¹ Yesu, kena e bɔ ɛmɛ ciɔwɛ ye e na ye acɛ kɔdo hihlɔn do gbigbɔ vwɛn ye ji, kɔdo hihlɔ sisiɛn ɖe kena a dɔ ɔzɔn ye. ² Ezɔn ye do hlan be ya do jla Mawu be ɛwɛn nywɛn, ewɛ ya dɔ ɔzɔn na ɛmɛ na le ɔzɔɔn jɛ nù ye. ³ Mi ka hɛn enuti do agban mɛ do zɔn emɔn o, ewɛ elɔ ná yé, alo emɔn zɔnti, godokplɛ, ɔho kpɔnɔ́n (enuɖuɖu), kɔdo awu ɔwe do agban mɛ o. ⁴ Ɔxwe ɖe kpe mɛ kena mian byɛ mi nɔn emɛ, le eflɛn wɛ mian jɛ e gbɔn mɛ le. ⁵ Exwɛ, na ɛmɛ ye gbɛ miɔn, mitɔn le toxo xɛntɔ mɛ, mi hun hun mie be ɔfɔ kɔye na ado aɖasefo kpan ta ye. ⁶ Ye jɛ emɔn, ewɛ ye nɔn son toho ɖɛ do byɛ toho ɖe mɛ, bodo nɔnjla ɛwɛn nyɛn Mawu tɔn, ye bodo nɔn le ɔzɔn da nu na ɛmɛ ye. ⁷ Erodu kena nyi tétrake, se enu tɛtɛ kena le jɔnu, ɛwɛ súsú hwe de, ɖo ɛmɛ ɖe ye le lɔ nu be Jan wɛ fɔn sɔn kuto mɛ. ⁸ Na ɛmɛ ɖe ye Eli wɛ lɛ kɔ ba, ewɛ ɛmɛ ɖe ye cán lɔ be lɔ do awan lo kpo ɛwɛ fɔn son kuto mɛ. ⁹ Vɔ Erodu le lɔnu be, uŋ ná ye gbo eta lɛ le kɔnu Jan ɛmɛ nɔ we wɛ nyi ɛmɛ xétɔ kena ye le lɔ nu ebe xo wɛ ŋle senu? Ewɛ e le kánu be ya kpwɛn. ¹⁰ ená Apotru ye lɛkɔɔ, ye ɖo enu kená ye wa tɛtɛ be gbe na Yesu. ¹¹ E kplan ye jɛ ɔzɔga, le eto kená ye nɔ́ yɔ be Besayida be akpaji. ená ɛmɛ susu se ɔ, ye jɛ ɔgbɔ́n mɛ nɛ, Yesu yi ye be ɛmɛ jlo, e lɔ Mawu be ɔxɔluto mɛ xona yé, E dɔ ɔzɔn nán ɛmɛ kená le ehyán mɛ yé. ¹² Kena azantɔ dido ɔ, ye ɛmɛ siɔwe yé gogo ede, ewɛ ye lɔ nɛ bɛ: yan ɛmɛ ye, na ya sɔn ɛgle toxo ye mɛ, kɔdo efi kena lɛdo ye mɛ, ya dɔ flɛn kɔdo ya do kan enuɖuɖu, ɖo zogbeji wɛ nyi efi kená mí le ɔ. ¹³ Yesu lɔ na yé: myé ŋtɔ mi na enu ɖuɖu yé; vɔ ye ɖo ewu be: kpɔ́nɔ́n atɔ́n wɛ le misi, kɔdo ehwe ɔmɔ we, tɔ́nvo le ewu mi ye ŋtɔ keke wɛ asɔ́n xɔ enuɖuɖu ba ná yé. ¹⁴ Acee, ɛgbɛtɔ susu ɖikɛn kɔ́n atɔ́n dɔgbe Yesu lɔ ná ebe enukplavi yé: mi bɔ yé ɖo donu kanɖe ɔsiɔsi do akpa lokpo lokpo na ya sinɔn