¹ Eba emɛ be gan mɛna yesu lɔ xo jɔ hwɛn elɔ na énukplavi ye be. ² Le Wan gban ɔwemɛ anyi paskua azn ewɛ egbɛtɔ evi anyi sisa na yado kɛ. ³ Le eflɛn ɔvɔsa ga ye kɔdo etɔ mɛxo ye bɔ le kayifu e gata kena nyi ɔvɔsatɔ. ⁴ Ye le esɛn bla do be ya wli yesu le bibɛ ewɛ ya hwi. ⁵ Do ye le lɔnube un ma nyi gan mɛ na ye le exwe ɖunuo do be hun yan hun yan mado nɔ awan le etovi ye do mɛn o. ⁶ Gan xɛn mɛ yesu le Betania le simɔn gudunɔ exwemɛ . ⁷ Kena e le ekplɔn wuɔ yɔnu ɖe ba ede kɔdo ezɛn na ejuɔ kɔdo anuwantrɛ ɔxo gbo tɔn ewɛ eyi kɔn do eta nɛ. ⁸ Vɔ kena enukplavi ye kpɔn enu xɛntɔ ye do ɔdɔmɛn ze ewɛ ye lɔ nu kɔ enu gugu xɛntɔ nyɔn na . ⁹ Anuwantrɛ xɛntɔ anɔn nyi sisa do ɔhogbo ɖeji ewɛ ya na wamɛ nɔ ye. ¹⁰ Vɔ yesu mɔn enu jɛ ewu ele lɔnu na ye be nu kɔ wu mi le donu tu kada na nyɔ nu ɔn enu nyɛnɖe ewa nam. ¹¹ Wa mɛ nɔ ye ya nɔn kɔdo mi tɛgbɛ vɔ emlɔn ya mɔ ma nɔn kɔdo mi tɛgbɛ o. ¹² Kena kɔn anu anuwantrɛ xɛntɔ do ewuɔ ewɛ do ebe ɖiɖi wu. ¹³ Xo nu gbo ŋle nu na mi fi ɖe kpekpe kena djra exo nyuɛn ɔn le ɔ ya lɔ nyɔnu wɛntɔ can e xo ewɛ ya do ɔŋkusin wi dɔ zɔn enu kena e wa wu. ¹⁴ Ɛmɛ lɔ kpo le siɔwe ye mɛ kena enyi kɔ nyi Juda Iskariɔti sɔn ɔvɔsatɔ gbe ye de . ¹⁵ Ewɛ elɔ ɔ nu kɔ mian na un na ŋkɔ yido asina mi ye da ɔho cɛji ɛmɛ gban yi nɛn. ¹⁶ Zi nɔn kpe ejɛ emɔ kan ji na ado kɔɛ yi do asi na ye. ¹⁷ Le kpɔnɔ mafɔn mafɔn azan tan tin gbé ɔ enu kplavi ye ba yésu de ye lɔ nu be fi nɔ we ɔjro de mian djra paki e be enuɖu xwe do. ¹⁸ Eɖo ewu be mi sɔn to xo ɔmɛ le nu sun ɖe de ewɛ mianlɔ nɛ be ega lɔ be xo ganmɛ su ŋle ka ɖu Paki enuɖuɖu le we de kɔdo xo nu kplavie ye. ¹⁹ Enu kplaviye wa enu yesu zɔn ye ewɛ ye jra Paki be nuɖuɖu zanɖo. ²⁰ Le huesa e sin nɔ enu ɖuɖu ka to kɔdo ebe nukplavie ye. ²¹ Kena ye tɔ enu ɖuɖu ɔ elɔ be xo nu gbo ŋle lɔnu na mi le miɛn mɛ ɛmɛ lɔ kpo