⁷ Ja̧hua̧nö̧ ja̧'a̧nä̧ jitämä̧ o'catoi'önä̧ ji̧nä̧ yotöte isotömä̧ cumuhuäyajurumä̧ kö'cojui'ö pa̧'a̧nö̧ pä'ätö: Iyitö ja̧u̧ ttö̧ja̧sa̧rö̧ ucu cui̧jä̧hua̧rö̧ cuäcuäpäjirö ujututä cuä'ö ro̧tȩpa̧rö̧ a̧'cua̧rö̧nä̧tä̧ imitähua ucu hui̧jä̧hua̧ cuä'ö icuäjita'anö̧. Ja̧hua̧nö̧ jȩpö̧tä̧ si'epö tticua pä'ättö jua'a yabocu jahuätörö 'chö̧juiyönä̧. Ja̧hua̧nö̧ jȩpö̧ na̧'ȩpö̧ tticua pä'ätö ä̧ya̧ri̧sa cuoö ttörö ki̧'i̧pinö̧ ttörömä̧ ttiyipiyäcuajusä chirecuo i̧mi̧'i̧nä̧ si'epö icu ahuafuhuä o'cotörö'inä̧ pi̧jä̧ rȩjȩttö̧mä̧" ⁸ Ja̧hua̧nö̧ ja̧'a̧ttö̧ ru̧hua̧mä̧ jahuäjuru pä'inö̧: " Cuojusodera̧'a̧ täí ja̧u̧mä̧ tötä huȩdä̧cua̧sä̧ ucuru ji̧'qui̧cha̧nö̧ ppättädipa pä'ö." ⁹ Tecoa ttö̧ja̧sajumä̧ pä'inä̧ju̧ ru̧hua̧rö̧: " Chu̧ru̧hua̧ ru̧hua̧ suronä̧ jö̧mä̧ ttötä̧ micuähuajusä ja̧hua̧ta̧'a̧nö̧ chä'o ojjisode'inä̧. Ru̧hua̧mä̧ ja̧hua̧ta̧'a̧nö̧ ahuaruhuä'inä̧ surujömä̧ jui'ättö." ¹⁰ Ucuo ru̧hua̧ ädätinö: "Ucuru i̧mi̧cu̧nä̧nö̧ päörömä̧ pocu i'cächirö ja̧u̧mä̧ jua'a yabocumä pä'chiya̧cua̧. ¹¹ "Jahua'anö päcua ädätö päinä̧ju̧: " Ppä'äditö, ru̧hua̧ ÖÄ̧NA̧HUA̧TA̧ 11DIOSTÄ adiu a̧mu̧cuädönä i'cächirö pärocua'acu micuä pä'ä'chö cuäö icu juiyacua'anö ya̧tȩrö' i̧nä̧ , ja̧hua̧ta̧'a̧nö̧ta̧ chi̧tti̧rö jä̧ji̧ya̧'a̧nömä ." Ucuo ru̧hua̧ ädätinö : "Ji̧yȩtȩ päösä, TÖÄ̧NA̧HUA̧ ö̧jö̧ a̧nö̧ jö̧nä päö, cui̧tti̧mä̧ huȩnȩ juiyönä̧ ö̧jä̧cua̧. ¹² Ja'hua̧nö̧ ja̧'a̧ttö̧ isajumä päinä̧ju̧: ppä̧'ädittö chu̧ru̧hua̧ ji̧nä ji̧yȩtȩ chucuocua pääjusä ucucu. Ja̧hua̧nö päjäcu päinö: "Ucuocui." ¹³ Ja̧hua̧nö ja̧'a̧ttö jahuäjumä päinäju : "¿Tta̧'a̧nö pä'ö päcuä'ajä̧ttö Dios u̧möhuäyotörömä? Pa̧'a̧nö̧ päjomȩnä̧mä̧ ru̧hua̧ta̧ huȩnȩ hua̧ kö̧ ki̧tti̧rö̧ räepu'icu jȩi̧nä̧cu̧ru̧ isodera'acu ppa̧huä̧do̧ca̧'a̧ttö. ¹⁴ Ja̧hua̧nö ja̧'a̧ttö o'catoi'inä̧tä̧ 'coru'juotächäcuotöjä, ajiya rȩjȩ ma'ö̧ dä'ähuächa'a jä̧i̧nö'a̧nö̧ tödäpähuächacuotöjä. ja̧hua̧nö ja̧'a̧nä̧ DIOSMÄ tä̧'cua̧rö̧mä 'choipcö jä̧cua̧ pärocua'acu ja̧u̧mä po̧cui̧pö̧ jitö räepö icuähuotöro ppa̧ttä̧chi̧ya̧rö pä'ö. ¹⁵ Jahuata'anö jitämä, tocua'anä ichäji'ca̧ chu̧ru̧hua̧ ru̧hua̧rö̧mä ja̧u̧ huȩnȩ cucuocuä'cha'attö, ucuocusä ötahuiyä ttö̧jä̧ yedecui'önä tucuocua'atö. Ucu huecu jȩä̧cuä