awan. ¹⁵ Ye bo wa kesí, ye bo na be ɛmɛ tɛtɛ bo sinɔn awan. ¹⁶ Yesu yi kpɔnɔ́n amátɔ́n yé kɔdo ehwe ɔmɔwe ye do ɔlɔmɛ, ewɛ kená E kɔta kpɔ́n ɔjihwle ɔ, E xo ɖɛ nywɛn do ye ji, egodo ɔ, E mán ye ná enukplavi ye be ye nɛmá ná ɛmɛ ye. ¹⁷ Ɛmɛ tɛtɛ ɖu bo jwɔdɔ, kpede kená kpɔtɔ, ye xotɛ yé do ajaxwi siɔwe mɛ. ¹⁸ Gbelokpo ci ɔzɔga do le eɖɛ xo nu, e kplan enukplavi ye da si, E kan exo se u ye: mɛnɛ ye lɔ be uŋnyi? ¹⁹ Ye ɖo ewú be: Jan Mawu sin lɛ na ɛmɛ tɔ, ɛmɛ ɖe ye lɔ be Eli, lɔ do awantɔ xoxo ɖe wɛ fɔn sɔn ekutomɛ ba. ²⁰ Ewɛ miye ya le, wɛ E kan ye se, mɛnɛ uŋ nyi. Pita ɖo ewu bé risto Mawu tɔn. ²¹ Yesu do esɛn na yé, be ye ŋka lɔ na ɛmɛ ɖe o. ²² E gɔ yi kpe, e jɛ be ɛgbɛtɔ be vi nusuvi ase vivɛ (a ɖu aya) susu, ɛmɛ xo ye gbɛ, ɔvɔsatɔ gbo ye gbɛ, kɔdo Sikribu yé, enan be ye hwi, ewɛ Efɔn sɔn ekutomɛ awangbigban ɔtɔn gɔ gbe. ²³ Esɔn eji lo be: na ɛmɛ ɖe le kánu be ya jɔ ɔgbon nam, enu le eɖe wu, le gbe sia gbe nɛ kɔ eba ɔtín soga ewɛ nɛ kplan xò dò. ²⁴ Ɖo ɛmɛ kená le kanu be ya hwlɛn ye gbɛ gan a bwi, vɔ ɛmɛ kena abwi do E mlɔn wutu a hwlɛn gán. ²⁵ Ewɛ ale nɔ we a tɔ́n sɔn emɛ ná ɛgbɛtɔ na xixemɛ nu ye tɛtɛ su e si, ná enyi be ecrɔ́n é dé alo ebu é dé? ²⁶ Ɖo ɛmɛ ɖe kenan do xo wu go do xo exo ye, enyan awa ɛgbɛtɔ vi nusun do é wu, gan mɛ ná aba lɛ kɔba le ébé kpikpa mɛ ɔn, ebe tɔn mɛ can kɔdo ɛwɛn zágún kikɔn ye tɔn mɛ. ²⁷ Uŋle lɔ nu ná mì le xonugbomɛ, ɛmɛ viɖé le ɛmɛn kena le efi, ye uŋma ku o, ná ye uŋkpɔn Mawu be ɔxɔlu to mɛ o. ²⁸ Kena E lɔ exo xɛntɔ ye bayi le awan gbigban atitɔn egodo Yesu kplan Piyɛ, Jan kɔdo Jaki, ewɛ E sɔ́n ɔsoji na a do xo ɖɛ. ²⁹ Gamɛ na E le ɖɛ xo nyɔn, ebe ɔŋkusimɛ lilɛ nínɔmɛ bu, ewɛ awu kena E do ɔ ewe bo le klɛn nu (da nú zo) ³⁰ Ewe kpɔn ɖa, nusun ɔwe bo le exo lɔ nu gɔ de Mose kɔdo Eli wɛ. ³¹ Ze le kikafu mɛ, do zɔ ebe lilɛ le