¹ Kena Yesu lɔ exo xiɔye tɛtɛ na ahuankɔnye jɔhuɛn esɔn Kapɛrnaum. ² Ahuanga de le eto ɔme e ɖevi kenanyi e me vivɛ niɔ̀ jɛ ɔzɔn, le eku donu. ³ Kena ahuanga ɔ̀ se Yesu enyikɔ ɔ̀, e zɔ́n izlayɛliviye e tomexoye ɖo xwlan e de, be ye a lɔni na aba da ɔzɔn na ye ɖevi. ⁴ Kena emeye ba Yesu-deɔ, ye ɖekukuni vivɛ ɖebe: e jɔbe ye awa enu kena ahuanga le biɔnu ɔ̀ ni. ⁵ Ɖo e nyiwan na mie to ɔ eyɔwɛ tun mie bibɔ xue ɔ̀na mi. ⁶ Yesu jɛmɔ̀ kɔdo ye kena ye gogog ɔxue ɔ̀ de ɔ, ahuanga ɔ̀ zɔn ehwannyi ye ye sɔn kpe Yesu, lɔni be: tɔhonɔ̀ kagɔ do tagba na weɖe ò, ɖo mlɔn ŋu jɛbe aba xo xueme ò, ⁷ eyɔ utu mlɔn ŋu kpɔn xoɖe can be ŋu jɛna ma doba wede ò. Gbɛlɔxo lokpo kpoŋu, naxo devi ɔ̀ agan. ⁸ Ɖomlɔn ŋutɔ ɔ̀, xo ɔŋukɔn nɔntɔ ye kpacɛ naŋu, emlɔn can ŋukpacɛ na sɔja ɖeye. Naŋu lɔna lɔna eme xiɔbe: sɔ̀n, enɔsɔn, eyɔ wɛna ŋu lona eme xiɔn be: ba à, enɔnba, na ŋu lɔna xodevi be: wa enu xiɔ̀tɔ ɔ̀ enɔwɛ. ⁹ Kena Yesu se exoxixiɔ̀n, ejɛ ɔŋumeni, elilɛ ɖoxwlan eme kena kplando ye lɔna ye be: ŋu lelɔnuna mi be, mlɔn ŋukpɔn yise xiɔ nagbe le zlayɛlivi jiji ye ŋutɔ me kpɔn canò. ¹⁰ Kena eme na ye zɔn ye lɛkɔ sɔn ɔxuemeɔ ye kpɔn deviɔ gan. ¹¹ Le exiɔn egodo ɔ̀, Yesu sɔn eto kena yenɔ ylɔ be naimme, enukplavi ye gɔdo ahuankɔn gba agba ɖe ye jɛ egbɔn. ¹² Kena yegogo eto ɔ̀ agbo jiɔ, eme yekɔ eme kukulesɔn nu ɖiɖi gbe enyi evi akoŋgona e nɔ̀n ɔsukusiɔ̀ eme susulɛle eto ɔme bɔdo ɔsukusi ɔ ù. ¹³ Yesu kpɔn ɔsukusi ɔ̀, enu wa ɔŋu zinzin ni trolo ɔ, elɔnibe: gɔka viawviò. ¹⁴ Yesu zɔn gogo emekuku, etɔ ɔlɔ aɖaka eme kena kɔɖaka ye nɔte, Yesu bo lɔbe: ɖekajɛ, ŋu le ɖenu egbe nɔ̀n, fɔn!" ¹⁵ Troloɔ̀ emekuku ɔfɔn xin nɔ awan, jɛ exolɔji, e yɔwɛ Yesu yi i yido ɔlɔme na enɔ́. ¹⁶ Ɔvivɔn jɛ eme ye tɛtɛji, ye le kafunu Mawu lelɔ be: Mawu e lɔdawan lɔtɔ gbo ɖe ye ba mi me! Mawu ku ŋuzinzin na etogŋu ɔ̀." ¹⁷ Ye exo xiɔ ɖi gbakpe zlayɛli gɔdo a gbegbe nena lɛdo ye tɛtɛ ji. ¹⁸ Jan enukplavi yisɔn lɔ exo xiɔ tɛtɛ na Jan. Eyɔ eme ɔwele yeme. ¹⁹ Ebozan ye ɖoxwlan tɔ honɔ debe yea kanse vi be: ɔyɔ wɛnyi eme kena ye be