¹ Enyɔn egodo ɔ, ɔhwetɔ ɔ gɔ can enukplavi kanɖe gban bú, eyɔwɛ éyiye ɔwe ɔwe ɖohlan toho alo finan eyɔ huntɔ ɖo asɔn ye. ² Élɔnan ye be: vɔ ezanwatɔ vide kwele mibiɔ ɛmɛ nan ekpa acɛnan ayi ezanwavi le. ³ Mísɔn; eyɛhe hunyi mi ɖohlan ɖikɛn ɛlingbɔ le ehlaye ecɛncɛnmɛ. ⁴ Mika yi ɔgɔ o, alo saki o, alo ɔfɔkpa o, eyɔwɛ míka do egbe nan ɛmɛti le emɔnji o. ⁵ Ɔhwe kanan mɛ mianbiɛɔ, mianlɔ kehungbɔ hwebe fifa ninɔn gɔdo mí! ⁶ Nan evi fifanɔn ɖeɖe eflɛn ɔn, miye fifá anɔn eji: enyɔ ego do ɔ, alɛkɔba mide. ⁷ Minɔn ɔhwe nyɔntɔmɛ mianɖu, miannu enunan ya nan míɔn: do ezanwavi do ayi exo. Mikazɔn ɔhwe tɛtɛ mɛ o. ⁸ Toho ɖe yemɛ nan míanbiɛ ɔ, eyɔwɛ yayimiɔn, míɖu énunan yanan míye, ⁹ Migbɔ ɔzɔn nan ɛmɛnan éleflɛn ye, ɔyɔwɛ mianlɔ nan yebe: ɔhɔluɖuto mawutɔn nɔn gogomi. ¹⁰ Vɔ toho ɖeyemɛnan míanbiɛ yemɛ ɔn, eyɔwɛ yehun kayi míɔn, miɔnn mɔnji, eyɔwɛ míanlɔbe: ¹¹ Mi húhú ɔfo hunhun miye tohotɔn nan etɛdo ɔfɔnan miye; mían nywɛn be ɔhɔluɖuto mawutɔn nɔn gogo. ¹² Hunle lɔnu nanmi gan yɔtɔmɛ be: yeguasaya nan etoyɔn hugan soɖɔmu. ¹³ Axélu nɔn korazin! axelu nɔn Betesaida! Doɔ ɔŋdan ŋdonu na ejɔle míye cɛnɛnmɛ, nan edojɔle tyr gɔdo sidɔn, yanɔn lwɔ ɛdín siɔ anɔndin yayi saki gɔdo ɔfín. ¹⁴ Eyɔwɛ nan, kojo ɖiɖo eganmɛ on, tyr gɔdo sidɔn yehunka sa ayanan ye susu dikɛn miye o. ¹⁵ Ɔyɔ kapɛnan humu, kenan yekɔdosɔn ɔjihwleɔ, yazin ɔn do edo kaka asɔn yɔdomɛn. ¹⁶ Ɛmɛ nan eɖo ɔto wumìɔn, eɖo ɔtowu emlɔn san ɛmɛnan ŋyi miɔn ŋyi emlɔn san o; eyɔwɛ ɛmɛ nan egbɛhun ɔn egbɛ ɛmɛ nan eyihun ɖohlan ɔn. ¹⁷ Enukplavi kanɖe gban ye lɛkɔba gɔdo jijwɛ bole lɔnube: ɔhwetɔ gbigbɔ mankɔn mankɔn yehun tɔ sɔndonan mí le hwenyinkɔmɛ. ¹⁸ Yesu lɔnan yebe: ŋkpɔ n satana jawan le ɔjuhwle dikɛn kiklɛn. ¹⁹ Eyɛhe ŋnan ocɛwum be mianzɔn edan gɔdo kéklé ji, gɔdo hinhlɔn kintɔ tɔn tɛtɛji; eyɔwɛ yehunkpeji awa enuti na mio. ²⁰ Enyɔ́n égódo ɔ, mika kpɔnjijwɛ be ahɔnlin sɔn edo nan mio; mikpɔn jijwɛbe miye nyinkɔ nyinwiwlan le ɔjuhwle. ²¹ Le gannyɔntɔmɛ keɔ Yesu jwɔ gɔdo jijwɛ nan gbigbɔ kikɔn, élɔbe: ŋle kpanu ɔn, otɔ Tɔhonɔn ɔjihwle gɔdo awa zantɔn, do ɔ ɔhwla enu yɔtɔye do nunywɛ zinzintɔye gɔdo nunyɔntɔye, eyɔwɛ ɔyixlɛ ɖɛkɛye ɛ, étɔ ŋlekpanu ɔn do ɔjlo kesin. ²² Otɔ yi énutɛtɛ yinan hun eyɔwɛ ɛmɛti ŋnyɔn ɛmɛ nan enyi éviɔ o, ŋnyi etɔ ɔ, alo ɛmɛnan enyi etɔ o, nan ŋnyí évi ɔ gɔdo ɛmɛ nan évi ɔ kaɖe eɖe hlɛ. ²³ Eyɔwɛ elɛkɔkpɔn énukplaviye, elɔnan yele tajibe: Tanywɛn nɔnwɛnyí ɔkusi kenan elekpɔnnu enu nan míle kpɔnnu. ²⁴ Do hunle lɔnunan mìbe mawu é ɛwɛyi dotɔ gɔdo ɔxɔlu ye lekannu akpɔn énukena mì le kpɔnnu ɔn, eyɔwɛ yehun kpɔno, yase énukena mile senu ɔn, eyɔwɛ yehun se o. ²⁵ Ɖɔkita esín kpla ɛmɛtɔ lokpotite, bolɔ nan Yesu, nan ado ɖehlɛbe: cica nukɔwɛ manwa mando ɖo ɛgbɛ mankpo mankpo o? ²⁶ Yesu lɔnibe nukɔ ye wlando ésín ɔn mɛn o? nukɔ ɔlehlɛnu o? ²⁷ Eyigbe be: anyínwan Tohonɔn hwe Mawu gɔdo hweji tɛtɛ, gɔdo hwe ɛgbɛ tɛtɛ, gɔdo hwe hinhlɔn tɛtɛ, gɔdo hwe línlin, gɔdo hwewegɔ ɔ dikɛn oyɔhuntɔ. ²⁸ Yesu lɔnibe ɔyigbe nywu ɛnde: wasi kesin eyɔwɛ anɔn ɛgbɛ. ²⁹ Vɔ eyɔ kakan ɛhwɛ jijɔ, elɔnan Yesu be: mɛn ɛn wɛnyín ɔwegɔ o? ³⁰ Yesu gɔyiho bolɔbe dahwe lokpo lesɔnnu Jeruzalɛmu le Jeriko. Ejɛ ajotɔye é ɔlɔmɛ yebɛ enuye le esi bohwe, bolɛ bo jivedo éku afan ɛgbɛ san afan (bele bele). ³¹ Ɔvɔsatɔ lokpo, jɛte do enɔn lokpo ɔ ji vlafo, kenan ekpɔn dahwe ɔ, ezɔn akpalokponi. ³² Ɔkunkan ésín kpatɔyetɔn lokpo jɛ tinhwɛ lokpo ɔ mɛ, kan ekpɔn ɛn ɔ, ezɔn akpalokponi. ³³ Vɔ yɛhwe sinto lokpo, kenan kazɛ ɛxwɛn, kenan ejɛ eflɛn on dahwe ɔ énuwa ɔhun zizizinni kenan ekpwɛn ɔn. ³⁴ Égogwe bo bla abiyeni, boɖo ami gɔdo vin énukpani, bo kwɛɖo ésɔji, ekunwi dosɔn ɛgbɛɖuhwe lokpo bokpwɛnji. ³⁵ Ewangbangbe ɔ eyi ɔxo ɔwe yinan ɛmɛ nan enɔnkpɔn ɛmɛji ye ɔ be yawliboni, nan enyibe ɔgɔzan hugan kesín ɔn, nan ŋlɛkɔ ɔ man yinɔn. ³⁶ Le ɛmɛ ɔtɔn yem ɛn ɔn ɛmɛ nɔnwe wɛnyi dahwe nan ejɛ ajotɔyé é ɔbmɛn éwegɔ o? ³⁷ Emɛnan ewa ɔhun zinzin kunan ɛmɛ ezan ɖohlan edo wɛ ɖɔkita ésinkplatɔ lɔ̀ eyɔwɛ Yesu lɔnibe sɔn eyɔwɛ ɔyɔsan awasi kesin. ³⁸ Kenan Yesu le emɔnji lesɔnnu godo énukplavi ye ɔ, ebiɛ kɔhwe lokpomɛ eyɔwɛ nyɔnnu lokpo kenan yenɔn ylɔbe mata, yido ɔhwemɛ. ³⁹ Éɖo nɔnvi nyɔnnu lokpo, kenan yenɔn ylɔbe mari ɔ, mari ɔ, sinnɔn awando ɔhwetɔ ɔ ekɔnmɛ bolésenu ého. ⁴⁰ Mata lé ɔhwemɛ zan ye wanu, boba Yesu de bolɔni be: ŋ́lewanu nutinɔn be onɔnvi jo emlon lokponɔn do hunbo le ezanwanu ɔ́n? lɔnibe abɔdo owu. ⁴¹ Ɔhwetɔ ɔ yigbenibe: Máta, Máta, ɔle hlɔnnu bole tagba jɛnu nan énu sùsù. ⁴² Enu lokpo wɛle taji Mari yi akpahwe zantan ɔn; kenan yehun kpewu ayi lé ésio.