ttöja̧ i̧sa̧i̧nä jahuanätä pä'äji: Jitämä ru̧hua̧cu̧ chu̧cuo̧cuäcua̧sä̧. Jȩö̧a̧nö̧ hua̧ ru̧hua̧mä̧ huȩö jȩä̧cu̧ä'i̧sa̧ jäepumä. ¹⁶ Jahuanö jö̧tömä ruhua̧mä ttörömä ä̧ju̧cuä̧cua̧, huettö jȩä̧cuä̧i̧sa̧rö̧ iyattö ja̧u̧nö̧ o'comenä ttörö'inä chi̧tti̧mu̧rö̧'i̧nä jinä yo̧mȩtȩnä̧ cuä'ö tticuatö pä'ö, DIOS iya päinö i̧yä̧cu̧a. ¹⁷ Ja̧hua̧nö ucu cu̧mu̧huä̧yä̧mä Diosrö ucuocuinö:CHU̧RU̧HUA̧,ppä'äditö chu̧ru̧hua̧ ucuo ru̧hua̧ cui̧huȩnȩ iyitö a̧u̧cu̧nä cha̧cua̧chȩmu̧nä̧ juhua'amä yä̧tȩ DIOS huȩä̧hua̧ isoppahua̧ a̧cua̧rö̧nä̧, chu̧ru̧hua̧ ucuo ru̧hua̧ ucu'inä cuamucuädö adiu'inä surojö'inä.Curuhua̧ DIOStä ucutäcu kö̧. ¹⁸ Ja̧hua̧nö̧ ja̧'a̧tö̧ ru̧hua̧ ädätö pöinö isajuru: "ppä'äditö cuä̧ppu̧tä̧rä̧tö̧ jädepäjimä jiähuitö."Ja̧huä̧nö̧ päcua kädätinäcu̧:"Chu̧ru̧hua̧ ucuo ru̧hua̧tä̧ mäcuȩ u̧cuo̧cuä̧cua̧." ¹⁹ Ru̧hua̧ pä'inö:" ¿Joab u̧munämä ucu'inä korojuhuä'inä juiyadi̧?" Isaju ädätö päjinäcu̧:" Ji̧nä a̧dȩcua̧ öjä̧i̧mä̧, chu̧ru̧hua̧ ucuo ru̧hua̧, koromätö ya̧te'inä ieruhuiyä̧cua̧ isojö̧ huȩnȩ chu̧ru̧hua̧ ucuocuäjimä. Ucu cumuhuäya̧ Joab ttörö hueäjimä jahuata'anö pä'inö jiähuäji piyȩ huȩnȩ ucu cumuhuäyaju 'cucuocuä jimä. ²⁰ Ucu cumuhuäya̧ Joabtä ji̧na̧'a̧ ja̧hua̧nö̧ pärotinömä jitä pänä cuäopu yabocu cuäopu huiya pä'ö. ttö chu̧ru̧hua̧tä̧ huo̧juȩcu̧nä̧ hua̧mä̧, DIOS u̧mu̧huä̧yä̧ isoppa a̧cua̧rö̧nä, ja̧hua̧ta̧'a̧nö̧ huo̧ju̧hua̧ o'cajuiyönä pi̧jä̧nä̧ cuäopumä. ²¹ Ja̧'hua̧nö̧ ja̧'a̧ pä'inö ru̧hua̧mä̧ Joabrö. Jitä topi. ttö jȩchä̧cua̧sä̧ pi̧yȩ pa̧'a̧nö̧. Ja̧u̧ttö̧mä̧ täi ja̧'hua̧ta̧'a̧nö̧ ppäcuädajä̧ pä'äjita'anö ja̧u̧ mö̧ä̧ya̧ Absalónämä. ²² Ja̧'hua̧nö̧ ja̧'a̧ttö̧ Joabrmä̧ ja̧rȩyö̧ pä'i'inö i'ä rȩjȩ päi'önä ucuotö eseu u̧ru̧hua̧rö̧. Jobmä pä'inö: Jitä mo̧ro̧ ucu cumöhuä̧ya̧mä̧ huo̧jua̧sä̧ ttömä po̧cui̧pä̧ji̧sä̧ ucu cui'ä'ca jo̧mȩttö̧ ppädeda pä'ö, ttö chu̧ru̧hua̧ rey, ja̧'hua̧nö̧ ja̧'a̧ttö̧ isopäi'önä jȩpä̧ji̧sä̧ cu̧mö̧huä̧ya̧ jȩpä̧ji̧mä̧." ²³ Ja̧'hua̧nö̧ ja̧'a̧ Joabmä ä̧rä̧mi̧'ö̧ 'chi̧nö̧ Gesura̧'a̧ ja̧'hua̧nö̧ ja̧'a̧mä̧ pä'äjita'anö ppa̧'a̧di̧nö̧ Absalónrö̧ Jerusalénra̧'a̧. ²⁴ Ru̧hua̧mä̧ pä'inö: "Ja̧u̧mä̧ chutä ojusodenä ppa̧huä̧cha̧ pä'ö ja̧'a̧ ja̧'hua̧nö̧ ja̧'a̧nä̧ ttö chö'ä toa pä'ömä