ele gbɔnnu alo mi anɔ ete kpɔn emebu? ²⁰ Kena yebayesude ɔ̀, yelɔni be Jan Mawusin lɛna emetɔ wɛdomi ɖoxwlan wede be mia kase vɔ̀be ɔyɔ wɛnyi eme kena yebe elegbɔn nú alo mia nɔte kpɔn eme buù? ²¹ Gan xiɔn me ɔ̀ Yesu gbɔɔzɔnna ɔzɔntɔ susu kena ɔzɔn vovo le ye, enyan gbigbɔ vɛn ye, e hun ɔkusinna ɔkusin gbigbanɔyé. ²² Yesu ɖo e u na Jan enukplavi yebe: misɔn, na mi a sɔn lɔ enu kena mikpɔn gɔdo enu kena mi sena Jan. Ɔkusin gbigba nɔ yele enukpɔn nu, sɛkunɔ ye le zɔnnu, ɔkpotɔnɔ ekpo gba, ɔtokunɔ ye le senu enu, yele fɔn nu emekuku ye, ve bo le donu ewɛn zan tan na wamenɔn ye. ²³ Dona nɔn wɛ a nyi eme kena mlɔn ŋuyi awan jɛnu na an. ²⁴ Kena Jan eme kena ezɔn ye lɛ ɔ̀, Yesu lɔxo do Jan u nan eha bibɔ ɔ̀, ekan ye sebe: nyikɔ misɔn zogbeji, sɔn kpɔn ò? fan-fan kena Jɔhɔn le ewe donu na à? ²⁵ Nyikɔ untɔ misɔn kpɔn ò? eme kena do awu vlaya wɛ? O ò kpɔn eme kena nɔn do awu xɔ ɔho dazo wlan-wlan, kena le egbɛ du nu ye ɔ̀ ega egbɔn ye nɔn nɔn. ²⁶ Nyikɔ untɔ mibo sɔn kpɔn to un ó? Mawu exolɔ ɖa wantɔ wɛ? ɛɛ, ŋ le lɔnu nami be: eme kena mikpɔn ɔ̀, hugan Mawu exolɔɖawantɔ can. ²⁷ Do Jan wuye wlan dobe: kpɔn, ŋu le zɔn nu xo eme sɛntɔ ɖoxwlan Jɛ ɔŋkɔn nɔn, eme kena ajla mɔnji ɖo nɔ̀n. ²⁸ Yesu sɔn, eme kena ajla mɔnji ɖo nɔ̀n. Yesu sɔn eji be: ŋule lɔnu na mi be eme kena ye ji le nyɔnnu edɔme ye ti un hugan janò gan ke ɔ̀, eme kena hue hugan le Mawu e ɔxɔludu mè ɔ̀n hugan ɛn. ²⁹ Ahankɔn keme na, toho jɔtɔ lè ɔ, do jesido enu kena Mawu le bi ɔ nu ye ɔ̀, ye yigbe Jan lɛ Mawu sin na ye. ³⁰ Vɔ falezi yé kɔdo esɛn kpla metɔ ye gbɛ Mawu etito kena ewana ye ɔ̀ ena Jan un lɛ Mawu sin na yoò. ³¹ Yesu sɔn exo ɔji be eme nɔn we wu wɛ ma yi ɔkunkan xiɔ yi jlɛ do ò? me nɔn we wɛ yeɖi ò? ³² Ye ɖi vi yɛ vu kena xinnɔn a awan le ablɔ me, le lɔnu na yeɖe be: mi kun jijɔɛ ekpɛn na mi, vɔ mi un ɖu ewe ò. Mi do avi han ɖo xwlan, vɔ mi un vi a vi ò. ³³ Jan Mawu sin lɛnametɔbà, un nɔn ɖu enu ò, un nɔn nu ahan ó, mibe: gbigbɔ vɛn le donu tagba ni! ³⁴ Egbɛtɔ eviɔ ba, enɔ̀ ɖu enu, enɔn nu, míbe: enyi