamisiuaijo ngamburiro pendje no vitjitua vio Veta. ²⁹ Poo Eje o Mukuru uo Vajuuta poruao? Eje ka Mukuru ua imba o vo Viuana uina? Ii o ua imba ovo Viuana uina: ³⁰ Orondu o Mukuru umue ngu sembamisa o masukarisiro mena ro ngamburiro no mahasukarero mena ro ngamburiro. ³¹ Tjii nambano matu ungura o Veta o mungandjo mena ro ngamburiro? Mukuru a jandjere! Nunguari matu zikamisa o Veta.