a kɔ um yi sa. ²² Ye mɛ tɛtɛ ci ɔ ŋzin zin mɛ ewɛ ɛmɛ lo kpo lokpo jɛ exo kan se xwi ji emlɔn wɛ ɔxwetɔ. ²³ Eɖo ewu ɛmɛ kena ado ɔlɔ enu ɖu sɛmɛ kɔdo un ewɛ ka yi um isa. ²⁴ Evi gbɛtɔ tɔ alɛsɔn ɖi kɛn na ɖe ye wlando ewudo vɔ baba na ɛmɛ kena ayi evi ɛgbɛtɔ tɔn ayido asiɔ anyɔn nɛn hu gan be ye ŋma jio. ²⁵ Juda kena le kanu ayi ido asiɔ lɔ nɛ be emlɔn wɛ ɔxwetɔ edo ewu nɛ be ɔyɔŋtɔ keke nɔn luɛ. ²⁶ Le enu ɖuɖu ka toɔ yesu yi kpɔ nɔn edo ɛkpɛ ewɛ ema nan enukplavie le lɔ nu be mi yi ewɛ mian ɖu exiɔ tɔ nyi xo agbaza lan. ²⁷ Eyi kɔkpo edo ɛkpɛ mi yi ewɛ mian ɖu exiɔtɔ yi nyi xo agbaza lan. ²⁸ Do exiɔtɔ nyi ohun zoɖu eyina ye lɔbe mi nu win emɛ tɛtɛ . yɔyɔtɔn ke na kɔndo awan ɖo ɛmɛ susu tamɛ ɛ na ya do yi ye nuvuɛn ye yi kɛ yé. ²⁹ Vɔ ŋle lɔ nu na mi mɔn gɔ kanu vɛn ahanti ké o. kaka jɛ azan ke gbe na ma gɔnu kɔdo mi le xɔtɔ exɔlu tomɛ. ³⁰ Le ehan jiji godo ɔ ye sɔn oliva ye esoji . ³¹ Le eflɛn yesu lɔ na yé be le huesa xeɔ mie mɛ tɛtɛ a jo ŋdo do ye wlan be ma xo ɛ lɛngbɔ kplan tɔ ɔ ewɛ ɛtɛn gbɔ ye ye ya ki kan. ³² Vɔ na ŋfɔn sɔn ekuɔ ma jɔ ɔŋkɔn na mi do sɔn galilea . ³³ Vɔ Piɛ lɔ nɛbe na ɛmɛ tɛtɛ gbɛ emlɔn ya mɔ ma gbɛ o . ³⁴ Yesu lɔ nɛ be le xo nu gbo mɛ ŋle lo nu nɔ le azan xiɔ mɛ kɛn gbɔ xwe klɔ ado seɔ agbɛ do jɔ tɔn ji. ³⁵ Ewɛ Piɛ lɔ be na ma ku kɔ doɔ mɔn ma gbɛ gbeɖeo ewɛ enukplavi de ye can lɔ enu lo kpo ɔ. ³⁶ Le eflɛn yesu sɔn efi kena ye yɔ be jɛt se mane kɔdoye ewɛ elɔ na enu kplavi ye be mi sinɔ efi gan mɛ na ma zɔn sɔn ɔŋkɔ na ma do xo eɖɛ . ³⁷ E kplan Piɛ kɔdo zebede evi ɔ we ye do ɔ gbɔn ewɛ ŋzin zin kɔdo ɔhlomɛ san kɔn mɛ . ³⁸ Elɔ na ye eflɛn be xo kla biɛ ŋzin zin mɛ ka ka do sɔn eku gbe minɔn efi ewɛ mi nɔn ɔŋkle kɔdo nm. ³⁹ Ezɔn sɔn ɔŋkɔn viɖe cɔn ɔŋkɔn awan ewɛ elɔ le ɖɛ xixomɛ be xo tɔ na anyin wiwa ɔ ɖe kɔ kpoɔ lɛ le ɔŋkon nam ŋka nyin le