⁵ Ja̧u̧nö̧ o'comenä Absalón päi'ö: " jitämä Husai Arquita ttö̧ja̧'i̧sa̧rö̧'i̧nä̧ ja̧hua̧nö̧tä̧ huop, ja̧hua̧nö̧ ja̧'a̧nä̧ mä̧cuä̧ a̧ju̧cuä̧tu̧cui̧ ja̧u̧tä̧ pa'anä." ⁶ Husai Absalón ö̧jo̧mȩ i̧rȩbȩhui̧'o̧mȩnä̧, Absalónmä Ahitofel päi'nö jinö räopö icu jiähuinö ja̧u̧ru̧ ja̧hua̧nö̧ ja̧ji̧ o'ca'a Husaimä̧ jäepö a̧jucui̧nö: ¿ Ahitofel päjimä jetöa̧'nö̧ ja̧'a̧ tä̧ji̧ ujutumä? Ä̧ pä'ätijä Ä̧ Päocotöjä, ucutä jiahui. ⁷ Ja̧hua̧nö̧ ja̧'a̧ Husai Absalónrö päi'nö: piyemä adihuoca'a Ahitofel huene iyäjimä. ⁸ Ja̧'hua̧ta̧'a̧nö̧ cue'ächö jȩpä̧tö̧jä̧ pi̧jä̧ ttö̧ja̧ jȩtö̧tä̧ cu̧ru̧hua̧ Dios rä'epö icuinäu̧ kä̧nö̧ Israel ttö̧ja̧ ttä'ca jo̧mȩ, ja̧'hua̧ta̧nö̧ jȩpi̧nä̧tö̧ Israel ruhuotömä. ⁹ Israel ttö̧ja̧ ja̧'hua̧nö̧ jȩpi̧nä̧tö̧ yä̧huä̧i̧nä̧... Tu̧ru̧hua̧ Diosrö pä̧huä̧rö̧jo̧co̧mȩnä̧ ja̧u̧mä̧ adihuoca'a ji̧na̧'a̧. Juhua'attömä aditinätö̧ jitörötä pä̧huä̧rö̧jo̧mȩnä̧ ötahuiyä o'cajuiyönä odehuiyä ju'toju ode, ja̧'hua̧ta̧nö̧ ju'toju isode kä̧nö̧ to̧ä̧rä̧cuä̧huo̧mȩ jubö päi'önä ja̧'hua̧ta̧nö̧ 'quiyönä adicuome jubö. ¹⁰ Jahuätömä ja̧'hua̧ta̧nö̧ jȩpi̧nä̧tö̧ inä o'quittö o'ca jö̧nä̧ korotö ttö̧ä̧nä̧huo̧tö̧ jö̧nä̧ huotörö muö'quiyu ju'toju jö̧ o̧dö̧nä̧ ja̧'hua̧ta̧nö̧ dauhuiyä jicunä kada'ca jo̧mȩ. ¹¹ Juorö jahuätömä kuhui'änätö̧ a̧mȩu̧ o'cajuiyönä ju'toju jö̧ o̧dö̧nä̧ muö'quiyu, ja̧'hua̧nö̧ jȩpi̧nä̧tö̧ pi̧jä̧ ttö̧ja̧mä̧, jahuätömä ttu̧ru̧hua̧mä̧ ȩpi̧nä̧u̧ ttä'canä jitötä. Israelitamä jȩpi̧nä̧tö̧ suroju tu̧ru̧hua̧ ö̧ra̧huä̧ra̧tö̧ pä'ö. ¹² Jahuätömä ucuotinätö̧ korotö ttö̧ä̧nä̧huo̧tö̧rö̧, ja̧'hua̧nö̧ ja̧'a̧ Tu̧ru̧hua̧mä̧ pä̧i̧nä̧u̧ ja̧'a̧, ja̧'hua̧nö̧ jö̧mä̧ jȩ'cuä̧tu̧cuó." ¹⁵ Ja̧u̧nu o'ca'a Husai pä'inö̧ Diottö'inä̧ ttö̧ja̧ttö̧'inä̧ ä̧dicuä isotörö Sadoc ja̧hua̧ta̧'a̧nö̧ Abiatatar'rö'inä̧: "Ahitofel ro̧'ȩpö̧ ji'ähuinö̧ Absalónrö̧ ja̧hua̧ta̧'a̧nö̧ Israelttö ucuo ttö̧ja̧ jitähuinö̧ jinö̧tä̧, ja̧hua̧nö̧ ja̧'a̧nä̧ ttömä̧ ji̧yȩtȩ jȩcu̧'ä̧tucua̧ pä'ösä. ¹⁶ Ja̧hua̧nö̧ ja̧'a̧ttö̧ jitämä̧, o'capäi'önä̧ 'chä̧hui̧ö̧ ji'ähuäjätuhui David'rö; jiähuätucui ja̧u̧ru̧, pi̧yȩ yodo Arabá rȩjȩnä̧mä̧ ä'öjuiya, o'capäi'önä̧ aje kätäcucuirö, ja̧hua̧nö̧ jö̧ juiyöttömä̧ ru̧hua̧mä̧ u̧mu̧huäyotucutä toeö'anö̧ ja̧'a̧." ¹⁷ Jitämä̧ Jonatán ja̧hua̧ta̧'a̧nö̧ Ahimaasmä̧ ka̧cui̧nä̧tö̧ Rogel aje i̧sä̧rä̧nä̧. Yajute huettö aditäju rä'opu ji'äu 'chi̧nä̧ju̧ jahuätörö jitörötä recuärö̧jö̧ ttu̧huo̧hua̧ pä'ö, jahuätömä̧ korotö tottöjuiyönä̧ dottächa pä,ö ji̧na̧'a̧ ötahuiyära̧'a̧cu̧mä̧. Ja̧hua̧nö̧ ja̧'a̧ huȩnȩ rä̧bȩhuo̧mȩnä̧, jahuätömä̧ tti̧cha̧ pä'ö ji̧na̧'a̧ ru̧hua̧ David'rö ji'äu. ¹⁸ Ja̧hua̧nö̧ ja̧'a̧nä̧ ya̧tȩ muä̧ya̧ to̧i̧nä̧u̧ ja̧hua̧nö̧ topäji̧'ca̧ ji'ähuinö̧ Absalónrö̧. Ja̧hua̧nö̧ jo̧menä̧ Jonatán ja̧hua̧ta'anö̧ Ahimaasmä̧ o'capäi'önä̧ rä'opächö 'chi̧nä̧tö̧ ja̧hua̧nö̧ 'chä̧nö̧ rä̧bȩhui̧nä̧tö̧ ya̧tȩ Bahurimnä̧ kö̧ ojusodenä̧ ja̧u̧ ojusode u̧mimä̧ ku̧nrinö̧ jijute reju, jahuäju jacuä mejä̧u̧ dajahuächinä̧tö̧. ¹⁹ Ja̧u̧ ttö̧ja̧sa̧ irecuamä reju möecuäbi ȩmi̧nä̧ju̧ ja̧'hua̧nö̧ ȩmö̧ rȩju̧mä̧ mö̧'ȩpi̧nä̧ju̧, mö̧'ȩpä̧'coju mö̧ȩcuäbi huä̧mȩ u̧huä̧ju̧ ote riripinäju̧. Ja̧'hua̧nö̧ ja̧'a̧ttö̧ ya̧tȩ'i̧nä̧ jerupinö Jonatánmä ja̧'hua̧ta̧'a̧nö̧ Ahimaasmä̧ reju jacuä pȩjä̧tö̧ pä'ömä. ²⁰ Absalón ahuaruhuämä isaju isodenä kö̧ja̧'a̧ ichi'ä'cotö pä'inätö̧: ¿To ö̧jä̧ttö̧ Jonatánmä ja̧'hua̧ta̧'a̧nö̧ Ahimaasmä̧? Isajumä jahuätörö pä'inäju̧: Jahuätömä aje ji̧jä̧cu̧ kähuächäjätö." Ja̧'hua̧nö̧ ja̧'a̧ jahuätö tto'ca'anä 'chä̧nö̧ ttusa'anä ttu̧'o̧cui̧'ö̧ juiyönä jä̧u̧mä̧, Jerusalén ötahuiyära̧'a̧cu̧tä̧ ppa̧'ä̧chi̧nä̧tö̧. ²¹ Jahuätö ppa̧ttä̧chä̧chä̧ji̧ o'ca'a Jonatánmä ja̧'hua̧ta̧'a̧nö̧ Ahimaasmä̧ rejuttö umicu̧ rättopa pä'ö 'cha'achinätö̧. Jahuätömä ru̧hua̧ Davidrö ji'äu 'chi̧nä̧tö̧; 'chä̧hui̧'ö̧mä̧ pättinäcu̧: Ä̧rä̧mi̧'ö̧ jurunä aje ji̧jä̧cu̧ kähuächi isopäi'önä ucu cutö'cömä Ahitofel ro̧'ȩpö̧ jiähuäjita'anö