¹ Pi̧yȩ 'cuäopäji o'ca'a Absalónmä cabayu̧tö̧ dottäcä carucä'i̧nä̧ churutä tta̧'ä̧rä̧tö̧ 50nö̧ huotö u̧mä̧tö̧ ä'ca jottäcuotörö'i̧nä̧ jo̧mȩnö̧ jȩpö̧ ku̧ni̧nö̧. ² Absalónmä ji̧nä̧ yo̧ä̧i̧nä̧nö̧ jä̧i̧ porächi'enö ja̧'hua̧nö̧ porächömä ötahuiyära̧'a̧ doächäcuähuomecu̧ rä̧mä̧ mänä jäyä ki̧'ä̧nö̧. Ya̧tȩ huȩnȩ ku̧nä̧rö̧ ru̧hua̧ adihuomenä ppädaru pä'ö ichörö, Absalónmä huopo'ö pä'i'enö: ¿Ti̧yȩ ötahuiyättö cuichäjättö̧? pä'ö jäepäcu: Ucu cumöhuäya̧mö̧ Israel ttö̧ja̧ ttahuaruhuä 'cotöttö ya̧tȩ ja̧'a̧? pä'ö ädätörömä. ³ Ja̧'hua̧nö̧ ja̧'a̧ Absalónmä ja̧u̧rö̧ pä'i'änö: "Topittö ucuru huȩnȩ jö̧mä̧ adiu ja̧'a̧, ja̧'hua̧nö̧ ja̧'a̧nä̧ ya̧tȩ'i̧nä̧ toa'a ru̧hua̧ ruhuo iyinäcu̧ ucuru huȩnȩ jö̧ ä̧ju̧cu̧'a̧nö̧ hua̧mä̧. ⁴ Absalónmä yabonö pä'inö: "Ttörö pi̧jä̧ttö̧ röji pähuä i̧sa̧ jö̧nä̧ chönä̧ ttötattö pä̧huä̧rö̧jä̧cu̧sä̧ yotucu pönä huȩnȩ ku̧nä̧rä̧tö̧ ttö chö̧ja̧'a̧cu̧ ttichomenä adihuomenä jȩpö̧ ppädäcua'anö. ⁵ Ja̧'hua̧nö̧ ji̧na̧'a̧ Absalón ö̧jo̧mȩ tti̧'cho̧mȩnä̧ ttesehuarö pä'ö, ja̧u̧mä̧ u̧mö̧ ki̧'ä̧dö̧ 'chu'ädö ja̧'hua̧ta̧'a̧nö̧ 'chu̧'o̧pi̧nö̧. ⁶ Absalónmä̧ ja̧'hua̧nö̧tä̧ jȩpi̧nö̧ o'catoi'önärö̧ Israel ttö̧ja̧ chutä ö̧jo̧mȩ ichätörö ru̧hua̧ ä'ca jo̧mȩ jitörötä surojö jȩpö̧ ppädatö pä'ö ja̧'hua̧nö̧ ja̧'a̧ttö̧ Absalónmä̧ Israel ttö̧ja̧ umätö̧'i̧nä̧ o'catoi'önä repettinäcu̧. ⁷ Ja̧'hua̧nö̧ ji̧na̧'a̧ juhua'a yabocu pa̧ja̧cuä̧nö̧ a̧'ȩ jo̧mȩnä̧ Absalónmä̧ pä'inö ru̧hua̧rö̧: Ppä'ädipö hue'ittö chi̧'cha̧ mitäu ttö pädinö tu̧ru̧hua̧rö̧ Hebrónttö̧. ⁸ Ja̧'hua̧nö̧ ja̧'a̧ cu̧mö̧huä̧ya̧mä̧ jȩpi̧nö̧sä̧ jȩchä̧cua̧sä̧ pä'ö Gesur chu̧ji̧nö̧ pä̧nä̧ Aramnä pä'ö "Isopäi'önä tu̧ru̧hua̧ päjita'anö ttömä chucuotäcua̧sä̧ chu̧ru̧hua̧rö̧." ⁹ Ja̧'hua̧nö̧ ja̧'a̧ ru̧hua̧mä̧ ja̧u̧rö̧ pä'inö: "Huȩnȩmä̧ juiyönätä̧ täi" Ja̧'hua̧nö̧ päcu Absalónmä ä̧rä̧mä̧chö̧ hebrón ötahuiyära̧'a̧ 'chi̧nö̧. ¹⁰ Ja̧'hua̧nö̧ ja̧'a̧nä̧ ja̧u̧nu̧ o'ca'a Absalónmä usähuäcuähuä ttö̧ja̧rö̧ hue'inö Israel ttö̧ja̧ ttahuaruhuä 'cotö o'catoi'önä̧mä̧ pa̧'a̧nö̧ pättaja̧: "Trompeta rä̧mi̧pa̧'a̧ ttä̧ju̧cuta̧'a̧nö̧, Absalónmä Hebrón ötahuiyä ru̧hua̧ ja̧'a̧ jö̧nä̧." ¹¹ Ä̧tȩpi̧nä̧u̧ Jerusalén ötahuiyättö kä̧mä̧dö̧ Absalóncu 'chi̧nä̧tö̧mä̧ 200nö̧ ttö̧ja̧ jo̧mȩnä̧ ji̧na̧'a̧. Jahuätömä Absalón jȩä̧cuȩ amöcuädö ö̧jö̧nä̧ji̧mä̧ yoriso ttieruhua'anä 'chi̧nä̧tö̧. ¹² Absalónmä isotörö ku icu iyö kä̧nö̧, Ahitofel chutä idepiyö Gilo pä'ö micuome kö̧rö̧ ottäjiyarö pä'ö hue'inö. Ja̧u̧mä̧ Davidrö ro̧'ȩpä̧rö̧ jiähuäcuähuäcuä ttö̧ja̧sa̧ ji̧na̧'a̧. Absalón to'ija̧'a̧cu̧ amöcuädö jȩö̧mä̧ ujuru iyinä̧cu̧, ja̧'hua̧nö̧ jo̧mȩnä̧ ttö̧ja̧ Absalón o'ca'anä 'chä̧tö̧mä̧ yabonö rö̧'ä̧chi̧nä̧tö̧. ¹³ Ya̧tȩ huȩnȩ jiäcuähuä i̧sa̧ David ö̧jo̧me 'chä̧hui̧ö̧ pä'inö̧: "Israel ttö̧ja̧mä̧ Absalón hueötä jȩpö̧ o'ca'anä̧ 'chä̧tö̧." ¹⁴ Ja̧hua̧nö̧ ji̧yä̧cu̧ Davidmä̧ pä'inö̧ u̧mu̧huäyottö chutäcu Jerusalenra̧'a̧ ka̧cuä̧tö̧rö̧: "Ä̧rä̧mä̧tu̧cui̧ tötipächätucua tö̧ji̧piya̧'a̧nö̧ ja̧'a̧ Absalón u̧mu̧huäyotöttömä̧. O'capäi'önä̧ tötipächa pä'ätucui ja̧hua̧nö̧ jö̧ juiyöttömä̧ ä'canä̧ tto'epö, ujuturu surojötä i'chächö'anö̧ ja̧'a̧ ja̧hua̧ta̧'a̧nö̧ ötahuiyä ttö̧ja̧rö̧ ttucjrä'chunä̧ tatapö tticuäcuotö." ¹⁵ Ru̧hua̧ u̧mu̧huäyotömä̧ pä'inä̧tö̧: "Topi, cu̧mu̧huäyottömä̧ jo̧menö̧ ka̧cuä̧tö̧ tu̧ru̧hua̧ ru̧hua̧ hueöta'anö jȩtta̧ pä'ö." ¹⁶ Ru̧hua̧mä̧ i̧hui̧nö̧ chutä ahuaruhuäcutä ja̧u̧ o'ca'anä̧ ja̧hua̧nö̧ ja̧'a̧nä̧ to̧murȩnö̧ nä̧tö̧rö̧ a̧monä̧ i̧rȩcua̧mö̧rö̧ ku̧nipi̧nö̧ ruhuode tta̧ttä̧riya̧rö̧ pä'ö. ¹⁷ Ru̧hua̧ räopäjí o'ca'a ja̧hua̧ta̧'a̧nö̧ o'catio'önä̧ 'chi̧nä̧tö̧ ja̧u̧ o'ca'anä̧ ka̧cuä̧minä̧tö̧ röji huode isodenä̧. ¹⁸ O'catoi'önä̧ u̧mu̧huäyotö su̧ro̧do̧u̧'inä̧ 'chi̧nä̧tö̧ ja̧u̧cu̧ cereteo'inä̧ peleteo'inä̧ ja̧hua̧ta̧'a̧nö geteo'inä̧ o'catoi'önä̧mä̧ ji̧na̧'a̧- seicientonö̧ u̧mä̧tö̧ jahuätömä̧ 'chi̧nä̧tö̧ Gat'ttö kä̧mä̧dö̧. ²⁴ Sadoc i̧nä̧ ppä'ächiö ki̧nö̧ Levitatö o'catoinä̧cu̧ DIOS esehuinö ȩjo̧ca̧ ttȩpo̧mé.Jahuätömä juoca̧ mȩyȩdi̧nä̧tö Abiatar öjo̧mȩcu̧ ja̧u̧i̧nä ppä'ächi'inö.Jahuätömä tta̧'a̧ri̧ntö ötahuiyä ttö̧ja̧ o'catoi'inä̧ rättopä̧chomȩjobu. ²⁵ Ucuo ru̧hua̧ päinö Sadocrö: " ppa̧'a̧dö̧ ȩpu̧ täí ötahuiyärä'cutä DIOS esecu öjo̧ca̧. TÖÄNA̧HUA̧ rétopu ppädöttömä̧ pä'äjita'a̧nö hui'cächajá juo'onöta̧ hui̧jȩpa̧ttö̧já̧ ja̧u̧ öjo̧ca̧mä pä'äjita'anömä. ²⁶ Ja̧u̧ pa̧'a̧nö päötömä̧: "Ttömä̧ ucurumä esehuo'cösä, jahua'anö jö̧tö̧mä,pȩnȩtä̧ kö̧sä̧ ja̧u̧ru̧ pä̧cuä̧rö̧jo̧mȩnätä̧ jȩa̧ttö̧ päö ." ²⁷ Ucuo ru̧hua̧ päinö Sadocrö DIOSTÖINÄ ttöjä̧i̧nä̧ 'cä'co päteö adicuä i̧sa̧ : "¿ucumä'cö̧ ta̧jí DIOS päö jiähuähuä i̧sa̧mä̧ ? Tu̧huȩcuä̧nä̧tä̧ ppä̧'a̧chȩtu̧cui̧ cutahuiyära'acumä cui̧tti̧mu̧tu̧cu ta̧ju̧nu̧cu̧mä. Ahimaas ucu hui̧tti̧ Jonatán Abiatar i̧tti̧ huottöcumä. ²⁸ Ä̧ju̧cuä̧tu̧cui̧ tömä̧ tta̧da̧ra̧cua̧sä̧ Arabá aje jo̧jä̧ 'cuäocuomȩtä̧ ucutätä huȩnȩ jiäu cuichamȩjobu päiönä̧ . ²⁹ Ja̧hua̧'a̧nö ja̧'a̧tö̧ Sadoc'inä Abiatar'inä̧ DIOS esecu öjo̧ca̧ ȩpu̧ ppa̧'a̧di̧nä̧tö̧ Jerusalénra̧'a̧cu̧ jahuatöi̧nä̧ jahua'atä ko̧hui̧pi̧nä̧tö. ³⁰ Jahuanö ja̧'a̧ David ö̧jä̧pu̧ isäya jui'a̧tä̧ huä̧mi̧pi̧nö̧ a̧ja̧huä̧yä̧ Olivo Muä'cara̧'a̧ ja̧hua̧ta̧'a̧nö̧ u nämä juäocua'a. Yä̧cu̧pu̧nä̧ ötahuiyätö