¹ Le eflɛn sexwe exɔluɖuxwe ale ɖikɛn tugbejɛ le gbeji ɔsiɔsi kena kɔye zogbɛn ewɛ ye ka sɔn dogo ye su. ² Atɔ́n le yemɛ nyi sukunɔŋ‌ ewɛ atɔ́n nyi enunyɔntɔ. ³ Ɖo gan mena sukunɔn le gbeji ye kɔ ye zogbɛnye, ye ŋhɛn ami do asio. ⁴ Vɔ enunyɔntɔye hɛn amigo kɔdo zogbɛn do ɔlɔ mɛ. ⁵ Le flɛn kena nusun ɔ le dɛndo, yemɛ tɛtɛ gbɔjɔ ewɛ ye do ɔxlɔn. ⁶ Vɔ le azan gan siɔwe mɛ, egbe ɖe ɖi: eyɛ xe! nusun ɔn le gbɔnnun mi sɔn do goe. ⁷ Le eflɛn, gbe ji nɔntɔye tɛtɛ, fɔn ewɛ ye dra ye zogbɛn ye ɖo. ⁸ Sukunɔn ye tonan enunyɔntɔ ye be: mi na mi miami viɖe ɖo miɛn zogbɛn ye le cinu. ⁹ Vɔ enunyɔntɔ ye do ewu be: kena enyi be ŋsu mi kɔdo mié can, bohun mi sɔn esatɔ ye xwe ewɛ mi sɔn je miɛn tɔn. ¹⁰ Kenan ye jɛmɔn ka sɔn jɛ amiɔn, nunsunɔn ba, ewɛ ye mɛ kena le gbe sisɔ, ye sonɔlɔ wligbe kɔ doe, ewɛ ehɔnsu. ¹¹ Edɛn viɖe, gbejí nɔntɔ kpeɖe ye can ba ewɛ ye lɔ: ɔxwetɔ, ɔxwetɔ, hunhɔn na mi. ¹² Vɔ eɖo ewu naye: le xonugbomɛ, ŋle lɔnunami, mɔn jesi mio. ¹³ Mi nɔn glɛji (ɔnkle), ɖo mi ŋnyɔn azan kɔdo ŋan mɛ. ¹⁴ Ɖo ale ɖikɛn ganmɛ na nusunɖe le ka jɛ mɔn eto ɖe mɛ. E yɔ eyɔ ŋtɔ ezan wavie ewɛ, eyi edɔ kun ye do asimɛ naye. ¹⁵ Na ɛmɛ lokpo le ye mɛ eyi ɔho bibla atɔ́n nɛ, emɛde can ɔmɔnwe ewɛ ɛmɛbu, eyi ɔhobibla lokpo. Lokpo lokpo yetɔn yi keji na ekpe ɔ ewɛ nunsun ɔn sɔn e mɔnji. ¹⁶ Zinɔnkpe, emɛ kenan yi ɔho bibla atɔ́n ebɛ ye do ɔjɔ gbanmɛ ewɛ eɖu ɔho bibla atɔ́n bu be ale. ¹⁷ Ɛmɛ ɔwe gɔcan kena yi ɔho bibla ɔmɔnwe eɖu ɔwe bu ale. ¹⁸ Vɔ ezan wavi kenan yi lokpo, sɔn kun edo ewɛ eɖi e xwetɔ eho demɛ. ¹⁹ Eɖɛn boo egodo, ezan wavi xɛntɔ ye exwetɔ gbɔn ba ewɛ ebiɔ ye ɔkɔnta. ²⁰ Ezan wavi kenan yi amantɔn ba ewɛ ehɛn ɔho bibla atɔ́n bu ɖo ɔlɔmɛ ewɛ lɔbe: ɔxwetɔ ɔyi ɔhobibla atɔ́n nam, ɖe kɔkɔn, amantɔn jɛ ye ji. Exwetɔ lɔnɛ: E nyɔn, ezanwatɔ adodue gbejinɔntɔn. ²¹ Ɔ nɔn gbe ji le enu viɖe mɛ, ma yi enu susu ɖo ɔlɔmɛ nɔn. Biɛ xwe ɔxwetɔ ejijuɛ mɛ. ²² Ezan watɔ kena yi ɔho bibla ɔmɔnwe ba ewɛ lɔ: ɔxwetɔ, ɔyi ɔho bibla ɔwe nam, ɖe kɔkpon, ŋɖu ɔmɔnwe ba ewɛ bu be ale. ²³ Exwetɔ lɔnɛ: enyɔn, ezan watɔ adodue, gbe ji nɔntɔ ɔnɔn gbe ji le enu viɖe mɛ, ma yi enu susu ɖɔ ɔlɔ mɛ nɔn biɛ xwe ɔxwetɔ eji juɛ mɛ. ²⁴ pede, ezanwavi kenan yi ɔho bibla lokpo ba ewɛ lɔ: ɔxwetɔ, ŋnyuɛn be ɔnyi ɛmɛ sisiɛn, ɔnɔnɖe le fi kenan ŋdo le o, ɔnɔn