¹ Yesu tɔnle kuefan xɔmɛ ewe exwli mɔn enu kplavie zɔn gogo ede benan ya do dɔn esusu doba kuefan exɔ tuntun ji? ² Vɔ e ɖo na ye be: be mi le kpɔn nu exɛn ye tɛtɛ ɔ? Le xonu gbomɛ ŋle lɔnu nami, ekpin ti ŋma kpɔtɔ le ɛkpin ɖe ji ewɛ ŋma nyi flifli con o. ³ Le éwan sinɔn xwe le oliva Soji, enukplavie ba eɖe ewɛ ye kanse wi be: gan nɛmɛ wɛ enu xɛntɔ ye anyi jijɔ do. ⁴ Ɖe xlɛ (jesido) nɔn we wɛ na ye be: micɔ miɖe, be ɛmɛ ɖe ŋka flu mi o. ⁵ Ɖo susuye aba le xo nui kɔmɛ lɔ be: emlɔn wɛ nyi risto, ewɛ ɛmɛ susu ya bu emɔn. ⁶ Mian se ahwan wiwa xo, ya lɔ ahwan wiwa, mi ka caka o, ɖo enu xɛntɔye ɖo ajɔ, vɔ ŋkpɔn nyi kpikpo nu hɔnɖe. ⁷ Ɖo, ɔkɔta (etɔ) ɖe acite do ɔkɔta ɖe wu, ɔxɔ lu tɔɖe do ɔxɔluto ɖe wu xovɛ a tɔn, kɔdo awanzan a hunhun le akpa susu ji. ⁸ Vɔ exɛn ye tɛtɛ a nyi evi jiji evivɛ sise. ⁹ Kplɛndo, ya do aya nami, ewɛ ya humi eto ye tɛtɛ agbɛ wan nami do zɔn xonyi kɔ wu. ¹⁰ Susu ya jawan, ya blɛ yeɖe, ya gbɛ wan na ye ɖe. ¹¹ Exolɔ ɖo awantɔ ɛ lɛ lotɔ susu ya cite ewɛ ya flu ɛmɛ susu. ¹² Ɖo enu ɖaka wiwa hugan utu, susu ye agbɔjɔle lilɔnmɛ (ya fa). ¹³ Vɔ ɛmɛ kenan anɔn te kaka do jɛ kpi kponu ɔn, aba kpɔn hwlɛn gan. ¹⁴ Ewɛ ɔxɔluɖuta xɔ nyuɛn xɛntɔ, ya jrɛ le xixe ɔ tɛtɛ mɛn, nan do nyi kunu ɖiɖe na etoye. Egodo ɔ, ya jrɛ le xixe ŋ tɛtɛ mɛn, nan ɖo nyi kunu ɖiɖe na etoye. Egodo ɔ, kpikponu aba. ¹⁵ Ewutu, gan mɛ nan mia ba kpɔn enu nyɔn wuye, ɔgbɔsuɛmɛ ye, ke xo nan exo lɔdo awantɔ Daniɛlu lɔ, le tɛn xwe kikɔn mɛ (be ɛmɛn kenan xlɛ nɛ se ɔgbɔnmɛ nɛ). ¹⁶ Be ɛmɛ kenan le Juda ye nɛ si biɛ ɔso ye mɛ. ¹⁷ Be ɛmɛ kenan le exɔta nɛ ka jɛte ba e xwemɛ be yayi enuɖe o, ¹⁸ ewɛ ɛmɛ kenan le ɛglemɛ nɛ nɛ ka lɛkɔ son e xwemɛ be ya yi yebe axwu dido ɔ. ¹⁹ Baba na nyɔn nu ɔxoxonɔn ye, kɔdo kena ajivi azan xɛntɔ gbe. ²⁰ Mi fan kue be mi esisi manyi ɔjigan mɛ o, alo Sabati zangbe o. ²¹ Ɖo vivɛ sise agla ale gbegbe wugan kenan a nyi enu majɔ kpɔn le ɔgbɔnmɛ jijɛ nan xixe ɔ ɔ kaka ba jɛ egbe, ewɛ magɔnyi jijɔ gbeɖe. ²² Na ye ŋde azan xɛntɔ, ɛmɛ ɖe ŋmatɛn kpɔ hwlɛngan, vɔ ɛmɛ cican ye wutu, azan xɛntɔ ye ya ɖe ye kpɔtɔ. ²³ Le flɛn, na ɛmɛɖe lɔnami be: mi kpɔ, Kristo le efi, alo Kristo le eflɛn, mixɔ ɛmɛ xɛntɔ se o. ²⁴ Ɖo Kristo ɛlɛlatɔye kɔdo exolɔdoawanto lɛlotɔye yaba ewɛ ya jrɛ enu ye, amlimanuye, be na ya do buna ɛmɛ cican ye. ²⁵ Mikpɔn, ŋlɔ na mi jɔno kɔn. ²⁶ Na yé lɔna mi: miɖe kɔkpɔn risto le Zogbeji, mi kasɔn, flɛn, alo