u̧mä̧tö̧ chutäcu kä̧i̧jä̧tö̧'i̧nä̧ ttu nämä juhuä'ocuinätö̧ ja̧hua̧ta̧'a̧nö̧ jahuätömä ajahuäyotö huämipinätö̧. ³¹ Ya̧tȩ pä'inö Davidrö: "Ahitofel'inä Absalón'inä suropätucu ka̧cui̧nä̧tö̧do." Jahuanö ja̧'a̧ David Diosrö ucuocuinädo: "Oh CHU̧RU̧HUA̧, ppä'ädittö Ahitofel jiäumä micuähuocötä jö̧nä̧. ³² David ichi'omenä 'cuäopina'a koromecuínä meo̧pä̧rö̧nä̧, juhuorö ihueye juhuoinätö̧ Dioserö ucuo teäcuähuä, ja̧u̧mä̧ rä'opächinö Husairö ö̧'o̧cui̧'a̧ pä'ö, Arquitas ahuaruhuä o'cotörö, ö̧'ca̧tä̧huä̧ta̧ otoä'pi ja̧'hua̧ta̧'a̧nö̧ unämä vredähuatä huinö. ³³ David päinäcu̧: Ttöcu cuichöttömä, ttörömä rö̧ä̧'i̧nä̧ amäcächi'äcusä. ³⁴ Pä'äjita'anö ötahuiyära̧'a̧ ppa̧huä̧chö̧ttö̧mä̧ ja̧'hua̧ta̧'a̧nö̧ jicuähuaröjä̧ Absalónmä: Ttö ucuo ru̧hua̧, ttömä ucuru ppädä̧rä̧cuä̧huä̧ i̧sa̧ jö̧nä̧tä̧ ucu cuä'omö täbocu ö̧ji̧nö̧'a̧nö̧, ja̧'hua̧ta̧'a̧nö̧ jitämä ttö oco huedö jȩä̧cuä̧huä̧ i̧sa̧tä̧ hua̧sä̧; ja̧'hua̧nö̧ ja̧'a̧ttö̧ ttieruhuäcuotö Ahitofel ttörö huȩnȩ jiähua'a. ³⁵ ¿Ttö̧ä̧nä̧hua̧ttö̧'i̧nä̧ ttö̧ja̧ttö̧'i̧nä̧ kä'co päte'ö adicuä ttö̧ja̧ Sadoc'i̧nä̧ Abiatar'i̧nä̧mä̧ ucucumä ko̧jo̧tö̧? ja̧'hua̧nö̧ ja̧'a̧ttö̧ ji̧yȩtȩ huȩnȩ ru̧hua̧ ojusodettö cuä̧ju̧cu̧mä̧ ttö̧ä̧nä̧hua̧ttö̧'i̧nä̧ ttö̧ja̧ttö̧'i̧nä̧ kä'co päte'ö adicuä ttö̧ja̧ Sadocrö'i̧nä̧ ja̧'hua̧ta̧'a̧nö̧ Abiatarö'i̧nä̧ jicuähua pä'ö ja̧'a̧, ³⁶ Topittö, juätömä tti̧tti̧mö̧ ta̧ju̧mä̧ jitötäcu ka̧cuä̧tö̧, Sadoc i̧tti̧mä̧ Ahimaas ja̧'a̧ ja̧'hua̧ta̧'a̧nö̧ Abiatar i̧tti̧mä̧ Jonatán ja̧'a̧. Ucu cuä̧ju̧cu̧mä o'cajuiyönä jahuätönä̧tä̧ huecuattöjä̧. ³⁷ Ja̧'hua̧nö̧ ja̧'a̧ttö̧ David a̧hua̧ru̧hua̧ Husaimä ötahuiyära̧'a̧cu̧ i̧rȩbȩhui̧a̧'a̧nä̧, Absalón'i̧nä̧ rȩbȩhui̧pö̧ Jerusalén ötahuiyäcu do'ächi̧nö̧.