¹ Le exiɔ egɔdo ɔ, Yesu zɔn emɔ do zɔn etogbogboye mɛ gɔdo kɔfe yemɛ le donu Mawu e ɔxɔluɖu ewɛn na emɛye nukplavi siɔwe ye bɔdo eu. ² Nynu ɖe ye can kplan ye do; yenya gbigbɔ vɛn tɔn le yemɛ, ye gbɔ ɔzɔnna ye. Nyɔnu ye wɛ nyi: Mari Madalatɔn, emɛ kena gbigbɔvɛn acowe tɔn le emɛ ɔ̀, ³ Joana ke nanyi kuza, Herod enujikpɔntɔ esi, gɔdosuza na, gɔdo nynu susu buye. Emɛ xiɔ yeyiye ŋutɔ ye nu dokpɔn yesu gɔ do enukplaviyeji. ⁴ Emɛ yebo nɔ lɛle etosia etomɛ bo nɔ ba ede, kena ahuankɔn susu babɔ lɛ doe ɔ, Yesu do ɔlona yebe: ⁵ enudotɔ ɖeye tɔnka sɔn do enu kena ele donu enu ɔ̀, eɖe ye jɛ emɔnto; emɛye do ɔfɔyeji, exɛ yeba can ye ɖu. ⁶ Eɖeye can jɛ ekpɛn wanzanji, kena ye wule gbɔnnu ɔ̀, yeku, ɖo ye un kpɔn esin ò. ⁷ Ebuye jɛ ɔŋuja yemɛ, ɔŋu ja ye wu, bo cɔn ye ji. ⁸ Eɖeye jɛ awanzan zantan ji, ye bosɛn ɔkun; lo kpo lokpo sɛn ɔkun kɔnwɛ cɔnwe. Kena Yesu lo exoxiɔ ye Jɔhuɛn ɔ̀, eɖo esutana be: emɛnaɖo ɔtosenu ni se. ⁹ Enukplavi ye can ɔlo ɔ egbɔnmɛ seui. ¹⁰ Elɔna yebe miyewɛ yena be miannyɔn ma wu eɔxɔlu ɖuɖu eamlimannuye, vɔ ekɔtuɛyeɔ enu ye tɛtɛ le ɔlo didomɛna ye, kesin be: Yeakpɔn enu co ye un katɔn jɛ emɛò; yea senu gankeye unka seegbɔnmɛ ò. ¹¹ Ɔlodido ɔ egbɔnmɛ lɛxe: nu kun kena ye do ɔwɛnyi Mawu exo, ¹² kena jɛ emɔnto ye wɛnyi emɛkena, nɛn yese exo ɔ, lɛgba nɔba, bonɔ ɖeyele ejimɛ na yena ye un kado yise ò, na yeado hwlɛn ye gamò. ¹³ Nukun kena jɛ ekpɛn ji yewɛnyi emɛ kena, nɛ yese exo ɔ, yenɔ yí gɔdo jijɔɛ vɔ ye ŋudo ɔɖo do ò. Yenɔ yis sena ganmɛ vi ɖekpoŋu, na tintɛn kpɔn bá, yenɔ lɛkɔ. ¹⁴ Nukun kena jɛ ɔŋujamɛ yewɛ nyi emɛ kena se jɔhuɛn, eyɔwɛ le egbɛ emɔnjiɔ, gbɛmɛ enu ye, e ɔdukunnu ye gɔdo gbɛmɛ nunyiwanna ye nɔba fiɔnye, enɔzɔn ye ŋu nɔ sin yedo sɛn ɔkun ò. ¹⁵ Vɔ enukun kena jɛ awanzan zatanji wɛ nyi emɛ kena, na ye se exo ɔ̀ yenɔyi do eji zantan kena nɔ sɛn ɔkun zantanmɛ, enɔ wlibona ye, gɔ do vivɛnu dido kaka yenɔ sɛn ɔkun. ¹⁶ Emɛti un nɔ tazo gbɛnbonɔyi ezɛn yicɔn doe, alo ayido abatin gbɔnmɛò; vɔ yenɔ yi do zogbɛntiji, na do kɔnna emɛ kena aba ɔxue ɔmɛye. ¹⁷ Enuti ŋule hwihwla un ma jɛ agbaŋugba ò, kesin kewɛ enuti unle ɔzinmɛ wɛ un jɛ ama ò. ¹⁸ Miwli ɔto nyɛnɖe do exo kena