xo jro mɛ o vɔ naɖe ɔ jro ɖo . ⁴⁰ Elɛkɔ ba enukpla vi yé ewɛ e kpɔn yele ɔwlɔnmɛ. le eflɛn elɔ na Piɛ ŋkɔ mi kpe wu a nɔn ɔŋkle na gan xixo lokpo kɔdo uŋ mlɔ. ⁴¹ Mi nɔn ɔŋkle ewɛ mi xoɖɛ na mi ma do jɛ titin kpɔ mɛ . gbigbɔ le gbesisɔ pɛ vɔɔ agbaza ɔ gbɔjɔ . ⁴² Egɔ zɔn sɔn ɔŋkɔn ke ewɛ elɔ elɔ le ɖɛ xixo mɛ be xo tɔ na ŋma nyin wiwa be kɔ kpoɔ adɛn do na mɔn ma do nun na we jro nɛn nyin wiwa . ⁴³ Egɔ lɛ kɔba ke ewɛ ekpɔn ye dɔ ɔwlɔn ɖo ɔŋwlɔn bla ɔmɛ na ye. ⁴⁴ Le eflɛn egɔ lɛ le ye de egɔ xo ɛɖɛ jɔ tɔn gɔ kɔdo exo lokpoɔ li lɔ. ⁴⁵ Exɛntɔ godo yesu lɛ kɔ son ebe nukplaviye de ewɛ e lɔ na ye be mi kpɔtɔ le ɔwlɔndɔnu bo lé gbɔ jɛ nu keɔ E yɛ xe gan mɛ su ewɛ ya yi evi egbɛtɔn yi do asi mɛna enuvɛn wa tɔ ye . ⁴⁶ Mici te na mian lɛ eyɛ xe ɛmɛ kena ka kɔ uŋm dasi gogo. ⁴⁷ Gan mɛ na ekpɔtɔ le exo lɔnu ɔn Juda lokpo le siɔ we yemɛɛ ba. e ha susu kena lɛ le ɔvɔsatɔye de kɔdo etɔ mɛ xoye ba kɔde ye ba kɔ do adekpe ekpo ye . ⁴⁸ Ɛmɛ kena ka sa yesu elɔ na ye be ɛmɛ kena ma kpla asi kɔna ɛmɛ xɛn wɛ mi xwli. ⁴⁹ Zi nɔn kpe ba yesu de ɛwɛ lɔ ega ŋdo gbe nɔn ewɛ ekpla asi kɔnɛ . ⁵⁰ Yesu lɔ nɛ huan nyin wa enu ke gbee na ɔtɔn le eflɛn ye ba wli yesu . ⁵¹ Eyɛ xe ɛmɛ lɔ kpo le yesu emɛ ye mɛ dɔn e be ade kpe ewɛ egbo ɔto lokpo na ɔvɔsatɔ ebe emɛ sɛntɔ . ⁵² Le eflɛn yesu lɔ nɛ be yi we ade kpe i ɖo etɛn xwe ɖo emɛ siamɛ kena azan ade kpe ɔ a crɔn le ade kpe nu. ⁵³ Ɔsu sui be mɔn kpe wu ayɔ xo Iɔ ewɛ ewɛn zangun le jiɔn donu hugan siɔ we do hlan . ⁵⁴ Na ɖe wɛ win wlan ye a emɛ do na enu xɛn tɔ jɔ. ⁵⁵ Le eflɛn tro lo yesu lo na to gun ye be be mi ba kɔdo ékpo ye adekpe ye na mian do wli uŋ ɖi ajo tɔɔ ga sia gamɛ ŋnɔn nɔn ɔvɔ sa xɔ mɛ bo nɔn le enu kplanu ɛmɛ ye ewɛ mi ŋwli uŋo. ⁵⁶ Vɔ exiɔ tɛtɛ jɔ be na enu kena lɔɖɖo awan tɔ ye lɔ akpɔn emɛ biba le eflɛn enukplavi ye tɛtɛ si lɛ bo joe