ATCHAMADO_BEN-xwl_rev_text

Eta 2

¹ Wlãa exo xiɔ ɖoxwlãa Efesò é habibɔ be wɛsagŋu ɔ be emè kenã hɛ̃ɛ esuvi acowé ye do ɔɖusi lɔ me, é bo lé zɔ̃nu lé sika zogbɛ̃ti acowé yé é cɛ̃cɛ̃mè ɔ̃ lɔ bé: ² ŋu nyɔ̃ é zã kena ɔlewanu ɔ̃. Ŋu nyɔ̀ kenã ɔlé donu vivènu ɖoɔ, gɔdo kena ɔdoji kpefu ɖo ɔ ŋu nyɔ̃ be ɔ u nuɔ̀ emè nyinylã yé éxodéo. Ɔdo emè kena ye nɔ̃ ylɔ ye ɖéé bé emè zɔ̀ do do xwlã vɔ ye ŋu nyi ke sĩ o ɔ̀ do ye kpɔ̃, ɔ bo nyɔ̃ ye bé lèlotɔ wè ye nyi. ³ Ɔ̀ do vivenu du ayà do xonu enu ŋutikɔ nɔ̃ o. ⁴ Gãke exo kena ŋu do do we u ɔ́ ɔŋgɔlé nuɔ̃ nuŋ dikɛ̃ kena ɔmɔ̃ nuɔ̃ ŋu ɖo sãa dɔgbé ò. ⁵ Eyɔ utu ɔ̀ fli fi kenã ɔ jawâ lé ɔ̀ nãa luɔ ɖɛ̃, na agɔnɔ̃ wasi ɖikɛ̀ kea ɔnɔ̃ waɖo sãa dɔgbé na ŋu nyi kesĩ o à mã ba de wezogbɛ̃ ɔ le é tɛ̃xué. ⁶ Enu na jɔji na ŋu lé wé nu wiwamè ɔ wenyĩ bé ɔgbèwã nã emè kenã jè Nikola é nukpikpla gɔdo enuwiwa yé gbɔ̀ yé, ɖikɛ̃ké na mlɔ̀ ŋtɔ nŋu gbèwà na yé ɖo. ⁷ Ɖɔgbé emè na do ɔto ɔ ni sé enu ken a gbigbɔ lé lɔnu nã ehabibɔ yé be emè na adu ɔ ji ɔ̌ mã nɛ̃ ɔtĩ kena nɔ̃ nã égbèɔ ɔkũsĩsɛ̃ kena le Mawu jikpamè ɔ à ɖu wemã nã ye wlã ɖoxwlãa smirnà e habibɔ ɔ. ⁸ Wlãa exoxiɔ ɖo xwlãa Smirna habibɔ be wɛ̃zãgŋu ɔ̃ bé eme nã nyi tãtɛ̃ gɔ do kpɔtɔè ɔ̀ eme kena Kubogɔ̀fɔ̃ lɔ bé ŋu nyɔ̃ wé ayà ɖuɖu gɔdokenã ɔ jè èhɛ̃ ɖo ɔ, vɔ ɔjɛ̃ ɔdɔkũ gbɔxué. ⁹ Ŋu nyɔ̃ vɔnu nã emè dé yé yé le donu ɔ̃ yé. Ye be ye bé ye nyi Judaviyé vɔ̀ ye ŋu nyi o. Satana éhabibɔwè yé nyi. ¹⁰ Kavɔ̃ aya kena ɔka du zãa ɖe ɔ̀ ó kpɔ legba le kãnu a na ye a do èmè ɖéyé gã lé mi mè a do domi kpɔ, mi ã ɖu àya awãgbã ɔsiɔsi nɔ̃ gbéji kaka jèku ŋutɔ cã, eyɔwè mã nɔ̃ egbé egba. ¹¹ Emè nã do ɔtoɔ ni sé enukéna gbigbɔ lé lɔnu na éhabibɔ ye emè kenã du ɔjiɔ ã eku ɔwégɔ̀ ŋu kawa nu ti nɛ ò. ¹² Wlã éxiɔ̀ ɖoxwlã éhabibɔ kenã lé Pergamɔ̀ e wɛ̃zãgŋu cã bé emè ké na do jivi ɔnu ɔkénɔ̃ dida lɔ bé: ¹³ Ŋunyɔ̃ wé doxué: Efikenã Satana éga zikpéléɔ. Ɔwli do xo u gãgã ɖe yé té hũ xo kunu ɖetɔ Atipa xonugbo lotɔ le mié cɛ̃cɛ̃mè efi kena Satana so ɔxue do ŋutɔ cã a, ɔŋugbèxó ɖé o. ¹⁴ Vɔ̀ ŋutɔ exo viɖe ɖo