ja̧'a̧. ²² Ja̧'hua̧nö̧ jä̧ji̧ o'ca'a Davidmä ä̧rä̧mä̧chö̧ ja̧'hua̧ta̧'a̧nö̧ o'catoi'önä chutäcu ka̧cuä̧tö̧'i̧nä̧ Jordán aje ji̧jä̧cu̧ kähuächinä̧tö̧. Mo̧ro̧ juoa'amä yotucu pönä Jordán aje ji̧jä̧cu̧ ttöjähuächa'atä ji̧na̧'a̧. ²³ Ahitofelmä̧ täbotö jiähuä'ijö ta'anö̧ jȩtto̧ca̧'a̧ jä̧ji̧yä̧cu̧, burronä̧ huä̧cuä̧huäcä huä̧nipö̧ huä̧mä̧dö̧ 'chi̧nö̧. Ja̧u̧mä̧ 'chi̧nö̧ ojusodera̧'a̧ chutä idepiyura̧'a̧cu̧, amucuädajimä̧ jo̧menö̧ pojocu ku̧ninö̧ ja̧hua̧nö̧ jȩpö̧ a̧monä̧tä̧ ti̧ä̧dä̧cuä̧u̧ icuinö̧. Ja̧hua̧nö̧tä̧ 'corujuo'ächinö̧ ja̧u̧mä̧ tturu tticuinä̧cu̧ jä'o minä̧rö̧ tturu tticuinometä̧. ²⁴ Ja̧u̧nu o'ca'a Davidmä̧ ichinö̧ Mahanaimra̧'a̧cu̧. Ja̧hua̧nö̧ ja̧'a̧nä̧ Absalónmä̧, kähuächinö̧ Jordan aje, ja̧u̧cu̧mä̧ o'catoi'önä̧ Israel ttö̧ja̧'inä̧ kähuächinä̧tö̧. ²⁵ Absalónmä̧ Joab'rö su̧ro̧do̧u̧ ttu̧ru̧hua̧ päi'önä̧ u̧ju̧noca̧'a̧ Amasarö kuninö̧ ji̧na̧'a̧. Amasamä̧ Itra israel ttöjasaju ki̧tti̧ ji̧na̧'a̧, ja̧u̧mä̧ ä'inö̧ ji̧na̧'a̧ Abigailcu, jahuäjumä̧ Nahas kittiju ji̧nä̧'a̧ Sarviatä kijähuaju, Joabtä ja̧ju̧. ²⁶ Ja̧hua̧ta̧'a̧nö̧ Israel ttö̧ja̧ Absalón'inä̧ ka̧cuä̧minä̧tö̧ Galaad rȩjȩnä̧tä̧. ²⁷ Ja̧'hua̧nö̧ ja̧'a̧ David Mahanaim ötahuiyänä i̧rȩbȩhui̧'ä̧ja̧'a̧ amonitas ttidepiyu rabá ttö̧ja̧sa̧ Nahas i̧tti̧ Sobi'inä ja̧'hua̧ta̧'a̧nö̧ Lodebarnä̧ kö̧ Amiel i̧tti̧ Maquir'inä ja̧'hua̧nö̧ jö̧ta'anö Galaadita ttidepiyunä kö̧ Rogelimnä'i̧nä̧mä̧, ²⁸ i'cächinätö̧; a'ähuä̧ppä̧'i̧nä̧, sahuana'cua'inä, o̧'ta̧hui̧yä̧'inä, redä'cattö adicuä o̧'ta̧'i̧nä̧, trigo'inä, cebada u̧huä̧ju̧ a̧ppȩ'inä, dahuähuä ote'inä, frijol ote'inä, jȩru̧huä̧'inä, ²⁹ maya'inä, i̧sa̧ ö̧ä̧dȩhua'inä, ovejastö̧rö̧'i̧nä̧ ja̧'hua̧ta̧'a̧nö̧ ateja isähua'inä, David'inä ucua'anä ja̧u̧tä̧cu̧ ka̧cuä̧tö̧'i̧nä̧ ttucua pä'ö. Pitö umätö̧mä̧ jittähuäja'a ji̧na̧'a̧: "Ttö̧ja̧mä̧ ppäi ttu'ätö, jiyupächätö ja̧'hua̧ta̧'a̧nö̧ de'a jui̧yä̧jä̧nä̧ ttö̧ja̧cua̧'a̧ ttahua a̧di̧ri̧jä̧u̧.