¹ Wlã exoxiɔ ɖo xwlã Sardɛ̃s ehabibɔ be wɛzagŋu ɔ̀ bé emé kena esimè mawu egbigbɔ acowé godo suvi acorvé léɔ lɔ bé ŋunyɔ̃ ezã kena ɔlé wanu õ, ŋunyɔ̃ be ɔ̃yi nyikɔ bé yele egbè, vo ɔku. ² Fɔ̃ na ado hihlɔ̃ enukena kpotɔ lé wémè ɔ̃, nã hũ kadoba ku o. Domlɔ̃ ŋukpɔ̃ wezã sɔgbé le Mawu é i ɔkusìmè o. ³ Eyɔ utu ɔɖo ɔkusĩ enu kena ɔkpla ye gɔdo kena ɔsé ye ji, hɛ̃ ye do asimè, na aluɔ edɛ̃ ɖo ɔŋuka nyɔ̃ gãme na mãba wedé do ò. Nã ɔŋu be ɔŋukléo ɔ, mã ba tɔdoweji ɖi ajotɔ dɔgbé. ⁴ Ɛgãké emè ɖèyé kpɔtɔ lè Sardɛs, kena yeŋu xojui ye e a wu ye ò yea nɔ̃ awu wewè mè, yé a zɔ̃ gɔdoŋu, ɖo yé sɔgbe ado zɔ̃ gɔdoŋu. ⁵ Eme kena ɖu ɔjiɔ yea dò awu wewé mlɔ̃ ŋu ka susu ye nyikɔ le egbewèmã mè ò. Mã tĩ emè e ɔŋukɔ̃ bé xotɔ̃ wè yé nyi. ⁶ Emè kenã ɖo ɔto ɔ̀ ni sé exo ké na gbibɔ le lɔnu na éhabibɔ̀ yé. ⁷ Wlã exo xiɔ ɖoxwlã wɛ̃zãgŋu kenã lé Filaɖɛlfia, e éhabibɔ nu be emè kenã nyi kĩkɔ̃ gɔdo xonugbo ɔ, kena hɛ̃ éga David é sãfé ɔ̀, na ehũ ehɔ̃ ɔ̃ emèti ŋu nɔ̃ kpéji nɔ̀ sui o, na ésui ɔ̀ emɛ̃ti ŋu nɔ hũĩ ò, eyɔ̀ wè lé lɔ́ nu bé: ⁸ ŋu nyɔ̃ ezã nã ɔléwanu ɔ̃ kpɔ̃ ŋu yi éhɔ̃ kena ye hũ yi ɖo awã nɔ̃, émɛti ŋu kpeji asui ò, yi do ɔŋu kɔ̃ nɔ̃. Hĩhlɔ̃ vidé kpoé le wesi, vɔ̀ ɔ̀hɛ̃ xoxo u ɔ́hũ gbèŋ ò. ⁹ Kpɔ̃ ŋu lé yinu emè kenã le satana éhabibɔ mè yi do ɔlɔ mè nɔ̀, emè kena nɔlɔ be ye nyi Judviyé vɔ yé ŋu nyi Judavi ò, ɖo ye le dunu lèlò kpɔ̃ mã na yé a ba jɔklo lé wé ɔfɔ̀ nu, éyɔ̀ wè ye emè tètè yea nyɔ bé ŋu nyiwãnɔ̃. ¹⁰ Kena ɔwa do xoxo ji gɔdo vivènu dido ɔ̀ mlɔ̃ cã ma deɔ tɔ̃ lé tĩtɛ̃kpɔ̃mè kema kaba egbè ɔ tètèji ɔ̀ mè. Aba tɛ̃ emè kena le awãzãji ye kpɔ̃. ¹¹ Ŋu lé gbɔ̃nu Zããɖé. Hɛ̃ énu kena lé wesi gãgãdé, na émè ɖeŋu kaba yi wé ega egba le wesi. ¹² Emè kena duji ɔ̀ mayi do wasi dotĩ le xo Mãwu éxɔ mè. Anɔ́nɔ̀ eflɛ̃ tègbè, eŋu yɔle katɔ̃le eflɛ̃ò. Eyɔ wè mã wlã xo mawu ényikɔ gɔdo xo Mawu é étò kena nyi jéluzalɛm yɔ́yɔ̀ kena jété le ɔjihlé lé xo Mawu dé ɔ déu. Mã wlãxo nyi kɔ̀ yɔ́yɔ̀ cã ɖe u. ¹³ Eme kena ɖo ɔto ɔ́ eni sé éxokena gbigbɔ̀ le lɔnu na ehabibɔ yé. ¹⁴ Wlã exoxiɔ̀ ɖoxwlã éhabibɔ kena le Laodiké ewezagŋu ɔ̀ bé: Emè na nyi Mawu ɛ̃ɛ, kunu ɖetɔ̀ adodoé ɔ, eme na nyi enu kena Mawu ɖo ɔ̀, étitɔèji ɔ lobé. ¹⁵ Ŋu nyɔ̀ ezã kena ɔléwanu ɔ̃ ɔ̀hũ faa ɔhũ jezo cã o. ¹⁶ Do kena ɔ̀gblɔ̀ éyɔ̀ wè ɔhũ hũzo cã o a, ma sluɔ̀ dlãgbé le xokèmè. ¹⁷ Ɔ̀ nɔ lobé ye nyi ɔdɔkunɔ̀ enu le yési ye ŋu jè enude édo o. Ɔŋu nyɔ̃ bé wamènɔ ɔŋu zizimè, ɔkusĩ gbigba nɔ̀ gɔdo emè kena le amã wéè ɔnyi. ¹⁸ Ŋu le fĩ nu ɔtofĩnɔ̀ bé axɔ̀ sika adaoe kena ye kɔ̃ lé ezomè ɔ̃lé xosi na ado na wé ama ényà ŋu ka zé o. Axɔ̀ ɔkusĩ tĩkɛ̃ na ado ɔkusĩ ji na akpɔnu. ¹⁹ Émè kenã ŋu nuɔ̃, yé yè wè ŋu nɔ gbèxo nà gɔnɔ̀ dɔ̀ ɔto na yé, eyɔ utu ɔ̀ luɔ̀ édɛ̃wewé. ²⁰ Kpɔ̃ ŋu leté le ehɔ̃ji lé xuxunu ehɔ̃ na emedé séxogbé ebo hũ ehɔ̃ nãm ɔ̃ mã biyè ɔxué mè lé éji. Eyɔ wè miã ɖu enu ɖudu. ²¹ Eme na ɖu ɔjiɔ mã na a xinɔ awã le xoadamè le xoga zikpèɔ ji késĩ. ²² Eme nena ɖo ɔto ɔ̀ ni sé exo kena gbigbɔ le lɔnu ehabibɔ yé.