juiya'a" Ja̧'hua̧nö̧ ja̧'a̧ttö̧ Absalón a̧mö̧nä̧ ojusodenä rȩbȩhui̧nö̧, ja̧'hua̧nö̧ ja̧'a̧mä̧ yoriso topocö pinö ru̧hua̧ i'ämä. ²⁵ Ja̧'hua̧nö̧ ja̧'a̧ Israel ttö̧ja̧ o'catoi'önättö̧mä̧ ya̧tȩ'i̧nö̧ toina'a öadihuättö Absalónttö'inä yabonänö tteseu'anö hua̧mä̧. Ö̧jä̧pö̧ttö̧ kä̧mä̧dö̧ u jubö ji̧yȩtȩ'i̧nä̧ usurämä jui'inö. ²⁶ A̧'ȩ beipächome uhuo'che 'cuiähuomenämä, uhuo'chemä a̧mä̧cö̧nä̧ hua̧'a̧ttö̧, uhuo'chemä rö̧nö̧ topi'enö; isopäi'önä rö̧nö̧ toäcuähuänä rö̧nö̧ toomenä ö̧a̧mȩcämä 2 kilos ja̧'a̧nä̧ yabonänö jo̧mȩnä̧ a̧mä̧qui̧na̧'a̧. ²⁷ Absalón i̧tti̧mö̧mä̧ huämetucuätä ji̧na̧'a̧, isajumä yajutetä, jahuäju ki̧mi̧mä̧ Tamar pä'ö micuinäju̧. Jahuäju isajumä a̧'cua̧cui̧nä̧ju̧. ²⁸ Absalónmä̧ ru̧hua̧rö̧ tooca'amä todäre a̧'ȩ jo̧mȩnä̧ ki̧nö̧ Jerusalénämä. ²⁹ Ja̧'hua̧nö̧ ja̧'a̧ Absalónmä̧ i̧huȩnȩ hue'inö Joabrö, ru̧hua̧rö̧ toäjiyarö pä'ö, ja̧'hua̧nö̧ hueäcu ja̧'a̧nä̧ ö̧jo̧mȩcu̧ ichocö pinö Joabmä. Ja̧'hua̧nö̧ ichiyococu i̧huȩnȩmä̧ todäre päi'önä hue'inö ja̧'hua̧nö̧ hueäjäcu'inä Joabmä ichocö pinö. ³⁰ Ja̧hua̧nö̧ ja̧'a̧ttö̧ Abzalónmä̧ pä'inö̧ u̧mu̧huäyotörö, "Topätucui, Joab u̧cuä̧cuähuä kocua̧'a̧ ttö chu̧ju̧nä̧ro̧me tö'cö, ja̧u̧mä̧ ku̧nä̧rö̧ juȩnȩmä̧ pan adicuä ya̧mö̧. Jua'a 'chä̧nö̧ courä 'cu icuäjätucui." ja̧hua̧nö̧ pä̧u̧ Absalón u̧mu̧huäyotömä̧ ucurä rä̧dȩti̧nä̧tö̧ cuähuä ka̧cuo̧me. ³¹ Ja̧hua̧nö̧ ji̧yä̧cu̧ Joabmä̧ ä̧rä̧miö̧ ichinö̧ Absalón ojusodera̧'a̧cu̧ ja̧hua̧nö̧ ja̧'a̧ päinäcu̧: "¿Ta̧'a̧nö̧ pä'ö cu̧mu̧huäyotömä̧ ocurä ttö̧tä̧dȩtä̧ja̧'a̧ jä̧ttö̧ chu̧cuä̧ cuähuä kacuo̧me?" ³² Absalón ädätinö̧ Joab'rö: "Topi, ttömä̧ chi̧huȩnȩ hue'äjisä ucuru pa̧'a̧nö̧ pä'ö̧: Ichi pocu icuähuaja huedacu pa̧,a̧nö̧ päcuá: ¿ Ttömä̧ dä̧bu̧ chichäjä'attö̧ Gesurttumä̧? Ttömä̧ adihuanacusä jinä̧ jua'a chö̧jö̧ttö̧tä̧. Ja̧hua̧nö̧ ja̧'a̧ttö̧ jitämä̧, ru̧hua̧ i'ä̧ta tocha pä'ösä ja̧hua̧nö̧tä̧ isopäi'önä̧ ttöttö huȩnȩ jö̧ttö̧m chutä cuä'ö i uattö pä'ö." ³³ Ja̧hua̧nö̧ ja̧'a̧ttö̧ Joabmä̧ ru̧hua̧ ö̧jo̧mecu̧ 'chä̧nö̧ ji'ähuinö̧. Ja̧u̧nö̧ o'ca'a ru̧hua̧mä̧ huopinö̧ Absalon icha pä'ö, ja̧u̧mä̧ ru̧hua̧ ä'cajo̧me 'chä̧hui̧ö̧ ucuotö ja̧rȩyu̧nu rȩjȩ pä̧mä̧di̧nö̧, ja̧hua̧nö̧ jȩä̧cu̧ ru̧hua̧mä̧ 'chu̧huo̧pinö̧ Absalónrö̧.