ele exɔ tɔxɛɖemɛ, mi ka xɔse o. ²⁷ Ɖo ɖi kɛn naɖe ezo nɔn klɛn le hwezɛxue doson hwe biɛ xɔ, ke si wɛ anyina evi gbɛtɔtɔn ekɔlilɛ. ²⁸ Efikenan elan kuku ye le, eflɛn wɛ aklasu ye nɔn nɔn. ²⁹ Vivɛ sise azan xɛntɔ ye egodo trolo, ɔnizɔn ado ɔzɔvlu, esun aklɛn esun wɛlɛ ye aflɛ le ɔjihwle ewɛ ɔjihwle ye ehihlɔn ye ahun hun. ³⁰ Le eflɛn evi ɛgbɛtɔ tɔn eje si aze le ɔjihwle, ewɛ ɔkɔta ye tɛtɛ le awan zanji ya na a le, ya kpɔn evi ɛgbɛtɔ tɔn aba zɔn ɔvidrɔn mɛ kɔdo hinhlɔn kodo kafu kafu gbo. ³¹ Le ekpin gboɖiɖimɛ, azɔn e ɛwɛnzanguye dohlan be yado bɔ ebe ɛmɛcican le jɔhɔn ɛnɛn ye mɛ, sɔn ɔjihwle ɔtomɛ do jɛ eɖe ɔto. ³² Miyi enu kplamɛ sɔn figiti wu. Na ɔlɔzɛ ye tɔ dindrɛn ewe yetɔ ama ninan, mian nyɔn be zozo gan mɛ su. ³³ Kesi ke, ganmɛ nan mian kpɔn enu xɛntɔ ye tɛtɛ, mido anyuɛn be, egogo ehɔnji. ³⁴ Le xonu gbomɛ, ŋle lɔnunami, ɔkɔta xɛntɔ ŋma ba yi kaka jɛ ganmɛ na enuye abajɔ. ³⁵ Ɔjihwle kɔdo awanzan ye abayi, vo oxɔ ye ŋmayio gbede. ³⁶ Vɔ dokan azan xɛntɔ kɔdo eganmɛ, ɛmɛ de ŋnyuɛn o, ɛwɛn zanguye can le sɛxwe, evi can, vɔ etɔ lokponɔn wɛ nyuɛn. ³⁷ Ɖikɛn noa egan mɛ, kesi Evigbɛtɔ tɔn ebiba anyi. ³⁸ Ɖo, ɖi azan xɛntɔ yegbe gbɔ xwe etɔ acrɔn ɛmɛ ye, ɛmɛ ye le enuɖunu, enu nunu, le ɔlɔ wlinu, wli ɔlɔna ye vi nusu, nyɔn nu ye kaka jɛ azan ke gbena noa biɛ aklo ɔmɛ. ³⁹ Ye ŋle xoŋti senu o kaka bajɛ etɔ cicrɔn ba kplan ye kesi wɛ anyi evi ɛgbɛtɔtɔn ebiba. ⁴⁰ Le eflɛn, nusun ɔwe ya nɔn ɛglemɛ, ya kɔ ɛmɛ lokpo ewɛ ya jo ɛmɛɖe ɔ do. ⁴¹ Nyɔn nu ɔwe ya le enu linu, yakɔ ɛmɛ lokpo zwɛ ya jo ɛmɛɖe ɔ do. ⁴² Minɔn ɛglɛji, ɖo mi nyɔn azan gbe kenan miɛn xwetɔ aba o. ⁴³ Vɔ minyuɛn be na ɔxwetɔ anyɔn ganmɛ nan ajotɔ aba, a nɔn ɛglɛji ewɛ ŋman ɖe emɔn ya gble exwe mɛ. ⁴⁴ Ewɛ hutu, mido anɔn gbe sisɔ, ɖo evi ɛgbɛtɔ tɔn aba le ajiji mɛ. ⁴⁵ Mɛnɛn wɛ nyi ezan wavi gbejinɔn tɔ, enu nyɔntɔ xɛntɔ kenan exwetɔ be akpɔn ɔxwe jinɛn, ewɛ anɔn nan ye enu ɖuɖu do ganmɛ. ⁴⁶ Enu nyɔn na ɛmɛtɔ wɛ anyi ezan wavi xɛntɔ gan mɛnan ɔxwetɔ a kpɔn ɛn le gan mɛna a lɛ kɔ. ⁴⁷ Le xonugbomɛ ŋle lɔnu nami ɔxwetɔ aɖoe ega ɖo enusianu ji. ⁴⁸ Vɔ, na ezan wavi baɖa ɖe lɔ le eɖe mɛ: o xwetɔ ŋle gbɔnnu sibɛo. ⁴⁹ Ewɛ etɔ ezan wavi kpede ye xixo ɔ, le enu ɖunu, ewɛ ele ahan nunu kɔdo ahan numu nɔn ye ɔ. ⁵⁰ Ezan wavi xɛntɔ exwetɔ aba gan mɛna ezan wavi xentɔ anɔn avɔmɛdo. ⁵¹ Exwetɔ a kikɛn ɖikɛn ayemɛnu watɔye, le efi kena aviye kɔdo aɖu kuklui ye le.