Jeruzalɛmu na ɖe aba emɛ ɖo. ³² Piyɛ kɔdo etɔn ye, ɔwlɔ́n zi ye ji vɔ kená ye le ɔŋkle ɔ, ye kpɔn Yesu be kafu kɔdo nusun ɔwe kena le te kɔde. ³³ Gan xixomɛ nusun ye ka le Yesu de ɔ, Piyɛ lɔ nɛ be: ɔxwetɔ, enyɔn be mí anɔn efi: mi nɛ tun ɔvɔ xɔ ɔmɔtɔn, lokpo na ɔyɔ, lokpo na Mɔse, lokpo na Eli. Uŋnyɔn enu kena ele lɔ nu o. ³⁴ Kena e le exo lɔnu ke sí ɔ́n, ɔvidrɔ ɖe ciɔ́n ye, ewɛ enukplavi ye vivɔn hu yé kena ye do le ye be ɔvidrɔ mɛ bibyɛ ɖo. ³⁵ Le ɔvidrɔ mɛ egbe ɖé ɖi, bo le lɔnu be: Emɛ xiɔtɔ wɛ nyi xo vi Nusunvi kena uŋɖo ɔ: mi ɖo ɔtoé. ³⁶ Kena egbe ɔ ɖi, ekpɔtɔ Yesu lokpo nɔn, enukplavi ye bɔnu kpo o, ye ŋbo kan ase uŋ na ɛmɛɖé o, le gan xɛntɔ mɛ o zɔn enu kena ye kpɔn wu o. ³⁷ Ewangban gbe, kena ye ɖi le ɔsoji ɔ, ɛmɛ susu ba dogo Yesu. ³⁸ Ewɛ nusun lokpo tɔ abobo dido: ɔxwetɔ, uŋɖe ku kunɔn, kpɔn xo vi nusunvi ɔ de na, ɖo evi nusunvi lokpo kena le xosi lɛ xe. ³⁹ Gbigbɔ ɖe nɔ́ eji, ewɛ ha lokpo, e nɔ́ do awa, ewɛ gbigbɔ nɔ́ jo bwe gɔ do zigidi, enɔn wa ɔfutu kpɛ nɔ́tɔ́n le ɛkemɛ nɛ, uŋkpewu nɔn tɔ́n le lámɛ nɛ o ná ewa gɔ de jɔ hwɛn o. ⁴⁰ Uŋ lɔ na xwe enukplaviye na ya nyɛn tɔn, ye uŋkpewu do wɛ o. ⁴¹ Tamɛ siɛntɔ be kukan gbigble ye Yesu ɖo ewu, kaka do jɛ gan nɛ mɛ ma kpɔtɔ le gɔ do mi, ma do le do nu myɛn ji kplan xwe vi ba fi. ⁴² Kena ele gogo nwɔn, gbigbɔ vwɛn ɔn kwɛ xwu awanzan mɛ, ewɛ ejo bwe gɔdo zigidi vɔ Yesu bludo gbigbɔ makɔ́n makɔ́n ji, edɔ zɔn na eviɔ, ewɛ e kwɛ na etɔ. ⁴³ Ewɛ Mawu be gblagada nyinyi xo avo do ye mɛ tɛtɛ. Kena ɛmɛ lokpo lokpo le glonu Yesu be zan kena ele wanu kpɔn ɔ́n, E lɔ ná ebe nukplavi ye: ⁴⁴ Na mí ye ya ɔ, mì se nywɛn ɖe: Evi nusunvi gbɛtɔtɔn ɖo anyín zí zé do asimɛ ná ɛgbetɔ ye ( ya sɛna ɛgbɛtɔye) ⁴⁵ Vɔ enukplavi ye uŋse exo ɔ be ɔgbɔ́n mɛ o, na yé é ɔ, enu le cicɔ́n de na ye má do tɔn jɛ emɛo, ewɛ ye le vɔ́n nu ya do