bɛ le fi kena ŋfu le o. ²⁵ Ŋvɔn le eflɛn, ŋsɔn ewɛ ŋhwla ɔhobibla do edomɛ. Ɖe kɔkpɔn, enu kenan nyi xwetɔn wɛ le efixe. ²⁶ Vɔ exwetɔ ɖo ewu nɛ: ekunyrantɔn kɔdo ezanwatɔ ɔɖidɔtɔ ɔnyuɛn be ŋnɔn ɖe le efi kenan, mɔn do enudo. ²⁷ A nɔn yi oho do ɔho jraɖo xwe ewɛ le xokɔli lɛ mɛ, ma yi o ho kɔdo ale. ²⁸ Miyi ɔho bibla le esi ewɛ mia yi na ezanwatɔ kenan ɖo ɔsiɔsi. ²⁹ Ɖo na ɛmɛ kenan ɖo ɔ, ya nɛ wu kesi (ŋtɔcan susu gbogbo ɖe) Vɔ, na ɛmɛ kenan ŋɖo wa, ŋtɔ can ya yi kenan le esi. ³⁰ Midra ezanwatɔ kenan ŋle ebotinu do ɔzuvlu kenan le aga a mɛ, le efi kenan avi kɔdo aɖu kuklui ye le. ³¹ Kenan evi ɛgbɛtɔtɔn aba le ebe kefu mɛ kɔdo ɛwɛnzangu ye, le eflɛn asinɔn awan le ebe azikpeji kenan ɖo kafu. ³² Eto ye tɛtɛ aba bɔ le ɔnkɔn nɛn ewɛ ade emɛ emɛ ye do vovo na eɖe ye ɖikɛn naɖe ɛlinvi kplan tɔ nɔn ɖe ɛlinvi do evo na gbɔgbɔe ye. ³³ Aba to ɛlinvi ye do ebe aɖusi mɛ ewɛ gbɔgbɔɛ yedo ɔmiɔn mɛ. ³⁴ Le eflɛn, ɔxɔlu alɔ na ye mɛ kenan le ebe ɔɖusimɛ ye be: miba mie kenan xotɔ na enunyɔn nawu, minyi cinɔn ɖutɔnan ɔxɔluxwe kenan xotɔ jrado na miɔn, gan mɛ nan xixe le awan. ³⁵ Ɖo, xovɛ ciŋ ewɛ mi nan ŋɖu, sikɔ mɛ cìm, mi nam ŋnu, ŋnyi ɛmɛ jro, mi yim do ɔxwemɛ. ³⁶ Ŋnɔn govɛ ewɛ mido awu nam, ŋyi ɔzɔn, mi da ɔzɔn nam, ŋle gan kpamɛ, mi ba xode. ³⁷ Le eflɛn ɛmɛ jijɔye ya ɖo ewu be: ɔxwetɔ gan nɛmɛ mikpɔn le xɔvɛ ewɛmi nɔn ɔɖu? alo kɔmɛ ciɔ ewɛ mi nɔn ɔnu? ³⁸ Ewɛ gan nɛmɛ ɔnyi mɛjro ewɛ mí yiɔ do ɔxwemɛ? ³⁹ Kɔdo ɔyi ɔzɔn, alo gankpamɛ ewɛ misɔn xweɖe? ⁴⁰ Ewɛ ɔxɔlu aɖo aɖo ewu be: le xonugbomɛ, ŋle lɔnu nami, enusianu na mi wa na ɛmɛ lokpo le xonɔnvi ye domɛ ɔn, emlɔn wɛ mi wɛ na. ⁴¹ Ɖo kpe ɔ, alɔ nan ye mɛ kenan le ebe ɔmiɔn mɛ: mi lɛle xode, kpɛnsɛnviye misɔn ezomavɔ kenan ye jradona lɛgba kɔdo ebe ɛwɛnzangu ye mɛ. ⁴² Ɖo xovɛ cim, mi ŋnam ŋɖuo, sikɔmɛ cim, nim ŋnam ŋnuo, ⁴³ ŋnyi ɛmɛ jro, mi yim do ɔxwe mɛo, ŋle govɛ, mi ŋdo awu nam, ŋyi ɔzɔn ewɛ le gan kpamɛ, mi wli bo nam. ⁴⁴ Le eflɛn, ye can ye ɖo ewu be: ɔxwetɔ, gan nɛmɛ mikpɔn le xɔwɛ alo sikɔmɛ ciɔ, alo ɛmɛ jro, alo govɛ, alo ɔyi ɔzɔn, alo le gan kpamɛ ewɛ mi ŋkpɔn xwe de o? ⁴⁵ Le eflɛn, aɖo ewu na ye be: le xonugbomɛ ŋle lɔnu na mi, enu kenan mi wa nan ɛmɛ lokpo le viyɛ ye do mɛ̀ ɔn, mi wa nam. ⁴⁶ Ɛmɛ xe tɔye ya sɔn kɔjo mavɔ mɛ ewɛ ɛmɛ jijɔ ye ɛgbɛ mavɔ mɛ.