mile senu ye u ɖo emɛ sina enule ɔ, wɛ yea gɔna enu, emɛ na nuti unle esio ayea gɔyi enuvitin kena ekpɔn be ele yesiɔ le esi. ¹⁹ Yesu enɔ gɔdo enɔvi yeba ede, vɔyeŋu kpeji gogoeo, ɖo ahuankɔn ye utu. ²⁰ Emɛ yesɔn lɔna Yesu be: wenɔn gɔdo wenɔviyele agbo ji le kannu ɔ̀nbe yeakpɔn. ²¹ Vɔ elo emɛ ye be: xo nɔn gɔdo xo nɔnviye wɛnyi emɛ kena le senu Mawu exo ye, ye bo lewanu do ejiɔ. ²² Gbelokpo, Yesu biɛtɔ jihunmɛ gɔdo enukplaviye. Elɔna ye be: miba mian gbotɔ jɛ adaɖe ɔ kesinwɛ, ye jɛmɔn. ²³ Kena yele etɔjiɔ, Yesu dɔ ɔŋulɔn ganxiɔnmɛ ɔ̀, Jɔhɔn vudu vudu ɖe ye hun le etɔji, esinbo le donu ehun ɔ̀n, ehun ɔnka zɔ̀ eyɔwɛ ye gbɛbiɛ ciclɔnmɛ. ²⁴ Nukplavi ye ba Yesu de, yefɔn ɛn lɔni be: ɔxuetɔ, ɔxwetɔ, mi le clɔnnu." ²⁵ Yesu fɔn, eblu do Jɔhɔn gɔdo amli ɔ̀n, ye dabotɔte, a dabodo. Yesu bo kan enukplavi ye se be: mie yisele? Vɔ ye vɔn, ye kɛn yaà, ye bole vannu yeɖe sebe: emɛ nɔwe ŋutɔ toŋ wɛnyi emɛxiɔ ò? enɔ ɖegbe do jɛhun gɔdo esin can yebo nɔ ɖo ɔtovi. ²⁶ Yesu gɔdo enukplaviyeba jɛ awanzan kena jɔɔŋukɔn Galile ɔji. ²⁷ Kena etɔnle ehun ɔmɛ jɛ aga à, eto ɔmɛ eŋu sun ɖe, kena gbigbɔ vɛn leɔ bakpé. Edɛn ŋusun ɔn un gɔdo awukpɔn o, ŋu nɔ nɔn ɔxuemɛ can o. Yɔdo ye ecɛn cɛnmɛ kpoŋwɛ enɔ nɔn. ²⁸ Kena ekpɔn Yesu ɔ̀ edo abobo ebo jɛ ɔklo le ɔkɔnmɛ ni, lɔ gɔdo abobo be: Yesu Mawu ɔjihwle bo òtɔn evi, exo nɔwe wɛ le emlɔn gɔdo, ecɛncɛnmɛ ò? Ŋle blibɔnu nɔ; ka do aya na ŋu ò. ²⁹ Elɔ exo xíɔtɔye, ɖo, Yesu ɖegbena gbigbɔ makɔn makɔn be ni tɔn le ŋusun ɔn mɛ. Bleblewɛ gbigbɔ nɔ cabà bonu wɛn ɔfɔ gan ye; gbigbɔ vɛn nɔ nyan do gbe. ³⁰ Yesu kanse vibe: wenyikɔle? eɖo eu nibe: Ahuan." elɔ kesin, ɖogbigbɔ vwɛn suwɛle emɛ. ³¹ Gbigbɔye bo ɖe kuku na Yesu be, kanyan doxlan ɔzimɛ ò. ³² Vɔ ehan susu gbagba le ɖunu enule ɔso ɔji gbigbɔ vwɛn yeɖekuku na Yesu be, nɛna ye emɔn na yeabiɛ ehan yemɛ kesin wɛ Yesu na mɔn uye. ³³ Gbigbɔ vwen ɔtɔnte emɛ ɔmɛ, sɔn biɛ ehan yemɛ ehan yexo ɔzinle ekpo o mɛ sɔn etɔmɛ, yeboku etɔ ku. ³⁴ Kena ehan nyitɔ ye kpɔn enu kena jɔ̀, ye si, ye sɔnlɔ enu kena jɔle eto gɔdo kɔfe yemɛ. ³⁵ Emɛ tɔn be yeakpɔn enu kena jɔ̀ yeba Yesu de, yebo kpɔn emɛ kena gbigbɔ vwɛn tɔn le emɛ ɔ̀ exinnɔawan le