kan exo se wi. ⁴⁶ Ace e, susuɖé ba gbigbɔ mɛ na yé na ya do nyɔn mɛ hɔn kena le yemɛ. ⁴⁷ Yesu, kena e kpɔn tamɛ susu kena le ye jimɛ, e kplan evi lokpo eyi do ebe adamɛ. ⁴⁸ Ewɛ E lɔ na yé bé: ɛmɛ ɖe kpékpé kena yi viyɛ vu le xo nyikɔ mɛ, emlɔ wɛ e yi; ewɛ ɛmɛɖekpekpé yi uŋ, e yi ɛmɛ kená zɔ́n. Ɖo ɛmɛ kena nyi viyɛ vu tɛtɛ le mi ɛmɛ ɛmɛ xɛntɔ wɛ nyi mɛhɔ́n. ⁴⁹ Jan yi exo, ewɛ e lɔ: ɔxwetɔ mí kpon nusunɖe le nyan gbigbɔ vwɛn le xwe nyikɔmɛ ewɛ mi gbo mɔn nɛn, ɖo ŋnɔ́n kplan mi do. ⁵⁰ Mì ka gbo mɔ́n nɛ o, wɛ Yesu ɖo ewú na yé, ɖo ɛmɛ kena site do mi wuɔ, mi ye be ɛmɛ wɛ. ⁵¹ ena gán mɛ ná a lɛ le xixe ɔ mɛ élé gógó nu ɔ́n, Yesu ze gbeta be ya sɔn Jeruzalɛmu. ⁵² E zɔ́n ɛwɛndo tɔ ye jɔn ɔŋkɔ́nɛ ye bo jɛ emɔn bo byɛ samaryatɔ ye be kɔmɛ, na ya do kan exɔ nɛn. ⁵³ Vɔ ye uŋyi ebe ɛmɛjro o, ɖo E lé sɔ́nu Jéruzalɛmu. ⁵⁴ Enukplavi ye Jaki kɔdo Jan kpɔn kesi be nu ɔ́n, ye lɔ be: ɔxwetɔ ɔjro be myan na ezo ajɛté ewɛ abo fiɔ yéé? ⁵⁵ Yesu ɖe kɔ kpɔ́n ye, bo gbɛ ná yé do le lɔnu, mi uŋnyɔn gbigbɔ kena le mí kplán nu wo. ⁵⁶ Ɖo Evi ɛgbɛtɔ ye be kla bu wɛ nyio, vɔ ado hwɛn ɛgbɛtɔ ye be ekla gánwɛ. Ewɛ ye bo sɔ́n ekɔ bumɛ. ⁵⁷ Kena ye le emɔ́nji bo le sɔ́nu nusun lokpo lɔ nɛ bé: ɔxwetɔ efisiafi kena a sɔn, ma jɔ ɔgbɔn mɛ nɔn. ⁵⁸ Yesu ɖo ewu nɛ be: wata klɛ ye ɖo dɔxwe, ewɛ xɛvi ye cán do ɔdo, vɔ ɛgbɛtɔvi nusunvi yɔ uŋdo efi kena ayi eta yiɖo o. ⁵⁹ E lɔ ná mɛbu be: jɔ gbɔ nám (kplan xo do). Ɛmɛ ɔ́n (E) ɖo ewu be: ɔxwetɔ ɖe emɔ́n nám be má sɔ́n ɖi xo tɔ gbɔ xwé. ⁶⁰ Yésu lɔ nɛ be: jo ɛmɛ kuku ye do ná ya ɖi yé bé ɛmɛ kená kuye; ewɛ ɔyɔ sɔn jra Mawu be ɔxɔlu ɖu to be ɛwɛn nywɛn. ⁶¹ Ɛmɛ bu can lɔ: ma jɔ ɔgbɔ́n nɔ́, ɔxwetɔ, vɔ ɖe emɔ́n nám be ma sɔn byɔ egbe wu xo mɛ ye. ⁶² Yésu ɖo ewu nɛ be: ɛmɛ ɖe kpe kpe kena dɔ lɔ ezán mɛ, ewɛ bo le ɔgodo kpɔ́nu ɔgodo, uŋjɛ na Mawu be ɔxɔlutomɛ o.