¹ Le wemã xiɔ ne Mawu yi nɛ̃ be a ɖé ènu kena ka jɔ zãɖe ɔxlè é sumɔnvi yé Kristo zɔ̃n éwɛzangŋu ji, na é sumɔnvi jãa tɔn jẽ é mè. ² Jãa ɖekŋunu do Mawu xo gɔ do Yesu Kristo xo ɔ wu, ɖikɛ̃ kenà ekpɔn é nu yé doɔ ɖɔgbé. ³ Nyɔn na nɔn wényi emè kénà lé xlènu wémã xlɔ. Nyɔn na non wenyi emè kéna lé sénu énu kénà ye wlãa ɖo èmè, yé bo léwanudo yeji, do gã mè na énuxiɔyé a jɔ gogo jãa dogbe doxwlô é habibɔ acowè yé. ⁴ Émlɔn jãa wéle wlãnu exoxiɔ yé ɖoxwlã mi, éhabibɔ acowé kenà le azia ékãsime ye. Mi yi nu vɔnu Mawu tɔn kéna le sibèɔ kena nɔn Awã sãa égɔlé gbɔn nu gɔ do gbigbɔ acowé kéna nontè do è ɔhɔlu zikpéɔ é ɔŋucɔn. ⁵ Yesu kristo kunu ɖétɔ adodoé kéna nyiè mètâtɛ̃ kéna Mawu é gbigbɔ kã le emè kuku yé mè, é nyi awàzàjitɔyé éga, ɔjiɖutɔ nɛ̀ ku ŋuzizi na mi na a na mi fifa na Yesu kristo kena nuɔn mi éyɔ wẽ hluɛ̃ mi gã lé mi yé é nuvuɛ̂ mè gɔdo é ɔhũ. ⁶ Éhɛ̃mi zuŋ Mawu é to gŋu ma tɔ Mawu nɔn na mi a sɛ̃ Mawu miétɔ bubu gɔdo hihlɔn bèle sib̀ kaka dosɔn. Amèn. ⁷ Kpɔn, e le glɔnnu le ɔvidrɔmè ɔŋkusin tɛtɛ akpɔnɛn! eme kena tɔhuan wuiye can a wuanzanji tɔyetɛtɛ afankue nɛ̀n! Ɛnxonugbo wɛ. Amèn. ⁸ Lɔhonɔ̀ Mawu lɔbé émlɔn wè nyi Alfa gɔdo omegà. Émè kena lé é xinɔ̀ awã, é gɔ le gbɔn nu ̀éme kena nyi hihlɔn tètèkéŋ keŋ nɔn. ⁹ Emlɔ̀ jãa mié nɔ̀vi, éme na jè Yesu gbɔ̀ gɔdomi. Ŋulé kpenufu gɔdomi lè vivènu dido susumè do ɔholuɖutoɔ utu. Ŋu nɔ̂ gãgã kena ye nɔ̀ ylɔné Patmos ɔ ji do Mawu xoɔ utù na ma ɖekunu do Yesu ɔ u. ¹⁰ Létɔ lé tɔhonɔ̀ e azãa gbéɔ gbigbɔ wiwé ɔ biẽ xo mè. Ŋu sè egbé gàgãa de di lè ɔgodo na ŋù ɖi ékpɛ̃ gbé ɖɔgbè ¹¹ be ènu kéna ɔlé kpɔ̀nuɔ wlàa ye do wemà mè na a yi yé ɖo xwlàa éhabibɔ a acowe kena le Efesò, Smirna, Pɛrgamɔ̀, Tiatira, Sardɛ̀s, Filadɛlfia ku Laodikea. ¹² Ŋu lilèkɔ be makpɔ̀ e mè nenà lé exo lɔnuna ŋu ɔ̀; kenà ŋu lilékɔ ŋukpɔ̀ sika zogbɛ̃ti acowé. ¹³ Éyɔwè le zogbɛ̀li acowé ye é dodomè ɔ é mè ɖeye ɖi gbètɔ évi èdo awu gag dé é yi sika égajiblanu do bla ɔkɔ̀ta. ¹⁴ Éta wé nɛ̀ ɖikɛ̃ ɖétiɔ̌ dɔgbé éda cã we nɛ̀, é ɔkusĩ léɖikɛ̃ ézò hɛ̃ɛ éɖè dɔgbé. ¹⁵ É ɔfɔ yé lèklɛ̀n ɖika gàjé kena yé do èzome ébo bia hɛ̀ɛ dogbé, égbé lè ɖikɛ̃ étɔ̀ sisa susu égbé ɖiɖi dɔgbé. ¹⁶ Ewli suvi acowé do éɖusi lɔmé, éyɔwe jivi dida ɔnuɔwenɔ̃ le tɔ̃nu le ɔlɔmé ni. Eɔŋukusĩmẽ le danuzo ɖikɛ̃ɛ éhué zizè dɔgbé. ¹⁷ Kena ŋukpɔɛ̀ɛ ɔ ŋujawãa lé ɔfɔnu ni ɖikɛ̃ɛ émè kuku dɔgbe é yi éɖusilɔ yi do xo ji, bolɔ bé gɔkavɔ̀ ò. Emlɔ̃ wè nyi tãatɛ̃ɛ gɔdokpɔtɔè. ¹⁸ Ŋulé égbè ŋu ku sāa bayi sibèɔ ŋu lé égbè kaka dosɔ̀ éku gɔdo eku tomè é hĩhlɔ̃ lé xosi. ¹⁹ Sibèɔ wlãa énu kena ɔkpɔ̀ kéna lé sibéɔ gɔdo kena kaba jɔyé lé é godo gba yé ɖoawãa. ²⁰ Suvi acowe kena ɔkpɔ̃ le xo ɔɖusilɔme yé ɔ̀ gɔdo sika zo gbɛ̃ɛtĩ acowé yé ègblɔ̃mè ɖidé wenyi bé suvi acowé ye wè nyi eha bibɔ acowe yé é éwɛ̃ɛ zãgŋu ye eyɔwè zo gbɛ̃ɛti a cowé yé wè nyi éhabibɔ acowéyé.