do. ⁵⁷ Ye mɛ kena wli yesu kplɛn kayifu ɔvɔsatɔ gade le efi kena ɛmɛ xo ye kɔdo enu kpla to ye si kribu ye. ⁵⁸ Piɛ kplan ye do ka biɛ ɔvɔsa tɔ gbo ekɔjo doxwe esi nɔn awan kɔdo sɔ ja ye na a do kpɔn enu kena a jɔ ɔ. ⁵⁹ Ɔvɔ sa tɔ ye kɔdo can mi ye le ka nu emɔn ya do ɖu ɛ lɛ lo do ta na yesu na ya do hwi. ⁶⁰ Ye ŋkpɔn ŋtio do zɔn evlo lɔ tɔ mɛ o ɛmɛ ɛ ɔwe ɖe ye ba bo le lɔnu be. ⁶¹ Nu sun xiɔtɔ lɔbe ŋkpe wu agba Mawu exɔ ewɛ ma glɔn gbɛ le awan gbin gban ɔtɔn mɛ. ⁶² Ɔvɔsatɔ ga ɔ ɔ cité lɔ nɛ be ŋle ka ɖa ewu ɔ Enu kena ye lɔ do xwe wuɔ . ⁶³ Vɔ yesu bɔ nu kpo ɔvɔɔ sa tɔga lɔ nɛ be ŋɖe gbe nɔn leɔ Mawu egbɛ gbɛ enyin kɔ mɛ na a lɔ na mi be ɔnyi kristo evi Mawu tɔn. ⁶⁴ Yesu ɖo ewu nɛ be ɔyɔ ŋtɔ nɔn lwɛ vɔ ŋle lɔ nun nɔ aba kpɔn evi gbɛtɔ tɔn asinɔn awan le hin hlɔn ɔlɔ aɖu si tɔn mɛ ewɛ a ba do zɔn sɛ xwe be ɔvidrɔ ji . ⁶⁵ Le eflɛn ɔvɔsatɔ ga vun ebe awu le lɔ nube e jɔ ɔgɔ de migɔ hian ku nu xo ɖe mi kpɔn mi ye ŋtɔ mi se ebe ɔgɔ jijɛ gbe. ⁶⁶ Na ɖe mi su sui ɖo ye ɖo ewu be e jɛ na eku . ⁶⁷ Ye tun étan do ɔ ɔŋmɛɛ nɛn gbɔ ɔto mɛ nɛ kɔdo ye lɔ ye. ⁶⁸ Le lɔ nu be lɔ ɖo awan nan mi kristo ɛmɛ kena xoɔ. ⁶⁹ Piɛ sinɔn awan le aga ji nyɔnu kpɔn ɛn ewɛ elɔ na emɛ kena le eflɛn kɔde be ɔ nɔn kɔdo Yesu Galilea tɔɔ. ⁷⁰ Vɔ egbɛ le ye kun si mɛ le lɔ nu be na mɔ nyɔn enu kena ɔ le lɔ nu. ⁷¹ Kena ele jɛ nu mɔn sɔn agbo jiɔ nyɔnu bu gɔ kpuɛn ewɛ elɔ na emɛ kena le eflɛn ye be nu sun xɛn tɔ enɔn kɔdo yesu nazarɛtitɔn . ⁷² Ewɛ egbɛ bo ta enu do eji mlɔn jesi nusun xɛn t ɔo. ⁷³ Zan de ba yi ɛmɛ kena le eflɛn ye ba piɛ de le lɔ nu be: kokoko ɔnyi lo kpo le ye mɛ ɖe xwe xolilɔ wli ɔ fluɔ. ⁷⁴ Le eflɛn etɔ gbi gbɛ etɔ enu tita mlɔn je si nu sun xɛntɔ o zinɔnkpe koko do se. ⁷⁵ Piɛ ɖɔ un expo ye kena yesulɔ nɛn ye: gbɔ xwe na koklo adose ɔ agbɛ un jɔ tɔn le eflɛn etɔn jaga ebo tɔ aviviji.