¹ Ja̧'hua̧nö̧ pi̧yȩ 'cuäopäji o'ca'a David i̧tti̧ Amnónmä ijähuaju Tamarö (jä'otä ittiju) rö̧ä̧nä̧ kö'quinö, jahuajumä Absalóntä öjähuaju ji̧na̧'a̧, ja̧u̧mä̧ korotö David i̧tti̧mö̧ttö̧ ya̧tȩ ji̧na̧'a̧. ² Amnón öjähuaju Tamar jähuänämä a̧'cua̧ tta̧'ȩcu̧ rö̧ä̧nä̧ na̧'a̧chi̧nö̧. Jahuäjumä uborö jerupaju ji̧na̧'a̧, ja̧'hua̧nö̧ jo̧mȩttö̧ Amnónrö̧mä̧ ji̧yȩtȩ jȩa̧ pä'anö ihueyecua'anö ji̧nä̧cu̧. ³ Ja̧'hua̧nö̧ ja̧'a̧nä̧ Amnónmä̧ a̧hua̧ru̧hua̧rö̧ ku̧nä̧ri̧nö̧ ja̧u̧mä̧ Jonadab pä'ö micuinö David ö̧jä̧hua̧ Simea i̧tti̧. Jonadabmä̧ juiyo rö̧ä̧nä̧ yapareäcuähuä huo̧jui̧nö̧. ⁴ Jonadabmä̧ Amnónrö̧ pä'inö: "¿Tta̧'a̧nö̧ pä'ö ru̧hua̧ i̧tti̧mä̧ mo̧ro̧ juoöta'anö cua̧'cua̧ tta̧cuȩcua̧'a̧ttö̧? ¿Ttörömä jicuähua päcuoca'a? Ja̧'hua̧nö̧ päcu Amnónmä ädätinäcu̧: Ttömä̧ chi̧jä̧hua̧ Absalóm öjähuaju Tamarö kö̧'ca̧sä̧." ⁵ Ja̧'hua̧nö̧ ja̧'a̧ Jonadabmä̧ ja̧u̧rö̧ pä'inö: "Cuä̧'ä̧manä na'achö̧ 'cua̧rö̧nä̧ pä̧hui̧. Cuä'o ucuru topö ichomenä̧, jäcueparöja̧: ¿Chöjähuaju Tamarö huecu'anö ja̧'a̧ to̧chä̧ra̧'a̧nä̧ chä'ca jo̧mȩttö̧ da'ipö yajutä kiya'anä chucua?" ⁶ Ja̧'hua̧nö̧ jiähuäjäcu Amnónmä na'achä̧tö̧ 'cua̧rö̧nä̧ pinö. Ru̧hua̧mä topö ichäjäcu Amnón ru̧hua̧rö̧ pä'inö: Na'achö̧sä̧ chöjähuaju Tamarö hue'ittö to̧chä̧ro̧mȩttö̧ ji̧yȩtȩ cuäcucähuä da'ipö chucua kiyattö." ⁷ Ja̧'hua̧nö̧ ja̧'a̧ Davidmä Tamar ruhuo huettodenä kö̧ja̧'a̧ jittähuäjiyarö pä'ö hue'inö pa̧'a̧nö̧ pä'ö: "Cuböo Amnón ojusodera̧'a̧ täi, u̧cuȩ dacuiyarö. ⁸ Ja̧'hua̧nö̧ hueäjäcua Tamarmä kuböo Amnón ojusodera̧'a̧ 'chi̧nä̧ju̧ ä̧'ä̧huä̧ma̧nä̧ ö̧'o̧mȩcu̧. Jahuäjumä isahua ȩmo̧po̧'ö̧ ya̧'cö̧ to̧ä̧ra̧'a̧nä̧ panppä̧ päi'önä aditopo'ö ȩtti̧nä̧ju̧. ⁹ Jahuäjumä pärä̧huä̧bä̧ ȩmi̧nä̧ju̧ ja̧'hua̧nö̧ ȩmö̧ ja̧u̧rö̧ panppä̧ iyinäju, ja̧'hua̧nö̧ kiya'anä ucuamä pä'ocö pinö. Ja̧'hua̧nö̧ ja̧'a̧ Amnónmä̧ juȩnȩ ka̧cuä̧tö̧rö̧ pä'inö: O'catoi'önä pene ka̧cuä̧tö̧mä̧ rä'opächätucui." Ja̧'hua̧nö̧ ja̧'a̧ttö̧ juȩnȩ ka̧cuä̧jä̧tö̧mä̧ o'catoi'önä rä'opächinätö̧. ¹⁰ Ja̧hua̧nö̧ ja̧'a̧ttö̧ Amón pä'inö̧ Tamar'rö̧: "Chu̧cuä̧ chö̧ro̧ca̧ra̧'a̧ i'chächö iyittö cu̧mu̧nä̧ cuiyomettö̧ chucua." Ja̧hua̧nö̧ päcua Tamarmä̧ kaditäji pan ȩpu̧ 'chi̧nä̧ju̧, ja̧hua̧nö̧tä̧ ȩpö̧ 'chi̧nä̧ju̧ kubuo Amnón ö̧ro̧ca̧ra̧'a̧. ¹¹ U̧cuä̧ ki'chächipomenä̧, 'chu'ädö jahuäjuru pä'inö̧: "Ttucu cuä'a ichi chijähuaju." ¹² Jahuäju ädätinä̧ju̧: Jȩpo̧co̧ju̧sä̧ chubuo, ja̧hua̧nö̧ jȩcha pä'ömä̧ päcuättö, Isrealttömä̧ ja̧hua̧nö̧mä̧ jȩä̧cuä̧huo̧ca̧'a̧. Ja̧hua̧nö̧ surojönä̧mä̧ jȩcu̧'ä̧. ¹³ ¿Ta̧'a̧nö̧ jȩpö̧ si'epö chicu'anö̧ jä̧ttö̧ ttörö dä̧'ä̧rö̧jö̧nä̧ jȩcu̧a̧'a̧mä̧? ¿Ucu mä̧'i̧ttö̧? !Ucumä̧ ja̧'a̧tä̧ hua̧ pä̧ttä̧cua̧jä̧ Israelttömä̧! Jitämä̧, ru̧hua̧cu̧ cucuocuäjatä pä'äjusä, ja̧u̧mä̧ huȩä̧ pä'ötä hua̧ cuirecua pädi'önä̧". ¹⁴ Ja̧hua̧nö̧ päja'anä̧ ä̧ju̧cuo'cö̧ pinö̧. Ja̧u̧mä̧ Tamarttö'inä̧ abonä̧nö̧ ujuruhua'attö, pä̧icu̧nä̧ 'chu'ädö jahuäjucu ä'inö̧. ¹⁵ Jahua'anö ja̧'a̧ Amnón kö'co'cö pinö Tamar'rö abora'tär.Ja̧u̧ öjö'cönä̧ pä̧cuä̧ toinömä jahuäjurumä pärohua'acutä öjö'cö juiyönä ji̧nä̧cu̧.Amnón päínö jahuäjuru: "Tä'cö ä̧rä̧bi̧ö täí ." ¹⁶ Ja̧hua̧'anö ja̧'a̧nä̧ jahuäju ädätinä̧ju̧ ja̧u̧ru̧: ̧hua̧'a̧nö̧ mä̧cö̧! Ttörö suronä̧ jȩ'cu̧ä̧ji̧ttö̧'i̧nä̧ abonä̧nö̧ suraja'anö ja̧'a̧ ttörö ¹⁷ hueöhuicutumä. Ja̧hua̧'a̧nö ja̧'a̧nä Amnónmä̧ jahuäjuru ä̧ju̧huo̧'cö̧ pinö.Tóijíku jȩpu̧ chutä u̧mu̧huä̧ya̧rö huopu pä'inö: "Ttottomä̧ oto ȩpi̧ paju isajuru, räjopächö o'ca'a apate'inä̧ ppettädö icui." ¹⁸ Ja̧hua̧'a̧nö ja̧'a̧tö̧ u̧mu̧huä̧yä̧ u̧mi̧cu̧ rä̧epu ihuinä̧hua̧ räepö icuä̧ji'ca̧ apateinä ppettädö icuinö. Tamarmä̧ kö̧'ca̧tä̧huäppi otoäppi adiunä̧ tuhuecuäppi juäocua'a ki̧nä̧ju̧ ru̧hua̧ i̧tti̧mö̧ nä̧tö̧mä̧ ja̧hua̧nö̧ ki̧nä̧tö̧ uborö jeruptö i̧jȩcuä̧ päi'önä̧. ¹⁹ Tamar kuhuo'cenä̧ ocurä i̧sa̧ppettö̧ tuhuähuinä̧ju̧ ja̧hua̧ta̧'a̧nö̧ kö̧'catähuäppi'inä̧ serocu icuinä̧ju̧. Kujunä̧ ku̧mu̧ mejä̧hua̧'a̧ttö̧ ja̧'cuo̧ppu̧nä̧ tö'ipächö 'chi̧nä̧ju̧, pä̧i̧cu̧nä̧ ajuäunu to'ipinä̧ju̧. ²⁰ Absalón cuböo pä'inö jahuäjurö: "¿Cuböo Amnón ucucu ka̧ji̧? ja̧'hua̧nö̧ ja̧'a̧ jitämä 'corujuäinätä̧ kä̧hui̧, chöjähuaju ja̧u̧mä̧ cuböo. Pi̧yȩnä̧mä̧ juiyomä cua̧'cua̧ tta̧cuȩcuä̧. Ja̧'hua̧nö̧ ja̧'a̧ Tamarmä katä ki̧nä̧ju̧ kuböo Absalón ojusodenä. ²¹ Ja̧'hua̧nö̧ ja̧'a̧ ru̧hua̧ Davidmä ä̧ju̧cui̧nö̧ o'cajuiyönä ja̧u̧ jȩä̧ji̧mä̧. Rö̧ä̧nä̧ a̧mi̧surächi'inäcu̧ ja̧u̧mä̧. ²² Absalónmä̧ yoriso pä'ocö pinö Amnónrö̧mä̧, Absalónmä̧ amisurunä topinö ja̧u̧rö̧ suronä jȩä̧ji̧nä̧ jahuäjurö ja̧'hua̧ta̧'a̧nö̧ suronä jȩä̧ji̧ta'anö chutä öjähuajuru Tamarö. ²³ Todäre a̧'ȩ 'cuäopinö̧ o'ca'a Absalónmä̧ i̧sa̧ uhuo'che 'cui'ö aditätörö ku̧nä̧ri̧nö̧ Baal Hazor pä'ö micuome, ju̧huȩnemä̧ Efrain ahuaruhuä o'cotö tti̧rȩjä̧ tö'cö ji̧na̧'a̧, ja̧hua̧nö̧ ja̧'a̧ttö̧ Absalonmä̧ a̧tȩpi̧nö̧ o'catoi'önä̧ ru̧hua̧ i̧tti̧mö̧rö̧ ju̧huȩnȩ doächö ttichiyarö pä'ö. ²⁴ Absalón ru̧hua̧ ö̧jo̧me chä̧huiö̧ pä'inö̧: "Jitämä̧ topi, ucu cu̧mu̧huä̧ya̧mä̧ ohuȩja̧tö̧ ttuhuo'che 'cui'ätörö.'inä̧ ku̧nä̧rö̧. Ttöarodoca'a, ru̧hua̧'inä̧ u̧mu̧huäyotucu tti̧'cha̧ pä'ö, ucu cu̧mu̧huäyotucu." ²⁵ Ru̧hua̧ ädätinö̧ Absalon'rö̧: "Ja̧hua̧nö̧ mä̧cö̧ chi̧tti̧, ujutu o'catoi'önä̧mä̧ ti̧'chö̧ juiyö'anö̧ ja̧'a̧ ti̧'chö̧tö̧mä̧ ja̧u̧ru̧ ppe'teu anö̧."Absaón ru̧hua̧ esecuächi'önä̧ jȩpinö, ja̧hua̧nö̧ ja̧'a̧nä̧ i̧'cha̧ pä'ocö pinö̧, ja̧hua̧nö̧ ja̧'a̧na Diotä ppo̧da̧cua̧ pä'inö̧ Absalónrö̧. ²⁶ Ja̧u̧nu̧ o'ca'a, Absalón pä'inö̧: "Ja̧hua̧nö̧ jö̧ juiyö̧ttö̧mä̧, ppä'ädipätucuittö chi̧jä̧hua̧ Amnón ujutucu i̧chö̧nä̧." Ja̧hua̧nö ji̧yä̧cu̧ ruhuä̧mä̧ pä'inö̧ ja̧u̧ru̧: "¿Dä̧bu̧ Amnónmä̧ ucucu i̧chö̧'a̧nö jä̧ttö̧?" ³⁰ Ja̧hua̧ta̧'a̧nö̧ 'cuä̧o̧pina'a jinä mänänä̧ ttöjo̧ cua̧'a̧nä̧tä̧ Davidrömä huene epö̧ iyö päinä̧tö̧: " O'catoi'önä Ru̧hua̧ i̧tti̧mö̧rö̧ cuäö'icuäji Absalónmä ja̧'hua̧nö̧ ja̧'a̧nä̧ jahuätöttömä ya̧tȩ pä'ö'inä ki'ipo̧cu̧pi̧nö̧." ³¹ Ja̧'hua̧nö̧ ja̧'a̧ttö̧ Ru̧hua̧mä̧ ä̧ra̧mi̧'i̧nö̧, i̧'ca̧ta̧hua̧ta̧ serocu icu rȩjȩ mo̧ä̧mi̧nö̧; o'catoi'önä umuhuäyotö ippeyenä ka̧cuä̧tö̧'i̧nä̧ tti̧'ca̧tä̧hui̧yö̧ serocuinätö̧. ³² Jonatab simea i̧tti̧ David ubuhuomä ädätö pä'inö: " chesetococujä chu̧ru̧hua̧ jahuätö ruhua i̧tti̧mö̧ u̧mä̧tö̧ mu̧huäyotö o'cato'inärö cuä'ö tticuina̧'a̧mä̧, ja̧'hua̧nö̧ ja̧'a̧nä̧ Amnón ya̧tȩtä̧ ja̧'a̧ jitä toe'ömä̧. Absalónmä jomenö jepö̧ ku̧ni̧nö̧ Amnón chutä ijahuajuru suronä jȩi̧nö̧ mo̧ro̧ ttö̧ kä̧mä̧dö̧. ³³ Ja̧'hua̧nö̧ ja̧'a̧nä̧ pi̧yȩn huȩyu̧cuä̧mä̧ jueinämä cuemiyö̧'a̧nö̧ cu̧ru̧hua̧, ja̧'hua̧nö̧ ja̧'a̧nä̧ chesetococujä o'catoi'önä i̧tti̧mö̧mä̧ 'corujuächocotö ja'a, ja̧hua̧ta̧'a̧nö̧ Amnón ya̧tȩtä̧ ja̧'a̧ 'cojuächäjimä." ³⁴ Absalónmä̧ rä'opächö tö'ipächinö. U̧mö̧huä̧ya̧ to̧pä̧rö̧ tta̧huä̧rä̧cuä̧huä̧ i̧sa̧mä̧ u cä'epö topinö ja̧'hua̧nö̧ ja̧'a̧ chutä ö̧jo̧mȩttö̧mä̧ kä̧hua̧ ma̧ä̧cha̧'a̧cu̧ mä̧nä̧nä̧ jui̧ä̧chi̧'ä̧mä̧nä̧ ttö̧ja̧ recuätö tti̧rȩbȩhua̧'a̧ topinö. ³⁵ Ja̧'hua̧nö̧ jä̧ji̧ o'ca'a Jonadabmä ru̧hua̧rö̧ pä'inö: "Topittö, ru̧hua̧ i̧tti̧mö̧ ichätö. Isopäi'önätä̧ ja̧'a̧ cumöhuä̧ya̧ päjita'anö." ³⁶ Pä'ö ucuocu cädöta'anö ru̧hua̧ i̧tti̧mö̧mä̧ rȩbȩhui̧pö̧ pä̧i̧cu̧nä̧ huopö ajahuinätö̧. Ja̧'hua̧ta̧'a̧nö̧ ru̧hua̧'i̧nä̧ jua'atäcu umöhuäyotömä̧ o'catoi'önä rö̧ä̧nä̧ ajahuinä̧tö̧. ³⁷ Ja̧'hua̧nö̧ ja̧'a̧nä̧ Absalón tö'ipächömä, Gesur ötahuiyä ru̧hua̧ Talmai, Amiud i̧tti̧ ö̧ja̧'a̧cu̧ 'chi̧nö̧. Davidmä i̧tti̧nä mo̧ro̧ji̧nö̧'a̧cuä̧ ajahuä'chinö. ³⁸ Ja̧'hua̧nö̧ ja̧'a̧ttö̧ Absalónmä̧ tö'ipächinö Gesur ötahuiyära̧'a̧, juȩnȩtä̧ huäbodäcuä a̧'ȩ jo̧mȩnä̧ ki̧nö̧. ³⁹ Ru̧hua̧ Davidmä rä'opö Absalónrö toa pä̧huä̧rö̧ji̧nä̧cu̧ täcö Amnón 'corujuoächina'a ajahuä'chäjimä a̧'cua̧ttö̧ juo'äji'ca̧.