we u emè ɖeye le xuédé bo hɛ̀ Balam é énukplamè do asi: Balam xiɔ̃ wèkpla Balak bé ni yi awã jè nu yi do ɔŋu kɔ̃na Izraɛlviyé be ye a nɔ̃ ɖu enu kena ye do sa ɔvɔ̀ na yèhué oti kpikpa na yé a lèko le Mawu égodo. ¹⁵ Kesĩ ke emè le mi mè je Nikola enukplame gbɔ̃ do exɛ̃. ¹⁶ Eyɔ utu ɔ̀luɔ edɛ̌ na ŋu nyi kesi o à, mã ba wédé zãa ɖé siyé mã yi jivi kena lé xokemè o dowa ahuã gɔdo émè kesĩ tɔ̃ yé. ¹⁷ Emè kena ɖo ɔto ɔ mi sé exo kena gbigbɔ le lɔnu na ehabiboyé bé emè na ɖu ɔjiɔ ma na ɛ̃ manà wawlãa bɔdo eu ɔ̀ ma nɛ̃ ekpɛ̃wéwé keji na ye wlã nyikɔ yɔŋɔ ɖedo ɔ nyikɔ na eměti ŋunyɔ̃ a eme kena yi ye kpowe nyɔ̃ɛ̃. ¹⁸ Wlã exoxiɔ ɖo wlã Tiatira ehabibɔ é wɛ̀zàgŋu ɔ̃ bé Mawu evi kena ɖo ɔkusĩ lédikɛ̃ ezohɛ̃ɛ kena didè dɔ gbé eyè efɔ yé le ɖikɛ̃ gãyè xɔ ɔho dɔgbé ɔ lɔbé: ¹⁹ ŋunyɔ̃ ezã kenã ɔwà a ŋunyɔ̃ wãnyi, wé xɔ̀sé, wé sisɛ̃ zã wiwa gɔdo kena ɔdoji du ayàa ezã kena ɔléwanu sibe ɔ esu hu kena ɔwa sãa bayiɔ. ²⁰ Vo exo kena ŋu ɖo ɖo we u ɔ wenyi bé ɔ na mɔ̃ u Jezabel nyɔ̃nu xiɔ̃ kena yi ede dowasi Mawu ewɛ̃zagŋu e bo le kplanu enu u xo mèzã dowlãa ye bo lé blènuyé bé yé a lèkɔ le mawu e godo be yéa ɖu enu kena ye do sa ɔvɔ na yehuè ɔtikpikpa ye ²¹ ŋu nɛ gãme nã a ɖo lu ɔdɛ̃ vɔ ègbè be ye ŋu ka jo egalilɔ do o. ²² Kpɔ̃ mã yi yidagbé do ɔzõ zãji, eyɔ gɔdo emè kena le égà lɔnu gɔdoé ɔ̀ na ye ŋu lèkɔ lé nuvuɛ̃ gbɔ̃ oa mãkpo. ²³ Mã hu eɖèkèyé kesĩ wè ehabibɔ tètè a nuyɔ̃ɛ̃ bé emlɔ̃ wè nyi emè kena nɔ kã ayimè kpɔ̃ céké céké. mã ɖo etɛ̃hué na émè lokpo lokpoe. ²⁴ Vɔ ŋu le lɔnu nami, mi Tiatira è emèkpɔtɔɛ kena unyi enukplamè xiɔ̀ye, miye eme kena un nɔnjro enu kena ye nɔn ylɔ be Satana enu siso ye mèkpɔnyé mlɔn un ka diɖa agban bu na mi ò. ²⁵ Ganke enukena miyisé ɔ̀, mihɛn do a sikaka maba. ²⁶ Emè kena wlibo na hozã kaka bo huenu ebo ɖu ɔjiɔ̀ mã nɛ̃ hĩhlɔ do gŋu ye ji. ²⁷ Akplã ye gɔdo egã hihɔ̀ ekpo abo gba ye dikɛ̃ baba ezɛ̃ dogbé. ²⁸ Hihlɔ̃ a nɔ̃ esi ɖikɛ̃ kena mlɔ cã xotɔ naŋu hihlɔ dɔgbé. Mã lo nɛ̃ ɔfɔji esuvi ɔ. ²⁹ Emè do oto ɔ nisé enu kena gbigbɔ le lɔnu ehabibɔ ye.