ɔɖɔnɔn, ahan nu mu nɔ̀ wɛ, enyi toho jɔtɔ kɔdo enu nyinylan wa tɔ ye ehuan nyi. ³⁵ Singbeɖe Mawu evi ye nɔ ɖe Mawu enunyɔnɛn ejijɔ yi xlɛ. ³⁶ Falize ɖe kpe Yesu be niba ɖu enu kɔdo ye kena Yesu sɔn ɔxue ɔme ɔ̀, exin nɔ̀ awan bole ɖu nu enu kɔdoe. ³⁷ Nyɔnnu egbɛ nyinylan zantɔ ɖe ye le eto ɔme kena ese be Yesu leɖu nu enu le Falize li ɔ̀ exueme ɔ̀, ehɛn ami hwin nwɛn kena le nu mantlɛ gome ɔ̀ ɖoba. ³⁸ Enɔ ɔgodo na Yesu bo wli efɔ̀bole vinu avi, do efɔji eviaɖasin kɔndo Yesu efɔji, eboyi eda kena le eta ni ɔ, do le susu nu fɔ ye wu. E gbingbɔn ɔfɔye wu ebokɔn ami huɛn tlitli do ye wu. ³⁹ Kena falize na yi Yesu ɔ̀ kpɔn enu xiɔn, elɔle eɖe me be: na Mawu exolɔɖo awantɔ wɛ nyi eme xiɔ, a nyɔn be nyɔnnu kena le tɔnu ɔlɔwu ye ɔ̀ be nu nyi nylan watɔ wɛ enyi. ⁴⁰ Yesu lɔ ni be: Simɔn ŋu do exo ɖeka lɔ nɔn." Simɔn kanse wu Yesu be: enukplametɔ exo nɔwe wɛ ò?" ⁴¹ Yesu lɔni be: eme ɔwe ɖu ɔxɔ do eme ɖeye eme lokpo ɖu kotokun fɔde eme ɔwegɔdu kotokun kande ɔsi ɔsi. ⁴² Kena enuti unleye si ye ado su ɔxɔ oà, ye e ɔxɔtɔnɔn yi yeme ɔwetɛtɛ exɔyikɛ ye. Eme ɔwe ye me le eme nɔwe wɛ ɔnyɔbe anyiwan na ɔxɔ tɔnɔ hugan ò? ⁴³ Simɔn ɖo ewuna Yesu be: ŋukpɔn be emeken aye yi ɔho susu yikɛ wɛ." Yesu lɔna Simɔ be: ɔlɔɛ esɔgbe pɛpɛ. ⁴⁴ Sibɛ ɔ Yesu lilɛ Jɔkɔn nyɔnnu ɔɖe bo lɔna Simɔn be: ɔkpɔn enu kena nyɔnnu xiɔ wasi ɔ̀? Kena ŋuba we xueme ɔ̀ hun jin esin na ŋu be ma do klɔ ɔfɔ ò, vɔ nyɔnnu xiɔ via ɖa sin do xo fɔ ye ù bo yie eɖa do susu ye ù. ⁴⁵ Hun kisi na ŋu do do wezɔn na ŋu ò, vɔ sɔn gan mena ŋu ba à, un nɔte ò egbingbɔn ɔfɔna ŋu. ⁴⁶ Ɔŋu kɔn ami do eta naŋu o, vɔ nyɔnnu xiɔ kɔn ami do xofɔ ye ji. ⁴⁷ Eyɔ utuŋu lelɔnu nɔ̀ be ewannyi gbokena eɖe yìxlɛɔ̀ nyi ɖe xlɛ be ye yi ehuɛ susu gbagba yikɛ vɔ eme kena ye yi nuvɛn vitin yi kɛ ɔ̀ e wannyi nɔhve. ⁴⁸ Yesu lɔna nyɔnnu ɔ̀ be: yeyiwe can huɛ yeyikɛ ɔ̀." ⁴⁹ Eme kena le ɖu nu enu kɔdo Yesu ye ɔ̀, yele lɔnu le ye ɖeme be: eme nɔnwe toŋ wɛ nyi eme xiɔ ò, kena le yinu ɔgɔ ca le kɛnu eme ò? ⁵⁰ Vɔ Yesu lɔna nyɔnnu ɔ̀ be: we yise hlɛnɔgan sɔn le fifamè.