1 Abe lokpowɔ, Yesu le eɖɛ xonu le tinxue ɖe, kena eɖo tewɔ, enu kplavi yé lokpo ba e de Mawu xlɛ mi eɖe xixo, ɖikìn kena jan xlɛ edevi ye dɔgbe. 2 Yesu lɔ na ye be: na mika xo ɖewɔ, nialɔ be: niye tɔ ke na le wɔjihle xe nyikɔ nɛn nɔkikɔn ɖe, eyɛ xewɔ luɖuɖu wɔ nen ba. 3 4 Na ni, miye a ŋun gbigban tɛtɛ enuɖuɖu. Yi mi yé wɔgɔ yi kɛ mí, ɖiken kena can nɔn yike ɛmɛ nada le miji dɔ gbewɔ kana mi ajɛtin kpɔn Mɛwo. 5 Yesu gɔsɔn eji na enukplavi yé, na mɛɖe le mimɛ, bosɔn ehan nyi de le azan domɛ: lɔ ni be: xohuan nyi, nyan kpɔnɔn wɔtɔn na ŋun, 6 do be xohan nyi ɖe ba nas sun le ajiji mɛsiɛ, eyɛ nuti ŋun le xosi manisiɛ aɖuwo: 7 eyɛ ehun nyiwɔn a nɔn exɔdɔmɛ aɖo wuni be: kado akatɛ na ŋun ŋun nɔnsu xohɔn mlɔ kɔdo xoɖɛkeye nɔn ayinɔn. 8 Ŋun le lɔnnu na mibe, na ŋun si té yi ni, do xohuanyi na nyi wutuwa; ɖo mɛdetɔ ma ba ɖunyan wutu wa, yafɔn le le edɔ zanji eyɛ ayi enutetɛ na ehuan nyi le kanwɔ ayini. 9 Eyɔ wutuwɛ ŋunde lɔ nu na mi be: miabiwɔ enu, naye a nami, mikan mikan miankpɔ; mi xonɔn ya hui na mi. 10 Do be na mɛɖé biɔ enuwɔ ya ni, na mɛmɛ ɖe kpe ka nu wɔn akpɔ yi, eyɛ sisɛmɛ na xuxu ehɔn ya humi. 11 Etɔ nɛwe le mimɛ na evi biwɔ ehewiwɔ ayi edan yi mwo. 12 Alo naye bie koklo zinwui ayi kekle yidɔ wɔ mɛ niwo. 13 Na mi, ɛmɛkena nyi enunyi nyrawa tɔye ŋuntɔ can, mi nyɔn naɖe na miana enuwu miye ɖe kɛɖo, na ɖe wɛ anyi miyétɔ kena le sexueto mɛwɔ eyɛ wɛ ma na gbigbɔn kikɔn wu ɛmɛ na le biwɔ nu wiwa. 14 Ele nyan gbigbɔ tɔn le exo ma lɔ tɔye mɛ gbe lokpo, eyɛ kena gbigbɔ vuɛn tɔntejɛ exo lɔji eye ɛmɛ na bɔleflin yewɔ tɛtɛ gbado. 15 Vɔ, ye tɔn ɖe ba le lɔ nube alo Belzebul gbigbɔ vuɛn wɔxɔ lu ŋunsunwɔ, eyɛ wɛ edole nyanu gbigbɔ vuɛn yé. 16 Nɛn yado tinkpɔn, mɛ bu ye can, le binu wu nɛgɔ sɔn lin nuɖé nɛn ya nyɔn be elɛ Mawu ɖé do ba. 17 Kena Yesu nyɔ susu naye le ɖe nuwɔ, elɔna ye be: wɔ xuxue ɖekpékpe kena ŋun le gbe lokpo donu wa enɔn gbá à, eyɛ ywɔ xuedo ye nɔn crɔn. 18 Na mima le Satani wɔ xɔlu ɖuɖu mɛwɔ, na ɖe wɔxɔlu xe ahɛn ɖo alikewo? Ɖe mi le lɔ nu be Belzebulu enyikɔ mɛ wɛ ŋun vuɛn ye nyan nutɔn le. 19 Na gbigbɔ vuɛn ye wɔxɔlu ji ŋunzɔn do nyan gbigbɔ vuɛn yéwɔ exɛn wɔn mɛ, miyé ɖɛkɛye ɖe, mɛnɛ jiwɛ ye nɔn zɔn, do nɔn nyan yéé wo? Yéé ŋuntɔwɛ nyi kojo ɖotɔ yé. 20 Vɔ, na nyi be Mawu ehihlɔn wɛ ŋun ɖo le nyan yewɔ, minyɔn be Mawu wɔxɔluɖuɖu ebiɛ mi ye cincin mɛ. 21 Na ŋunsun kpɔn ɖe bla akpa, le cɔnu yɔbɔ xɔlu xewɔ, enuye wɔ nɔnɔ egbe sisɔmɛ ni gbagba. 