Yesu easamɛ. Edoawu, eayi sɔgbe ɔvivɔnbo jɛyeji. ³⁶ Emɛ kena kpɔn enu xiɔye etɛnxue yelɔ kena Yesu hwlɛn emɛ kena gbigbɔ vwɛn le emɛgan ɖona ye. ³⁷ Kesin Gadara eawanzan jitɔ yeba ɖekuku na Yesu be, nɛ tɔn le ye cɛncɛnmɛ ɖo ɔvivɔn huye untɔ Yesu biɛ tɔ jihun mɛ, bolɛkɔ. ³⁸ Emɛ mɛ na gbigbɔ vwtɔn le ɔ, ɖekuku be yeanɔ eɖe, vɔ ɖoe ɖoxwlanbo lɔni be: ³⁹ lɛkɔ sɔnwe xuemɛ, na aɖe enu kena Mawu nɔtɛtɛ yixlɛ ŋusun ɔn lɛ, bosɔn le jlanu enukena Yesu wani ɔn le etoyetɛtɛmɛ. ⁴⁰ Kena Yesu lɛkɔ gbɔn ahuankɔn ye yikɔdo ji jɔɛ, do ye emɛ tɛtɛ le ete lekpɔn nu egbigbɔn. ⁴¹ Ŋusun de kena enyikɔ nɔ nyi Jayiro, ebonyi bibɔxueɔ ega, bajɛ ɔkole asmɛ na Yesu. Eɖekuku nɛ be, nɛbaye ɔxuemɛ, ⁴² ɖo evi nynu akoŋgo kena ɖo ɖikɛn exue siɔwe dɔgbe ɔ, le nyan nu eku xɛ̀ kena Yesu jɛ emɔnlesɔn nu ɔ̀ ahuankɔn susule Jan nui. ⁴³ Nynu kena le ɔhun ɖiɖe ezɔn jɛnu ɔ̀, sɔn exue siɔwe jɛ emɛ yegbɔn. ⁴⁴ Ezɔn Yesu egɔdo, tɔ ɔlɔ eawue ɔtomɛ tlolo ɔ ɔhun ɖiɖe ɔnɔ ete ni. ⁴⁵ Yesu kanse be: mɛ wɛ tɔ ɔlɔ wu ŋu ó? vɔ kena emɛye tɛtɛ gbɛ ɔ̀, Piyɛ lɔni be: ɔxu etɔ, ahuankɔn yewɛle Jannu ɔ̀, le zinnu ɔ. ⁴⁶ Yesu lɔ be: emɛ ɖe tɔŋu ɔlɔ ŋunyɔn, ɖo hinhlɔn ɖe tɔn xo mɛ. ⁴⁷ Kena nyɔnu kpɔnbe Yesu nyɔn enu kenaye wà, ele sisɔnu ebo zɔnba. Ejɛ ɔklole Yesu e ɔŋkɔŋ, ebobenu ewutu na edotɔ ɔlɔ Yesu, gɔdo kena ɔzɔn gbɔ ni tlolo ɔ̀ ɖo, le emɛtɛtɛ e ɔkusin mɛ. ⁴⁸ Yesu lɔnibe: xoviwe yise hwlɛn ɔ̀gan. Sɔnle fifamɛ. ⁴⁹ Ganmɛ na Yesu kpɔtɔle exolɔnu ɔ̀, emɛ ɖelɛ le bibɔxue ɔ ega e ɔxu emɛba lɔna Jayiro be: we vinynu ɔnku, ŋugɔ hian be agɔdo tagba na emɛkplatɔ ò. ⁵⁰ Vɔ kena Yesu se exo xiɔ, elɔna Jayiro be: Kavɔno, gbɛ yise kpoŋu, a gan. ⁵¹ Kena Yesu jɛ ɔxue ɔmɛ ɔ̀, ŋu na emɔn emɛ ti be, ni biɛ ɔxue ɔmɛ gɔdo ye o, do hugan Piyɛ, Jan, Jakɔbu gɔdo evi etɔ gɔdo e nɔ̀n lokponɔ. ⁵² Emɛ kena le eflɛn ye tɛtɛle avi vinu, le ale nanu Yesu lɔna yebe migɔka via ví ò; nynu viɔ un ku o, vɔ ele dɔnu ɔŋu lɔn wɛ. ⁵³ Ye bole konui, ɖo ye nyɔn be nynu viɔ nɔku. ⁵⁴ Vɔ Yesu hɛn ɔlɔtinnu ni, yɔɛ, lɔbe xovi, fɔn! ⁵⁵ Tlolo ɔ̀, tugbejɛvi ɔ gbɔnba egbɛ ebofɔn, cite Yesu biɔ be ye nu na enu via ɖu. ⁵⁶ Evitɔ ye kɛn yaa vɔ Yesu dosɛn na yebe yeni kalɔ enu kena jɔ na emɛtio.