22 Vɔ nan nusun bu gɔle hugan wuwɔ vɔ le wɔvu kpenu kɔdiwɔ, eboɖu éjiwɔ, enɔn yi ahanwanuyé kewu na enɔn do ji wɔ le esi, eyɛ enɔn ma enu na eleyi le esiye. 23 Emɛ na ŋun le xojiye wɔ cité do xowu, eyɛ ɛmɛ na ŋutile can nu enu le bɔnu kɔdo ŋun yewɔ ye mɛ tɛtɛ gado. 24 Na gbigbɔ makɔn-makɔn tɔn le mɛɖe mɛwɔ, enɔn le dan nuzɔ tɛn xuxuye, nɔn vivo tinxué. Vɔ nan ŋu kpɔn ti xue tiwa, enɔn lɔbe: ma gbɔ jɔɛsɔn wɔxemɛ na ŋuntɔ le wɔ. 25 Na e lɛ kɔ ba wɔ, eyɛ eba kpɔn be ye nɔn kplɔwɔxu ɔ mɛ wɔ, ejra enu ɖo gan jiwɔ. 26 Ganxɛ ŋɔn tɔmɛwɔ, enɔnsɔn kplan gbigbɔ vuɛn aciwowe, kena gɔnyranhu wɔyɔ ŋuntɔ, ɖonɔn kpé éɖé donɔn ba eyɛ e nɔn bi yɛ ɛmɛ mɛ nɔnɔn ba nyranxu san. 27 Vɔ, kana Yesu le exoxɛntɔ le nuwɔ, nyɔnu ɖe kɔ egbesɔn wɔjihlé lɛ ɛmɛ yemɛ le ni be: Mawu tunsi na nyɔnu wɔ dɔmɛ na wɔnɔn eyɛ wɔgɔ nɔn énɔn? 28 Vɔ, Yesu ɖo ewu ni be: ce, vɔ, ɛmɛ na le Mawu xo wɔse nu, eyɛ ele wanui de jiwɔ bonyi ye wɛ ya tusina. 29 Siwɔ, kena wɔtoguwɔ babɔle Yesude wɔ, elɔna yé be jijimɛ xewɔ tɔyewɔ mi vuɛn kéé le kannusɔli eŋun ka na tiwuye wo, dotɔvona jona ejesidowo. 30 Ɖo ɖikin kena jona nyi sɔnlin na nini vutɔ ye wɔ, dɔ gbé wɛ ɛgbɛtɔ evi san nyi sɔnlin na jiji xɛn ye san. 31 Le kojoɖo zangbe wɔ, le wɔ xumɛ wɔxɔ lu nyɔn wɔn acite do jijimɛxe wɔwu, eyɛ ya dohue do mi agba ŋun gba, dobe eyia ŋun zan egogloxuye be ye a se Salumɔn exo keme na enu nyinyɔn le; vɔ mikpɔn ɛmɛ bu gɔ le wu Salumɔn. 32 Ninivutɔye ya site, le kojo ɖo zangbe domi, jijimɛ wɔ xewu eyɛ ya dohué ye mi gbagbaa, dobe elɔ édin, kena nyi be janasi lɔ ma wu xo na ye wɔ. Vɔ ɛmɛɖe le fi hugan jonasi. 33 Emɛ tiŋun nɔn ta zogbin keŋun donɔn hla do zagbɔn, alo nɔn yi enu cɔndio, vɔ enɔn yi ɖɔ wɔjihléé, eyɛ a le tita na ɛmɛ kena ba wɔ xuwɔ mɛye. 34 Xue wɔŋun kunsiɔn le ɖikin zogbin na yɔ ŋuntɔ xueɖe ble bu. Na xu wɔ kunsin le zantan, xue ninɔn mɛ a kɔn, vɔ na xuwɔ ŋukusi ŋun le nyinɖe wa, wɔ yɔ ŋun mɛtinu adɔ zuvlu. 35 Eyɔ utu, kpɔn wedeji nyɛnɖe na kinkɔn kena le wemɛn ɔn, ŋu ka dolɛ zun ɔzuvlu o. 36 Na ɔyɔ mɛtinnu we mɛn kɔ̀n na akpati ŋu ɔzɔvluɔ̀, we emɛntin nu akɔn keŋu keŋu dikin kena kikɔn nɔ klin ɖo le wemɛn dɔgbe. 37 Kena Yesu le exlɔnu ɔ̀n farizi de ye kpebe ni ba ɖúnù gɔdo ye kesinwɛ exin nɔ awan, le ɖúnù enún. 38 Ekpaca farizi ɔ be Yesu ŋuklɔ asi do jufuye etitoji gbɔxue do le ɖúnù enù o. 39 Tɔhonɔ lɔni be: miye farizi ye, minɔ klɔ mie kɔkpo gɔdo gannu ye euju, vɔ mie jimɛn ju ɔ gɔdo afinfin, gɔdo nuvɛn wiwa. 40 Yɛyinɔye! ŋu nyi emɛn kena wasi ɔujuɔ kewasi emɛn sàn? 41 Miyi enu kena le emɛ̀n yina wamɛn nɔn ye, ganxiɔn mɛn ɔnenutɛtɛ u a kɔn na mi. 42 Baba ɖe na mi fariziye, do mi nɔna egbe hwɛn zotlitli gɔdo egbe kui bu yetɛtɛ e mado ɔsiɔsi gɔ́, vɔ minɔ gbɛ enu jijɔwiwa gɔdo Mawu ninuɔn eyɔ! enu xiɔ ye wɛ ejɛbe mia wa tantɛn, mina jo eɖ ɔye do ó. 43 Babaɖe na mi, fariziye, ɖo mi nyiwan na ega zikpeji ninɔ le ɔgunmɛn, mibonɔ kan be ye dogbe na mi gɔ do bubule agboji! 44 Baba ɖe nami, mile ɖikɛn eyɔdo mɛn kena un nɔze ò, emɛ yenɔzɔn ejile manyɔɛnmɛn dɔgbe. 45 Esɛnkplatɔ edomɛntɔ lɔkpo lɔna Yesu be: enukpla mɛtɔ, ɔlezun nu mi ye can le exoken ɔlelɔnu ɔmɛn. 46 Yesu eu ni be: baba na mi esɛnkplatɔye can, domi nɔ ɖiɖa agban kpinkpɛn, emɛn ye, vɔmiye ŋutɔmi ŋunɔ do ɔlɔvi lokpo eu be yedo kpe do eɖiɖatɔ u o. 47 Babaɖe na mi! ɖo mi nɔjla Mawu elɔ ɖo awan lɔtɔ yee yɔdo ɖo, vɔ mie tɔgboye wɛhu ye. 48 Kesin wɛ, mi zunkun nu ɖetɔ, yibe do mie lɔgbo ye enuna yewaji, ɖo ye wɛhu Mawu exolɔɖo awan lɔlɔ ye, mi ye mibo jlaye yɔdo ɖo. 49 Exiɔ utu wɛ Mawu enunyɛn lɔbe: ma zɔn lɔɖo awan lɔtɔ gɔdo emɛn zinzɔn ye ɖo xwlan ɔ́; ahu eɖeye, ajɛ ɔgomɛn na eɖe ye. 50 Kesin wɛ Mawu a dɔn ɔto na mi jijimɛn xiɔ ɖo elɔɖo awan lɔtɔ yeu lekaka egbɛ ebibɛnu wutu. 51 Bɛle Abɛli eku ji kaka doba zakari kena ye nu le ɔvɔsakpe ɔ gɔdo kinkɔn xue ɔ̀ e cɛncɛnmɛn ɔnji ɛn ŋu le lɔnu na mi be, ye dɔn ɔto jijimɛn xiɔ, do wiwa xiɔ utu. 52 Baba na mi esɛn kplatɔ ye! mide enunyɛn esanfelɛ; mie ŋutɔ ye mi ŋu hunwi biɛ emɛ o mi gɔ gbɛna emɛn kenjlo kabiɛ emɛn ye san. 53 ena Yesu lɛle eflin ɔn, esɛnkplatɔye gɔdo Fariziye sin ɔxomɛn doe ŋutɔ. Ye kan exosevi do enu susuu, 54 Ye bo le kpli mɛn ni be alɔ exo kemɛn na yea wlilè ɔ.